ഭരണഘടനാപരമായ ഉത്തരവാദിത്തങ്ങള് നിര്വഹിക്കുമ്പോള് ലക്ഷ്മണ രേഖയെക്കുറിച്ച് ഓര്മ്മിക്കണം: എന്വി രമണ
ന്യൂദല്ഹി: ഭരണഘടനാപരമായ ഉത്തരവാദിത്തങ്ങള് നിര്വഹിക്കുമ്പോള് ലക്ഷ്മണ രേഖയെക്കുറിച്ച് ഓര്മ്മിക്കണമെന്ന് സുപ്രീം കോടതി ചീഫ് ജസ്റ്റിസ് എന് വി രമണ. ജനാധിപത്യത്തിന്റെ മൂന്ന് തൂണുകള്ക്കിടയില് അധികാര വിഭജനം ഭരണഘടന അനുശാസിക്കുന്നുണ്ടെന്നും എന് വി രമണ പറഞ്ഞു. പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത മുഖ്യമന്ത്രിമാരുടെയും ഹൈക്കോടതി ചീഫ് ജസ്റ്റിസുമാരുടെയും സംയുക്ത സമ്മേളനത്തില് സംസാരിക്കുകയായിരുന്നു അദ്ദേഹം.
ഭരണഘടന മൂന്ന് തൂണുകള്ക്കിടയിലുള്ള അധികാര വിഭജനം നല്കുന്നു. മൂന്ന് അവയവങ്ങള് തമ്മിലുള്ള യോജിപ്പുള്ള പ്രവര്ത്തനം ജനാധിപത്യത്തെ ശക്തിപ്പെടുത്തുന്നു. നമ്മുടെ കടമ നിര്വഹിക്കുമ്പോള് നമ്മള് ലക്ഷ്മണ് രേഖയെ ഓര്ക്കണം, അദ്ദേഹം പറഞ്ഞു. ജുഡീഷ്യറിയുടെ ഭാഗത്ത് നിന്ന് വിധികള് ഉണ്ടായിട്ടും സര്ക്കാരുകള് ബോധപൂര്വമായ നിഷ്ക്രിയത്വം കാണിക്കുന്നത് ജനാധിപത്യത്തിന്റെ ആരോഗ്യത്തിന് നല്ലതല്ലെന്നും അദ്ദേഹം പറഞ്ഞു.
പൊതുതാല്പ്പര്യ വ്യവഹാരങ്ങള് ദുരുപയോഗം ചെയ്യുന്നതിലും എന് വി രമണ തന്റെ ആശങ്ക രേഖപ്പെടുത്തി. പൊതുതാല്പര്യ ഹര്ജികള് ഇപ്പോള് 'വ്യക്തിഗത താല്പ്പര്യ വ്യവഹാരം' ആയി മാറിയിരിക്കുന്നു എന്നും അവ വ്യക്തിഗത വിഷയങ്ങള് പരിഹരിക്കാന് ഉപയോഗിക്കുന്നു എന്നും അദ്ദേഹം ചൂണ്ടിക്കാട്ടി.
ഹൈക്കോടതി ജഡ്ജിമാരുടെ ഒഴിവുകള് നികത്താനുള്ള നടപടികള് ഊര്ജിതമാക്കാന് ഹൈക്കോടതി ചീഫ് ജസ്റ്റിസുമാരോട് എന് വി രമണ കഴിഞ്ഞ ദിവസം നിര്ദേശിച്ചിരുന്നു. ഒഴിവുകളില് നിയമിക്കേണ്ടവരുടെ പേരുകള് എത്രയും വേഗം അയക്കണമെന്ന് അദ്ദേഹം ആവശ്യപ്പെട്ടു. ഒട്ടേറെ ഹൈക്കോടതികള് സഹകരിച്ചതിന്റെ ഫലമായി ഒരു വര്ഷത്തിനിടെ 126 ഒഴിവുകളാണ് നികത്തിയത് എന്നും അദ്ദേഹം പറഞ്ഞു.
ഹൈക്കോടതികളിലെ 1,104 ജഡ്ജിമാരുടെ തസ്തികകളില് 387 എണ്ണം ഒഴിഞ്ഞുകിടക്കുകയാണ്. കഴിഞ്ഞ ഒരു വര്ഷത്തിനിടെ, 10 പുതിയ ഹൈക്കോടതി ചീഫ് ജസ്റ്റിസുമാരെ കൂടാതെ ഒമ്പത് പുതിയ ജഡ്ജിമാരെയും സുപ്രീം കോടതിയില് ഒറ്റയടിക്ക് നിയമിച്ചെന്ന് തന്റെ നേതൃത്വത്തിലുള്ള കൊളീജിയം ഉറപ്പാക്കിയ കാര്യവും ചീഫ് ജസ്റ്റിസ് പരാമര്ശിച്ചു. ജസ്റ്റിസുമാരായ യു യു ലളിത്, എ എം ഖാന്വില്ക്കര് എന്നിവരും സമ്മേളനത്തില് പങ്കെടുക്കുന്നുണ്ട്.
