ശത്രുവിന്റെ പ്രതിരോധത്തെ ഛിന്നഭിന്നമാക്കും, മിസൈലുകളുടെ കണ്ണില്പ്പെടില്ല; ഇന്ത്യക്ക് കരുത്തായി എല്സിഎച്ച്
ന്യൂദല്ഹി: ഇന്ത്യന്യ്ക്ക് കരുത്തായി തദ്ദേശീയമായ നിര്മിച്ച ലൈറ്റ് കോംബാറ്റ് ഹെലികോപ്റ്ററും. രാജസ്ഥാനിലെ ജോധ്പൂരില് നടന്ന ചടങ്ങില് പ്രതിരോധ മന്ത്രി രാജ്നാഥ് സിംഗ്, വ്യോമസേനാ മേധാവി എയര് ചീഫ് മാര്ഷല് വിആര് ചൗധരി, മറ്റ് മുതിര്ന്ന സൈനിക ഉദ്യോഗസ്ഥര് എന്നിവരുടെ സാന്നിധ്യത്തില് ലൈറ്റ് കോംബാറ്റ് ഹെലികോപ്റ്ററിനെ വ്യോമസേനയില് ഔദ്യോഗികമായി ഉള്പ്പെടുത്തി.
സര്ക്കാര് ഉടമസ്ഥതയിലുള്ള ഹിന്ദുസ്ഥാന് എയ്റോനോട്ടിക്സ് ലിമിറ്റഡ് ആണ് ലൈറ്റ് കോംബാറ്റ് ഹെലികോപ്റ്റര് (എല് സി എച്ച്) നിര്മിച്ചത്. ഏത് പ്രതികൂല കാലാവസ്ഥയിലും ടേക്ക് ഓഫും ലാന്റിംഗും നടത്താന് സാധിക്കും എന്നതാണ് എല് സി എച്ചിന്റെ പ്രധാന സവിശേഷത. ഗണ്യമായ ആയുധങ്ങളും ഇന്ധനവുമായി 5,000 മീറ്റര് ഉയരത്തില് ലാന്ഡ് ചെയ്യാനും ടേക്ക് ഓഫ് ചെയ്യാനും സാധിക്കും.
image credit: Rajnath Singh@Twitter
ഇതിന് കഴിയുന്ന ലോകത്തിലെ ഒരേയൊരു ആക്രമണ ഹെലികോപ്റ്ററാണ് എല്സിഎച്ച് എന്നാണ് പറയപ്പെടുന്നത്. ചൂടേറിയ മരുഭൂമികളിലും വളരെ തണുപ്പേറിയ ഉയര്ന്ന പ്രതലങ്ങളിലും, യുദ്ധസാഹചര്യങ്ങളിലും പ്രവര്ത്തിക്കാന് കഴിയുന്ന ഹെലികോപ്ടറാണിത്. 5.8 ടണ് ഭാരമുള്ള ഇരട്ട എന്ജിന് ഹെലികോപ്റ്റര് വിവിധ ഘട്ടങ്ങളിലുള്ള പരീക്ഷണം വിജയകരമായി പൂര്ത്തിയാക്കിയിരുന്നു
image credit: Rajnath Singh@Twitter
പൈലറ്റിനും കോ-പൈലറ്റിനും വേണ്ടിയുള്ള കോണ്ഫിഗറേഷനും ഒന്നിനുപുറകെ ഒന്നായി ഇടുങ്ങിയ ഒരു ഫ്യൂസ്ലേജും ടാന്ഡവും എല് സി എച്ചിലുണ്ട്. കോ-പൈലറ്റ് വെപ്പണ് സിസ്റ്റംസ് ഓപ്പറേറ്റര് കൂടിയായിരിക്കും. എ എല് എച്ചിന്റെ നിരവധി സവിശേഷതകള് എല് സി എച്ചിനുമുണ്ട്. എന്നാല് ടാന്ഡം കോക്ക്പിറ്റ് കോണ്ഫിഗറേഷനില് എല് സി എച്ച്, എ എല് എച്ചുമായി വ്യത്യാസപ്പെട്ടിരിക്കുന്നു.
image credit: Rajnath Singh@Twitter
എല് സി എച്ചിന്റെ ആദ്യത്തെ ടെക്നോളജി ഡെമോണ്സ്ട്രേറ്റര് 2010 ഫെബ്രുവരിയില് ആണ് പൂര്ത്തിയായത്. സമുദ്രനിരപ്പ് മുതല് സിയാച്ചിന് പര്വതനിരകള് വരെയും കൊടും തണുപ്പും ചൂടും ഉള്ള കാലാവസ്ഥയിലും മരുഭൂമി പ്രദേശങ്ങളിലും വിവിധ ഉയരങ്ങളിലാണ് വിമാന പരീക്ഷണം നടത്തിയതെന്ന് എച്ച് എ എല് അധികൃതര് പറഞ്ഞു.
