Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സ്വന്തമായി 40 ലേറെ വാഹനങ്ങള്‍, ക്ഷേത്രത്തിന് ഒരുകോടിയുടെ സ്വര്‍ണം..; ആരാണ് നബ കിഷോര്‍ ദാസ്?
രാഷ്ട്രീയ നേതാവ് എന്നതിനൊപ്പം സംസ്ഥാനത്തെ അറിയപ്പെടുന്ന വ്യവസായിയുമായിരുന്നു നബ കിഷോര്‍ ദാസ്
ഭുവനേശ്വര്‍: കഴിഞ്ഞ ദിവസം എ എസ് ഐയുടെ വെടിയേറ്റ് കൊല്ലപ്പെട്ട ഒഡിഷ ആരോഗ്യമന്ത്രി നബ കിഷോര്‍ ദാസ് സംസ്ഥാന രാഷ്ട്രീയത്തിലെ തന്നെ ഏറ്റവും പ്രബലനും സമ്പന്നനും. മൂന്ന് തവണ എം എല്‍ എയായി തെരഞ്ഞെടുക്കപ്പെട്ട നബ കിഷോര്‍ ദാസ് സംസ്ഥാനത്തെ അതി സമ്പന്നനായ രാഷ്ട്രീയക്കാരനാണ്.
നവീന്‍ പട്‌നായിക്ക് സര്‍ക്കാരിലെ രണ്ടാമത്തെ ഏറ്റവും വലിയ സമ്പന്നനായിരുന്നു നബാ കിഷോര്‍ ദാസ്. കോണ്‍ഗ്രസില്‍ നിന്ന് രാഷ്ട്രീയ പ്രവര്‍ത്തനം തുടങ്ങിയ നബാ കിഷോര്‍ ദാസ് 2019 ല്‍ ആണ് ബി ജെ ഡിയില്‍ എത്തുന്നത്. സമ്പല്‍പൂരിലെ ഗംഗാധര്‍ മെഹര്‍ കോളേജിലെ നിയമ വിദ്യാര്‍ത്ഥിയായിരിക്കെ ആണ് നബാ കിഷോര്‍ ദാസ് സജീവ രാഷ്ട്രീയത്തിലേക്കിറങ്ങുന്നത്.
കോണ്‍ഗ്രസുകാരനായി തുടക്കം
അവിടെ വിദ്യാര്‍ത്ഥി യൂണിയന്‍ പ്രസിഡന്റായിരുന്നു നബാ കിഷോര്‍ ദാസ്. പിന്നീട് ഒഡിഷ എന്‍ എസ് യു ഐ, യൂത്ത് കോണ്‍ഗ്രസ് എന്നിവയുടെ വൈസ് പ്രസിഡന്റായി. 2009 ലാണ് തെരഞ്ഞെടുപ്പ് രാഷ്ട്രീയത്തിലേക്കുള്ള പ്രവേശനം. 2009-ല്‍ ജാര്‍സുഗുഡയില്‍ നിന്ന് ബി ജെ പി സ്ഥാനാര്‍ത്ഥി കിഷോര്‍ കുമാര്‍ മൊഹന്തിയെ പരാജയപ്പെടുത്തി ആദ്യമായി നിയമസഭയിലെത്തി.
നവീന്‍ പട്‌നായിക്കിന്റെ വിശ്വസ്തന്‍
പിന്നീട് 2019 വരെ കോണ്‍ഗ്രസ് ടിക്കറ്റില്‍ നിന്ന് മത്സരിച്ച് വിജയിച്ചു. 2019 ല്‍ ബി ജെ ഡിയില്‍ എത്തിയെങ്കിലും തന്റെ സീറ്റ് നിലനിര്‍ത്താന്‍ നബ കിഷോര്‍ ദാസിന് സാധിച്ചിരുന്നു. ഇതുവഴി മുഖ്യമന്ത്രി നവീന്‍ പട്‌നായിക്കിന്റെ വിശ്വസ്തനാകാനും നബ കിഷോര്‍ ദാസിന് കഴിഞ്ഞു. 2019 ല്‍ ആരോഗ്യമന്ത്രിയായി. സംസ്ഥാനത്തെ കൊവിഡ് വ്യാപനം വിജയകരമായി കൈകാര്യം ചെയ്തതോടെ ആരോഗ്യമന്ത്രിയെന്ന നിലയില്‍ അദ്ദേഹത്തിന് നേട്ടമായി.
ജനകീയനായ ആരോഗ്യമന്ത്രി
ഇത് കാരണം 2022 ലെ മന്ത്രിസഭാ പുനസംഘടനയില്‍ ആരോഗ്യ വകുപ്പ് നിലനിര്‍ക്കാന്‍ നബ കിഷോര്‍ ദാസിന് സാധിച്ചു. രാഷ്ട്രീയക്കാരന്‍ എന്നതിനോടൊപ്പം സംസ്ഥാനത്തെ അറിയപ്പെടുന്ന വ്യവസായിയുമാണ് നബ കിഷോര്‍ ദാസ്. ഹോട്ടല്‍, ട്രാന്‍സ്‌പോര്‍ട്ട് ബിസിനസ് എന്നിവ ഇദ്ദേഹത്തിന്റേതായിട്ടുണ്ട്. അടുത്തിടെയാണ് മഹാരാഷ്ട്രയിലെ ശനി ക്ഷേത്രത്തില്‍ ഒരു കോടിയോളം മൂല്യമുള്ള സ്വര്‍ണ്ണ കലകള്‍ സംഭാവന ചെയ്തത്.
40 ലേറെ ആഡംബര കാറുകള്‍
ആഡംബര കാറുകളോട് വലിയ പ്രിയമുള്ളയാളായിരുന്നു നബ കിഷോര്‍ ദാസ്. 34 കോടി രൂപയുടെ സ്വത്തുക്കളുള്ള നബ കിഷോര്‍ദാസിന് 40 ലേറെ ആഡംബര വാഹനങ്ങള്‍ ഉണ്ട് എന്നാണ് റിപ്പോര്‍ട്ട്. മിനാറ്റി ദാസ് ആണ് നബ കിഷോര്‍ ദാസിന്റെ ഭാര്യ. ഒരു മകനും മകളുമുണ്ട്.
