'നിങ്ങള് ജയിക്കുമ്പോള് ഒരു പരാതിയും ഇല്ലാലോ'?: ഇവിഎമ്മുകള്ക്കെതിരായ ഹർജി തള്ളി സുപ്രീംകോടതി
ഡല്ഹി: രാജ്യത്ത് നടക്കുന്ന പ്രധാന തിരഞ്ഞെടുപ്പുകളിലെല്ലാം പേപ്പർ ബാലറ്റുകള് തിരികെ കൊണ്ടുവരണമെന്ന ഹർജികള് തള്ളി സുപ്രീംകോടതി. തോൽക്കുമ്പോൾ മാത്രം ചിലർ ഇവിഎമ്മുകളെ കുറ്റപ്പെടുത്തുകയാണെന്ന നിരീക്ഷണത്തോടെയാണ് കെഎ പോൾ സമർപ്പിച്ച ഹർജി തള്ളിയത്. തിരഞ്ഞെടുപ്പിൽ വിജയിച്ച് കഴിഞ്ഞാല് ഇ വി എമ്മുകളിലോ വോട്ടിങ് യന്ത്രങ്ങളിലോ കൃത്രിമം ഉണ്ടെന്ന ആരോപണം ഇല്ലാലോയെന്നും ജസ്റ്റിസ് വിക്രം നാഥും പിബി വാർലെയും അധ്യക്ഷനായ ബെഞ്ച് ചോദിച്ചു.
"ചന്ദ്രബാബു നായിഡും ജഗന്മോഹന് റെഡ്ഡിയും തിരഞ്ഞെടുപ്പില് തോറ്റപ്പോൾ ഇ വി എമ്മുകളിൽ കൃത്രിമം കാണിച്ചുവെന്ന് ആരോപിച്ചു. എന്നാല് വിജയിക്കുമ്പോൾ അവർക്ക് ഒന്നും പറയുന്നില്ല. ഇതിനെ ഞങ്ങള് എങ്ങനെയാണ് നോക്കിക്കാണേണ്ടത്. ഈ ഹർജികള് ഞങ്ങള് തള്ളുകയാണ്." സുപ്രീംകോടതി വ്യക്തമാക്കി. വോട്ടെടുപ്പിനിടെ വോട്ടർമാർക്ക് പണമോ മദ്യമോ മറ്റ് വസ്തുക്കളോ വിതരണം ചെയ്തതിന് കുറ്റക്കാരാണെന്ന് കണ്ടെത്തിയാൽ കുറഞ്ഞത് അഞ്ച് വർഷത്തേക്ക് സ്ഥാനാർത്ഥികളെ അയോഗ്യരാക്കാൻ തിരഞ്ഞെടുപ്പ് കമ്മീഷനോട് നിർദ്ദേശം നൽകണമെന്നും ഹർജിക്കാരന് ആവശ്യപ്പെട്ടിരുന്നു.
ഇവിഎമ്മുകളിൽ കൃത്രിമം കാണിക്കാമെന്നും ഇവിഎമ്മുകൾക്ക് പകരം പേപ്പർ ബാലറ്റുകൾ ഉപയോഗിക്കുന്ന അമേരിക്ക പോലുള്ള രാജ്യങ്ങളുടെ രീതികൾ ഇന്ത്യ പിന്തുടരണമെന്നുമായിരുന്നു പിഎ പോള് ഹർജിയിലൂടെ ആവശ്യപ്പെട്ടിരുന്നത്. ഇ വി എമ്മുകൾ ജനാധിപത്യത്തിന് ഭീഷണിയാണ്, ഇലോൺ മസ്കിനെപ്പോലുള്ള പ്രമുഖ വ്യക്തികൾ പോലും ഇവിഎം കൃത്രിമത്വത്തെക്കുറിച്ച് ആശങ്ക പ്രകടിപ്പിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.
അതേസമയം, രാജ്യത്ത് ഇവിഎമ്മുകള് തിരികെ കൊണ്ടുവരണമെന്ന് ആവശ്യപ്പെട്ട് പ്രതിഷേധം ശക്തമാക്കാന് ഒരുങ്ങുകയാണ് കോണ്ഗ്രസ്. തെരഞ്ഞെടുപ്പിൽ ബാലറ്റ് പേപ്പറുകളുടെ തിരിച്ചുവരവിനാണ് 'ഭാരത് ജോഡോ യാത്ര'ക്ക് സമാനമായ രീതിയില് പ്രതിഷേധം സംഘടിപ്പിക്കുമെന്നാണ് എ ഐ സി സി അധ്യക്ഷന് മല്ലികാർജ്ജുന് ഖാർഗെ ഇന്ന് വ്യക്തമാക്കിയിരിക്കുന്നത്.
"നമുക്ക് ഇവിഎമ്മുകൾ വേണ്ട, നമുക്ക് വേണ്ടത് ബാലറ്റ് പേപ്പറാണ്," ഡൽഹിയിലെ തൽക്കത്തോറ സ്റ്റേഡിയത്തിൽ കോണ്ഗ്രസ് സംഘടിപ്പിച്ച ഭരണഘടനാ ദിന പരിപാടിയിൽ പങ്കെടുത്തുകൊണ്ട് മല്ലികാർജ്ജുന് ഖാർഗെ പറഞ്ഞു.
മഹാരാഷ്ട്ര നിയമസഭാ തെരഞ്ഞെടുപ്പിൽ 288-ൽ 230 സീറ്റുകൾ നേടി ബിജെപി നേതൃത്വത്തിലുള്ള മഹായുതി സഖ്യം വന് വിജയം സ്വന്തമാക്കിയതിന് പിന്നാലെ കോൺഗ്രസ് ഉൾപ്പെടെയുള്ള പ്രതിപക്ഷ പാർട്ടികൾ തിരഞ്ഞെടുപ്പ് നടത്തിപ്പിൽ കൃത്രിമം കാണിച്ചുവെന്ന് ആരോപിക്കുന്നതിന്റെ പശ്ചാത്തലത്തില് കൂടിയാണ് ഖാർഗെ ബാലറ്റ് പേപ്പറുകള്ക്കായുള്ള ആവശ്യം ശക്തമാക്കുന്നത്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google