image credit: Rajnath Singh@Twitter
ഈ പരിശോധനകളില്, ഇലക്ട്രോ ഒപ്റ്റിക്കല് സിസ്റ്റം, ഹെല്മെറ്റ് ഘടിപ്പിച്ച ഡിസ്പ്ലേ സിസ്റ്റം, സോളിഡ് സ്റ്റേറ്റ് ഡാറ്റ, വീഡിയോ റെക്കോര്ഡര് തുടങ്ങിയ മിഷന് സെന്സറുകളും ടററ്റ് ഗണ്, റോക്കറ്റുകള്, എയര്-ടു-എയര് മിസൈല് സംവിധാനങ്ങള് തുടങ്ങിയ ആയുധ സംവിധാനങ്ങളും സംയോജിപ്പിച്ചിരുന്നു എ ന്നും അധികൃതര് വ്യക്തമാക്കി.
image credit: Rajnath Singh@Twitter
എല് സി എച്ചിന്റെ പരമാവധി വേഗത മണിക്കൂറില് 268 കിലോമീറ്റര് ആണ്. പറക്കാന് കഴിയുന്ന പരമാവധി സാന്ദ്രതയുള്ള ഉയര 6.5 കിലോമീറ്റര് ആണ്. കാര്യമായ ക്രാഷ് പ്രൂഫ് ഘടനയും ലാന്ഡിംഗ് ഗിയറും എല് സി എച്ച് വാഗ്ദാനം ചെയ്യുന്നു. ഉണ്ട്. ബയോളജിക്കല്, കെമിക്കല് (എന്ബിസി) സാഹചര്യങ്ങളില് നിന്നുള്ള സംരക്ഷണം പ്രഷറൈസ്ഡ് ക്യാബിന് ഒരുക്കും.
ശത്രുക്കളുടെ റഡാറുകളില് നിന്നോ ശത്രുമിസൈലുകളില് നിന്നോ ഹെലികോപ്റ്ററിനെ സംരക്ഷിക്കുന്ന ഒരു കൗണ്ടര് മെഷര് ഡിസ്പെന്സിങ് സിസ്റ്റം സജ്ജീകരിച്ചിട്ടുണ്ട്. 20 എംഎം ടററ്റ് ഗണ്, 70 എംഎം റോക്കറ്റുകള്, എയര് ടു എയര് മിസൈല് സംവിധാനങ്ങള് എന്നിവ വിമാനത്തിലുണ്ട്. എച്ച് എ എല് നിര്മ്മിക്കുന്ന രണ്ട് ഫ്രഞ്ച് പവര് എഞ്ചിനുകളാണ് എല് സി എച്ചിന് കരുത്തേകുന്നത്.
ശത്രുവിന്റെ വ്യോമ പ്രതിരോധം നശിപ്പിക്കല്, കലാപത്തെ ചെറുക്കുക, വാര് സെര്ച്ച് ആന്ഡ് റെസ്ക്യൂ, ആന്റി ടാങ്ക്, കൗണ്ടര് സര്ഫസ് ഫോഴ്സ് ഓപ്പറേഷന്സ് തുടങ്ങിയ യുദ്ധ റോളുകളുടെ കഴിവുകളും എല് സി എച്ചിനുണ്ട്. എച്ച് എ എല്ലിന്റെ നിഗമനത്തില് 160 എല് സി എച്ചുകള് ആവശ്യമാണ്, 65 എണ്ണം ഐ എ എഫിനും 95 എണ്ണം ഇന്ത്യന് ആര്മിക്കും.
2021 നവംബറില്, പ്രധാനമന്ത്രി നരേന്ദ്ര മോദി എല്സിഎച്ച് പ്രതീകാത്മകമായി ഇന്ത്യന് വ്യോമസേനയ്ക്ക് കൈമാറിയിരുന്നു. 3887 കോടി രൂപയ്ക്ക് തദ്ദേശീയമായി നിര്മിച്ച 15 ഹെലിക്കോപ്റ്ററുകള് വാങ്ങാന് പ്രധാനമന്ത്രിയുടെ നേതൃത്വത്തിലുള്ള സുരക്ഷാ കാര്യങ്ങള്ക്കുള്ള മന്ത്രിസഭാ ഉപസമിതി തീരുമാനിച്ചിരുന്നു. ഇതില് 10 ഹെലിക്കോപ്റ്ററുകള് വ്യോമസേനയ്ക്കും അഞ്ചെണ്ണം സൈന്യത്തിനുമാണ്.
-
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
ബെംഗളൂരു രണ്ടാം എയർപോർട്ട്: ഇത്തവണ കർണാടക രണ്ടും കൽപ്പിച്ച്, പരിഗണനയിൽ ഈ 3 സ്ഥലങ്ങൾ
Click it and Unblock the Notifications
Sign in with Google