പോലീസ് യുവാവിന്റെ തലയടിച്ച് പൊട്ടിച്ചു; കാരണം ഹെൽമറ്റ്...
ബൈക്ക് യാത്രികനായ യുവാവിനെ കുറുവടി ഉപയോഗിച്ച് തലയടിച്ചു പൊട്ടിച്ചു
ചെന്നൈ: ഹെൽമറ്റ് വേട്ടയെന്ന പേരിൽ ബൈക്ക് യാത്രികന് പോലീസിന്റെ മർദനം. ബൈക്ക് യാത്രികനായ യുവാവിനെ കുറുവടി ഉപയോഗിച്ച് തലയടിച്ചു പൊട്ടിച്ചു. തമിഴ്നാട്ടിലെ കന്യാകുമാരി ജില്ലയിലാണ് കേസിനാസ്പദമായ സംഭവം നടന്നത്. തുടർന്ന് യുവാവിനെ മർദിച്ച പോലീസുകാരനെ സസ്പെൻഡ് ചെയ്തിട്ടുണ്ട്.
നവംബർ 23 നാണ് കേസിനാസ്പദമായ സംഭവം നടന്നത്. ഹെൽമറ്റ് വേട്ടയെന്ന പേരിൽ റോഡിൽ പരിശേധനയ്ക്ക് എത്തിയ പോലീസുകാരനാണ് നിർത്താത പോയ ബൈക്ക് യാത്രികന്റെ തലയിൽ ലാത്തി കൊണ്ട് മർദിച്ചത്. തലക്ക് അടിയേറ്റ ഇയാൾ കുറെ ദൂരം ബൈക്കുമായി മുന്നോട്ടു പോയിരുന്നു. കുറച്ച് ദൂരം പിന്നിട്ടതിനു ശേഷമാണ് ബൈക്ക് നിർത്തിയത്. ഇയാളുടെ പിന്ഡ സീറ്റിൽ മറ്റൊരു യാത്രികനും ഉണ്ടായിരുന്നു. എന്നാൽ പോലീസിന്റെ കുറുവടി പ്രയോഗത്തിൽ ഇയാൾക്ക് പരിക്കുകളൊന്നും പറ്റിയിരുന്നില്ല.
സംഭവം വിവാദമായതിനെ തുടർന്ന് പോലീസുകാരനെ സസ്പെൻഡു ചെയ്തിട്ടുണ്ട്. സബ് ഇൻസ്പെക്ടർ മരിയ അക്രോസാണ് ബൈക്ക് യാത്രികനെ മർദജിച്ചത്. യുവാവിനെ മർദിക്കുന്ന ദൃശ്യങ്ങൽ റോഡിൽ സ്ഥാപിച്ചിരുന്ന സിസിടിവിയിൽ പതിഞ്ഞിരുന്നു. ഈ ദൃശ്യങ്ങൾ മാധ്യമങ്ങൾ പുറത്തു വിട്ടിട്ടുണ്ട്.
Click it and Unblock the Notifications
Sign in with Google