Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അമ്പും വില്ലും ആരും തൊടേണ്ട..; ശിവസേന ചിഹ്നം മരവിപ്പിച്ച് തെരഞ്ഞെടുപ്പ് കമ്മീഷന്‍
മുംബൈ: ശിവസേനയിലെ അധികാര തര്‍ക്കത്തില്‍ നിര്‍ണായക ഇടപെടലുമായി തെരഞ്ഞെടുപ്പ് കമ്മീഷന്‍. ശിവസേനയുടെ തെരഞ്ഞെടുപ്പ് ചിഹ്നമായ അമ്പും വില്ലും ശനിയാഴ്ച തെരഞ്ഞെടുപ്പ് കമ്മീഷന്‍ മരവിപ്പിച്ചു. ശിവസേനയില്‍ ഉദ്ധവ് താക്കറെയുടെയും ഏകനാഥ് ഷിന്‍ഡെയുടെയും നേതൃത്വത്തിലുള്ള വിഭാഗങ്ങള്‍ തമ്മിലുള്ള തര്‍ക്കം തുടരുന്നതിനിടെയാണ് തെരഞ്ഞെടുപ്പ് കമ്മീഷന്റെ നടപടി.
ഒക്ടോബര്‍ 10 ന് ഉച്ചയ്ക്ക് 1 മണിക്കകം ലഭ്യമായ ചിഹ്നങ്ങളില്‍ നിന്ന് ഒന്ന് തെരഞ്ഞെടുക്കാനും അവരുടെ ഇടക്കാല ചിഹ്നങ്ങള്‍ക്കായി മൂന്ന് ഓപ്ഷനുകള്‍ സമര്‍പ്പിക്കാനും തെരഞ്ഞെടുപ്പ് കമ്മീഷന്‍ ഉദ്ധവ് താക്കറെ- ഏകനാഥ് ഷിന്‍ഡെ വിഭാഗങ്ങളോട് ആവശ്യപ്പെട്ടിട്ടുണ്ട്.
ചിഹ്നം മരവിപ്പിച്ചതോടെ, മുംബൈയിലെ അന്ധേരിയില്‍ നടക്കാനിരിക്കുന്ന ഉപതെരഞ്ഞെടുപ്പിനായി ഉദ്ധവ് താക്കറെയും അദ്ദേഹത്തിന്റെ ഗ്രൂപ്പും മറ്റൊരു പേരും ചിഹ്നവും കണ്ടെത്തേണ്ടിവരും എന്ന് ഉറപ്പായി. ഉദ്ധവ് താക്കറെയുടെ നേതൃത്വത്തിലുള്ള മഹാ വികാസ് അഘാഡി സര്‍ക്കാരിനെ വിമത നീക്കത്തിലൂടെ അട്ടിമറിച്ചാണ് ഏക്‌നാഥ് ഷിന്‍ഡെ ബി ജെ പിയുടെ പിന്തുണയോടെ മുഖ്യമന്ത്രിയായത്.
അന്ന് മുതല്‍ ഉദ്ധവ് താക്കറെ- ഏകനാഥ് ഷിന്‍ഡെ എന്ന പേരില്‍ ശിവസേനയില്‍ രണ്ട് വിഭഗങ്ങള്‍ ഉടലെടുത്തിരുന്നു. എം എല്‍ എമാരും എം പിമാരും പാര്‍ട്ടിയുടെ സംസ്ഥാന യൂണിറ്റുകളുടെ തലവന്മാരും പ്രവര്‍ത്തകരും ഇരുവിഭാഗങ്ങളിലുമായി പക്ഷം ചേര്‍ന്നു. ഇതിനിടെയാണ് യഥാര്‍ത്ഥ ശിവസേന ആര് എന്ന തര്‍ക്കം ഉടലെടുത്തത്.
ഇതോടെ ഒരു വിഭാഗത്തിന് യഥാര്‍ത്ഥ അടയാളങ്ങള്‍ നിലനിര്‍ത്തേണ്ടത് അനിവാര്യമായി. ബാല്‍ താക്കറെയുടെ മരണശേഷം ശിവസേനയെ നയിച്ചതിനാല്‍ ഉദ്ധവ് താക്കറെയെ ഈ ചിഹ്നം നിലനിര്‍ത്താന്‍ അനുവദിക്കണം എന്നാണ് താക്കറെ വിഭാഗം പറയുന്നത്. എന്നാല്‍ ബാല്‍ താക്കറെയുടെ ആശയം അധികാരത്തിനായി അടിയറവ് വെച്ചയാളാണ് ഉദ്ധവ് താക്കറെ എന്നാണ് ഏകനാഥ് ഷിന്‍ഡെ വിഭാഗം പറയുന്നത്.
അടുത്തിടെയാണ് പാര്‍ട്ടിയുടെ ആസ്ഥാനത്തിന് സമീപമുള്ള പരമ്പരാഗത സ്ഥലമായ ശിവാജി പാര്‍ക്കിലെ ദസറ റാലിക്ക് ഉദ്ധവ് താക്കറെ വിഭാഗത്തിന് കോടതി അനുമതി നല്‍കിയിരുന്നത്. ഇത് ഏകനാഥ് ഷിന്‍ഡെ വിഭാഗത്തിന് മേല്‍ നേടിയ വിജയമായാണ് ഉദ്ധവ് താക്കറെ വിഭാഗം കണ്ടിരുന്നത്. എന്നാല്‍ ആദിത്യ താക്കറെയുടെ സ്വന്തം മണ്ഡലത്തില്‍ അതിന് ശേഷം 3000 ത്തോളം പേര്‍ ഏകനാഥ് ഷിന്‍ഡെ വിഭാഗത്തിനൊപ്പം ചേര്‍ന്നിരുന്നു.
