ശശി തരൂരിനോട് ടൈംസ് ഓഫ് ഇന്ത്യയുടെ ക്ഷമാപണം
ദില്ലി: തനിക്കെതിരെ തെറ്റായ വാര്ത്ത നല്കിയ ടൈംസ് ഓഫ് ഇന്ത്യയ്ക്കെതിരെ നിയമ നടപടിയെടുക്കുമെന്ന് മുന്നറിയിപ്പ് നല്കിയതോടെ ശശി തരൂരിനോട് ദേശീയ പത്രം മാപ്പു പറഞ്ഞു. സുനന്ദയുടെ മരണവുമായി ബന്ധപ്പെട്ട ഒരു വാര്ത്തയാണ് വിവാദത്തിനിടയാക്കിയത്. തരൂര് പറഞ്ഞതെന്ന് കാട്ടി ടൈംസ് ഓഫ് ഇന്ത്യ തെറ്റായ വാര്ത്തയായിരുന്നു പ്രസിദ്ധീകരിച്ചത്.
സുനന്ദയുടെ മരണം ആത്മഹത്യയാണ് എന്ന് തരൂര് പറഞ്ഞതായി ടൈംസ് ഓഫ് ഇന്ത്യ വാര്ത്ത നല്കി. സുനന്ദയുടെ മരണം കൊലപാതകമല്ലെന്ന പരാമര്ശമാണ് ടൈംസ് ഓഫ് ഇന്ത്യ ലേഖകന് ആത്മഹത്യയാക്കി മാറ്റിയത്. ഇതേ പ്രസ്താവന പത്രത്തില് തുടരെ വന്നതോടെ രൂക്ഷമായ ഭാഷയില് തരൂര് പത്രത്തിനെതിരെ രംഗത്തെത്തി.
ടൈംസ് ഓഫ് ഇന്ത്യയുടേത് തെറ്റായ പത്രപ്രവര്ത്തനമാണെന്ന് തരൂര് കുറ്റപ്പെടുത്തി. വാര്ത്തി തിരുത്തി ഖേദം പ്രകടിപ്പിച്ചില്ലെങ്കില് നിയമനടപടിയെടുക്കുമെന്നും അദ്ദേഹം മുന്നറിയിപ്പു നില്കി. ഇതോടെയാണ് തരൂരിനോട് ടൈംസ് ഓഫ് ഇന്ത്യ ക്ഷമാപണം നടത്തി തടിതപ്പിയത്.
നേരത്തെ ബോളിവുഡ് താരം ദീപികാ പദുക്കോണിന്റെ ക്ലീവേജ് ചിത്രം പ്രസിദ്ധീകരിച്ചത് ഏറെ വിവാദത്തിനിടയാക്കിയിരുന്നു. ടൈംസ് ഓഫ് ഇന്ത്യയ്ക്കെതിരെ മറ്റു പത്രങ്ങളും രൂക്ഷമായ ഭാഷയിലാണ് അന്ന് പ്രതികരിച്ചത്. ദീപിക പദുക്കോണും ഒപ്പം ബോളിവുഡും നടിയുടെ രഹസ്യഭാഗങ്ങള് ഫോക്കസ് ചെയ്ത് വാര്ത്ത കൊടുത്തതിനെതിരെ ടൈംസ് ഓഫ് ഇന്ത്യയെ വിമര്ശിച്ചു.