ആരാധകരുടെ അംബി; വില്ലനായി വന്ന് നായകനായി തിളങ്ങി, കേന്ദ്രമന്ത്രി വരെ എത്തിയ അംബരീഷിനെ പറ്റി...
ബെംഗളൂരു: അംബരീഷ് കന്നഡ ചലച്ചിത്ര താരം മാത്രമായിരുന്നില്ല. മികച്ച രാഷ്ട്രീയ നേതാവ് കൂടിയായിരുന്നു. വൃക്കസംബന്ധമായ അസുഖത്തെ തുടര്ന്ന് ചികില്സയിലിരിക്കെയാണ് ശനിയാഴ്ച വൈകീട്ട് ഹൃദയാഘാതമുണ്ടായത്. കോണ്ഗ്രസില് രാഷ്ട്രീയ പ്രവര്ത്തനം തുടങ്ങി, ജനതാദളില് ചേര്ന്ന്... വീണ്ടും കോണ്ഗ്രസില് തിരിച്ചെത്തിയ അംബരീഷ് കേന്ദ്രമന്ത്രിയായിരുന്നത് മാസങ്ങള് മാത്രം.
രാജിവച്ച് ഒഴിയുകയായിരുന്നു മന്ത്രി പദവി. എണ്പതുകളിലെ മലയാളികളുടെ പ്രിയ നടി സുമലതയാണ് അംബരീഷിന്റെ ഭാര്യ. ഒട്ടേറെ കന്നഡ ചിത്രങ്ങളില് വേഷമിട്ട അംബരീഷ് മലയാള സിനിമയിലും അഭിനയിച്ചിട്ടുണ്ട്. അംബരീഷിന്റെ ജീവിതം ഇങ്ങനെ.....
മലയാളത്തിലും അംബരീഷ്
കര്ണാടകയിലെ മദൂര് ദൊഡരസിനക്കെരെയില് 1952 മെയ് 29നാണ് അംബരീഷ് ജനിച്ചത്. എണ്പതുകളില് തിളങ്ങി നിന്ന ജനപ്രിയ നായകനായിരുന്നു ഇദ്ദേഹം. സിനിമയില് വില്ലനായിട്ടാണ് ആദ്യം തിളങ്ങിയത്. പിന്നീട് നായക വേഷത്തിലേക്ക് മാറിയതാണ് അംബരീഷിന്റെ താരചരിത്രം. മലയാളത്തില് ശ്രീകുമാരന് തമ്പി സംവിധാനം ചെയ്ത ഗാനം എന്ന ചിത്രത്തില് നായകനായിട്ടുണ്ട്.
റിബല് നായകന്
നാഗരാജാവ് എന്ന ചിത്രത്തിലാണ് അരങ്ങേറ്റം. ആദ്യ സിനിമകളിലെല്ലാം വില്ലന് വേഷങ്ങളായിരുന്നു. അന്ത എന്ന ചിത്രത്തിലൂടെയാണ് നായകനായത്. വില്ലനായി വേഷമിട്ട പല ചിത്രങ്ങളും ശ്രദ്ധിക്കപ്പെട്ടിട്ടുണ്ട്. റിബല് നായകന് എന്ന വിളിപ്പേര് വന്നത് അങ്ങനെയാണ്. മലയാളികള്ക്ക് സുപരിചിതയായ നടി സുമലതയാണ് ഭാര്യ. മകന് അഭിഷേക് ഗൗഡ. പ്രസിദ്ധ വയലിന് വിദ്വാന് ചൗഡയ്യയുടെ പേരമകനാണ് അംബരീഷ്.
ആരാധകരുടെ അംബി
വില്ലനായും നായകനായും തിളങ്ങിയ അംബരീഷിനെ ആരാധകര് അംബിയെന്നാണ് വിളിച്ചിരുന്നത്. 1990കളിലാണ് അംബരീഷ് രാഷ്ട്രീയത്തിലെത്തുന്നത്. കോണ്ഗ്രസ് നേതാവ് എസ്എം കൃഷ്ണയ്ക്ക് പ്രചാരണത്തിനിറങ്ങിയായിരുന്നു തുടക്കം. ലോക്സഭാ തിരഞ്ഞെടുപ്പില് മല്സരിക്കാന് അനുമതി നല്കാത്തതിനെ തുടര്ന്ന് കോണ്ഗ്രസ് വിട്ടു ജനതാദളില് ചേര്ന്നു.
രാഷ്ട്രീയ കളം മാറ്റങ്ങള്
1996ലെ ഉപതിരഞ്ഞെടുപ്പില് രാമനഗരം മണ്ഡലത്തില് പരാജയപ്പെട്ടു. 1998 ലോക്സഭാ തിരഞ്ഞെടുപ്പില് ജനാതാദള് സ്ഥാനാര്ഥിയായി മല്സരിച്ചു ജയിച്ചു. കോണ്ഗ്രസ് സ്ഥാനാര്ഥിയെ രണ്ടു ലക്ഷം വോട്ടിന് പരാജയപ്പെടുത്തിയാണ് മാണ്ഡ്യയില് നിന്ന് ലോക്സഭയിലെത്തിയത്. പിന്നീട് കോണ്ഗ്രസില് തിരിച്ചെത്തി. 1999ലും 2004ലും തിരഞ്ഞെടുക്കപ്പെട്ടു.
മന്ത്രിപദവിയും രാജിയും
2006ല് ഒന്നാം യുപി സര്ക്കാരില് വാര്ത്താവിനിമയ വകുപ്പില് സഹമന്ത്രിയായി. കാവേരി ട്രൈബ്യൂണലിന്റെ വിധിയില് പ്രതിഷേധിച്ച് മന്ത്രിസ്ഥാനം മാസങ്ങള്ക്ക് ശേഷം രാജിവച്ചു. ഇക്കഴിഞ്ഞ കര്ണാടക നിയമസഭാ തിരഞ്ഞെടുപ്പില് കോണ്ഗ്രസ് മല്സരിപ്പിക്കാന് തീരുമാനിച്ചിരുന്നു. എന്നാല് ശാരീരിക പ്രയാസങ്ങള് കാരണം അദ്ദേഹം വിട്ടുനില്ക്കുകയായിരുന്നുവെന്നാണ് വിവരം.
-
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..!
Click it and Unblock the Notifications
Sign in with Google