Click it and Unblock the Notifications
Just In
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ലൈംഗിക ആരോപണം; ഐഎഎസ് ഓഫീസര്‍ക്കെതിരെ പരാതി
ചണ്ഡീഗഡ്: വിവാഹ വാഗ്ദാനം നല്‍കി ഐഎഎസ് ഓഫീസര്‍ തന്നെ വര്‍ഷങ്ങളായി ലൈംഗികമായി ഉപയോഗിച്ചെന്ന് കാട്ടി കീഴ്ജീവനക്കാരി പരാതി നല്‍കി. ഹരിയാന അര്‍ബന്‍ ലോക്കല്‍ ബോഡീസ് ഡിപ്പാര്‍ട്ട്‌മെന്റ് പ്രിന്‍സിപ്പല്‍ സെക്രട്ടറിയായ എസ്എന്‍ റോയിക്കെതിരേയാണ് ആരോപണം ഉയര്‍ന്നിരിക്കുന്നത്. ആരോപണത്തെ തുടര്‍ന്ന് റോയിയോട് നിര്‍ബന്ധിത അവധിയില്‍ പ്രവേശിക്കാന്‍ സര്‍ക്കാര്‍ നിര്‍ദ്ദേശിച്ചു.
2008ല്‍ പരിചയപ്പെട്ട റോയി വിവാഹ വാഗ്ദാനം നല്‍കിയ ശേഷം തന്നെ ലൈംഗികമായി ഉപയോഗിച്ചെന്നാണ് സ്ത്രീയുടെ പരാതി. പരാതിയെക്കുറിച്ച് അന്വേഷിക്കാന്‍ ഹരിയാന ഡിജിപി ഐജിയോട് നിര്‍ദ്ദേശിച്ചിട്ടുണ്ട്. എന്നാല്‍, തന്റെ കക്ഷിക്കെതിരായ കേസ് കെട്ടിച്ചമച്ചതാണെന്നും സ്ത്രീയുടെ പരാതി നിലനില്‍ക്കുന്നതല്ലെന്നും റോയിയുടെ അഭിഭാഷകന്‍ പറഞ്ഞു.
വിവാഹ മോചിതയും ഒരു മകന്റെ അമ്മയുമാണ് പരാതിക്കാരി. റോയിയുമായുള്ള ലൈംഗിക ബന്ധത്തെതുടര്‍ന്ന് രണ്ടുതവണ നിര്‍ബന്ധപൂര്‍വം ഗര്‍ഭഛിദ്രത്തിന് വിധേയയായതായും പരാതിക്കാരി പറയുന്നു. വിവാഹ മോചിതനാണെന്ന് തെറ്റിദ്ധരിപ്പിച്ചതിനെ തുടര്‍ന്നാണ് റോയിയുമായുള്ള ബന്ധം സ്ഥാപിച്ചതെന്നും എന്നാല്‍ വിവാഹക്കാര്യത്തെ കുറിച്ച് പറഞ്ഞതോടെ തന്നെ വഞ്ചിക്കുകയായിരുന്നെന്നും സ്ത്രീ പരാതിയില്‍ വ്യക്തമാക്കിയിട്ടുണ്ട്.
അതേസമയം, 10 കോടി രൂപ സ്ത്രീ ആവശ്യപ്പെട്ടെന്നും കൊടുക്കാത്തതിനെ തുടര്‍ന്ന് ബ്ലാക്ക്‌മെയില്‍ ചെയ്യുകയാണെന്നുമാണ് റോയിയുടെ അഭിഭാഷകന്‍ പറയുന്നത്. ആദ്യ ഭര്‍ത്താവിനെതിരെ സമാന രീതിയിലുള്ള ആരോപണം ഉന്നയിച്ചതായും അദ്ദേഹം ചൂണ്ടിക്കാട്ടുന്നു. അന്നത്തെ സംഭവങ്ങളുടെ മാധ്യമ റിപ്പോര്‍ട്ടും അഭിഭാഷകന്‍ പുറത്തുവിട്ടു.
