അഖിലേഷിന് പണി വരുന്നു; എസ്പി നേതാക്കളുടെ വീടുകളില് റെയ്ഡ്... ആരാണ് രാജീവ് റായ്?
ലഖ്നൗ; ഉത്തര് പ്രദേശ് നിയമസഭാ തിരഞ്ഞെടുപ്പ് പ്രചാരണം മുറുകവെ, സമാജ്വാദി പാര്ട്ടി നേതാവിന്റെ വീട്ടില് ആദായ നികുതി വകുപ്പിന്റെ റെയ്ഡ്. എസ്പി നേതാവും മുന് മുഖ്യമന്ത്രിയുമായ അഖിലേഷ് യാദവിന്റെ അടുത്ത വ്യക്തിയുടെ വീട്ടിലാണ് ഇന്ന് രാവിലെ മുതല് റെയ്ഡ് നടക്കുന്നത്. എസ്പി വക്താവ് കൂടിയാണ് രാജീവ് റായ്. ഇദ്ദേഹത്തിന്റേതിന് പുറമെ മറ്റൊരു എസ്പി നേതാവിന്റെ വീട്ടിലും റെയ്ഡ് നടക്കുകയാണ്. എസ്പിയുടെ ശക്തി കേന്ദ്രമായ മെയിന്പുരിയിലെ നേതാക്കളെയാണ് ഐടി വകുപ്പ് ലക്ഷ്യമിട്ടിരിക്കുന്നത്. എന്നാല് ബിജെപി അന്വേഷണ ഏജന്സികളെ ഉപയോഗിച്ച് പ്രതികാരം ചെയ്യുകയാണെന്ന് എസ്പി നേതൃത്വം കുറ്റപ്പെടുത്തി.
കിഴക്കന് യുപിയിലെ മാവു ജില്ലക്കാരനാണ് രാജീവ് റായ്. ഇദ്ദേഹത്തിന്റെ വസതിയില് ഇന്ന് രാവിലെയാണ് അന്വേഷണ സംഘം എത്തിയത്. വാരണാസിയില് നിന്നുള്ള ഉദ്യോഗസ്ഥരാണ് പരിശോധന നടത്തുന്നത്. രാഷ്ട്രീയ എതിരാളികളെ അന്വേഷണ ഏജന്സികളെ ഉപയോഗിച്ച് ബിജെപി ഒതുക്കുന്നു എന്ന ആക്ഷേപം നേരത്തെ പ്രതിപക്ഷം ഉന്നയിച്ചിരുന്നു. ഇതിനിടെയാണ് എസ്പി നേതാക്കളുടെ വീട്ടിലും ഉദ്യോഗസ്ഥരെത്തിയത്. കഴിഞ്ഞ ദിവസം പ്രധാനമന്ത്രി നരേന്ദ്ര മോദിയും മുഖ്യമന്ത്രി യോഗി ആദിത്യനാഥും വാരണാസിയില് ചര്ച്ച നടത്തിയിരുന്നു. ബിജെപി ഇത്തവണ പ്രധാനമായും ലക്ഷ്യമിടുന്നത് കിഴക്കന് യുപിയാണ്. കിഴക്കന് യുപിയിലെ എസ്പി നേതാവാണ് രാജീവ് റായ്.
രാജീവ് റായി നയിക്കുന്ന ഗ്രൂപ്പിന് കര്ണാടകത്തില് നിരവധി വിദ്യാഭ്യാസ സ്ഥാപനങ്ങളുണ്ട്. കര്ണടാകയിലെ സ്ഥാപനങ്ങളുമായി ബന്ധപ്പെട്ട രേഖകള് ലഭിക്കാനാണ് റെയ്ഡ് എന്നും പറയപ്പെടുന്നു. ഞാന് ക്രിമിനല് പശ്ചാത്തലമില്ലാത്ത വ്യക്തിയാണ്. കള്ളപ്പണ ഇടപാടും എനിക്കില്ല. ഞാന് ജനങ്ങളെ സഹായിക്കുന്നു. ബിജെപി സര്ക്കാര് അത് ചെയ്യുന്നില്ല. ഇതാണ് റെയ്ഡിന് കാരണം. അനാവശ്യമായി കേസുകളില് പെടുത്തി കുരുക്കിടാനാണ് ശ്രമം- രാജീവ് റായ് മാധ്യമങ്ങളോട് പറഞ്ഞു. 2014ല് ഗോസി മണ്ഡലത്തില് നിന്ന് ലോക്സഭയിലേക്ക് മല്സരിച്ചിരുന്നു രാജീവ് റായ്.
എസ്പിയുടെ ദേശീയ സെക്രട്ടറിയാണ് രാജീവ് റായ്. പാര്ട്ടി വക്താവ് കൂടിയാണ്. 2012ല് എസ്പി ഉത്തര് പ്രദേശ് ഭരണം പിടിച്ചതിന് പിന്നില് രാജീവ് റായിയുടെ തന്ത്രങ്ങളായിരുന്നു. മാത്രമല്ല, അദ്ദേഹമാണ് എസ്പിയുടെ മുഖമായി മാധ്യമങ്ങള്ക്ക് മുമ്പില് എപ്പോഴുമെത്താറുള്ളത്. അതുകൊണ്ടുതന്നെ രാജീവ് റായിക്കെതിരായ നീക്കത്തിനെതിരെ എസ്പി ശക്തമായ പ്രതിരോധം തീര്ക്കുമെന്നാണ് റിപ്പോര്ട്ടുകള്. മെയിന്പുരിയിലെ എസ്പി നേതാവ് മനോജ് യാദവിന്റെ വീട്ടിലും റെയ്ഡ് നടക്കുന്നുണ്ട്. നിരവധി കമ്പനികളുടെ ഗ്രൂപ്പായ ആര്സിഎല്ലിന്റെ പ്രമോട്ടറാണ് മനോജ് യാദവ്. ഉത്തര് പ്രദേശില് ഇത്തവണ എസ്പിയും ബിജെപിയും തമ്മിലാണ് പ്രധാന മല്സരം.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google