ജില്ലാ കോടതികള്ക്കുള്ള ഐടി ഇന്ഫ്രാസ്ട്രക്ചര് വികസനം, ജില്ലാ കോടതികളുടെ ഐടി ആവശ്യങ്ങള്ക്കായി കമ്പ്യൂട്ടര് ഉദ്യോഗസ്ഥരുടെ സ്ഥിരം കേഡര്, ഉത്തരവുകളും വിധിന്യായങ്ങളും ഇമെയിലിലൂടെ എല്ലാ പങ്കാളികള്ക്കും കൈമാറുക, വേഗത്തിലുള്ള തീര്പ്പാക്കലിനായി ആര്ട്ടിഫിഷ്യല് ഇന്റലിജന്സിന്റെ ഉപയോഗം തുടങ്ങിയ വിഷയങ്ങളും സമ്മേളനത്തില് ചര്ച്ച ചെയ്തിരുന്നു. ആറ് വര്ഷത്തെ ഇടവേളയ്ക്ക് ശേഷമാണ് ഹൈക്കോടതി ചീഫ് ജസ്റ്റിസുമാരുടെ സമ്മേളനം നടക്കുന്നത്. 1953 നവംബറിലാണ് ആദ്യത്തെ ചീഫ് ജസ്റ്റിസുമാരുടെ സമ്മേളനം നടന്നത്.
ഹലാമതി ഹബീബോ... കലക്കന് ചിത്രങ്ങളുമായി മാളവിക
-
സ്വര്ണവില കുറഞ്ഞു; 74000 രൂപയ്ക്ക് എട്ട് ഗ്രാം വാങ്ങാം, ആഭരണത്തിന് ഈ സ്വര്ണം മതി, പവന് വില -
പലതരം സുഖഭോഗങ്ങള് അനുഭവിക്കാന് അവസരം, ഭാര്യയുടെ ആഗ്രഹങ്ങള് നിറവേറ്റും, ജോലിയിൽ പ്രമോഷൻ, നാൾഫലം -
രാധിക ശരത് കുമാറിനെ പ്രതാപ് പോത്തൻ ഉപേക്ഷിക്കാൻ കാരണം, രണ്ടാം വിവാഹത്തിൽ നടിക്ക് സംഭവിച്ചത്; ആലപ്പി അഷ്റഫ് -
സന്തോഷ് പണ്ഡിറ്റിന് ഒരു മാസം വരുന്ന ചെലവ് ഇത്ര; കണക്ക് പങ്കുവെച്ച് താരം -
കൊച്ചിയിൽ ഇനി യാത്ര എളുപ്പം; വൈറ്റില ജംഗ്ഷന്റെ വടക്കുഭാഗത്ത് ബസ് സ്റ്റാൻഡ്, ഒരുങ്ങുന്നത് വമ്പൻ പ്ലാൻ..! -
മുസ്ലിം ലീഗില് പൊട്ടിത്തെറി; പാണക്കാട്ടെ തീരുമാനം ചോദ്യം ചെയ്ത് രണ്ടത്താണി, 'തങ്ങളെ കരുവാക്കി' -
വടകരയിൽ എൽഡിഎഫ് സ്ഥാനാർത്ഥിയായി എംകെ ഭാസ്കരൻ; എതിരാളി രമയോ വേണുവോ? കടുത്ത പോരാട്ടം ഉറപ്പ് -
സ്വർണ വില പവന് 23,000 രൂപ വരെ ഇടിയും;അക്ഷയ തൃതീയക്ക് സ്വർണം വാങ്ങിക്കൂട്ടാം? പിന്നെ വിറ്റ് കാശാക്കാം -
പ്രവാസികള്ക്ക് ആരോഗ്യ പരിരക്ഷ; 1 കോടി വരെ കവറേജുമായി നോര്ക്ക കെയര്, അവസാന തിയ്യതി അറിയാം -
ഒരു ഗ്രാമിന് 1.15 ലക്ഷം, പവന് 9.2 ലക്ഷം! മാന്ദ്യം കഴിഞ്ഞാല് സ്വര്ണവില കുതിക്കുമെന്ന് കിയോസാക്കി -
പെരമ്പൂരില് എസി ഓഫീസ്; വിജയ്ക്ക് മറ്റൊരു വെല്ലുവിളി, സംഗീതയുടെ ആസ്തി പരസ്യമാക്കുമോ -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ?
Click it and Unblock the Notifications
Sign in with Google