സ്ത്രീകളെ നോക്കി സ്വയംഭോഗം ചെയ്തു,ചെയ്യാന് ക്ഷണിച്ചു, ഹെല്പ് ലൈനില് വിളിച്ചപ്പോള് കിട്ടിയ മറുപടി
ലോക്കല് ട്രെയിനില് വച്ച് സ്ത്രീകളെ നോക്കി സ്വയംഭോഗം ചെയ്യുകയും, ചെയ്യാന് ക്ഷണിക്കുകയും ചെയ്തു. ഇക്കാര്യം ഹെല്പ് ലൈനില് വിളിച്ച് പറഞ്ഞപ്പോള് ഉദ്യോഗസ്ഥന് ചിരിച്ചുകൊണ്ട് ഫോണ് കട്ട് ചെയ്തു
മുംബൈ: പൊതു ഇടങ്ങളില് സ്ത്രീകള് എത്രമാത്രം പീഡനങ്ങള് സഹിക്കുന്നു എന്നതിന് അവസാനത്തെ തെളിവാണ് ദിവസങ്ങള്ക്ക് മുന്പ് മുംബൈയിലെ ഒരു ലോക്കല് ട്രെയിനില് സംഭവിച്ചത്. തനിക്ക് നേരിടേണ്ടി വന്ന ദുരനുഭവത്തെ കുറിച്ച് 22 കാരിയായ പെണ്കുട്ടി ഫേസ്ബുക്കില് പോസ്റ്റ് ചെയ്തപ്പോഴാണ് വിഷയം ചര്ച്ചയാകുന്നത്. പോസ്റ്റ് ഇതിനോടകം വൈറലായിക്കഴിഞ്ഞു.
കഴിഞ്ഞ ജൂണ് 15 നാണ് ഈ സംഭവം നടന്നത്.. വ്യാഴാഴ്ച പെണ്കുട്ടി സംഭവത്തെ കുറിച്ച് ഫേസ്ബുക്കില് എഴുതിയതോടെയാണ് ലോകം അറിഞ്ഞത്. ഒരു സുഹൃത്തിനെ കാണാന് പോയി, ലോക്കല് ട്രെയിനില് വീട്ടിലേക്ക് മടങ്ങുകയായിരുന്നു പെണ്കുട്ടി. വികലാംഗരുടെ കംപാര്ട്മെന്റിനോട് ചേര്ന്ന് നില്ക്കുന്ന ലേഡീസ് കംപാര്ട്മെന്റിലാണ് പെണ്കുട്ടി കയറിയത്. പെണ്കുട്ടി അടക്കം ആറ് സ്ത്രീകള് ആ കംപാര്ട്മെന്റില് ഉണ്ടായിരുന്നു.
കുറച്ച് നേരം കഴിഞ്ഞപ്പോള് തനിക്ക് അടുത്തിരിയ്ക്കുന്ന പെണ്കുട്ടി വല്ലാതെ അസ്വസ്ഥതകള് അനുഭവിയ്ക്കുന്നതായി തോന്നി. നോക്കിയപ്പോള് വികലാംഗരുടെ കംപാര്ട്മെന്റിലിരുന്ന് ഒരാള് പെണ്കുട്ടികളെ നോക്കി സ്വയംഭോഗം ചെയ്തുകൊണ്ടിരിയ്ക്കുകയാണ്. അയാള് എന്തൊക്കയോ പറയുന്നുമുണ്ട്. മുഖം തിരിച്ച് നില്ക്കുമ്പോള് വിളിക്കുന്നു. സ്വയംഭംഗം ചെയ്യാന് പെണ്കുട്ടികളെ ഇയാള് ക്ഷണിക്കുന്നുണ്ടായിരുന്നവത്രെ.
ആദ്യമൊക്കെ മാനസിക വൈകല്യമുള്ള ആളായിരിയ്ക്കും എന്ന് കരുതി മിണ്ടാതിരുന്നു. ട്രെയിന് കണ്ടിവ്ലി സ്റ്റേഷനില് നിര്ത്തിയപ്പോള് ഇയാള് ലേഡീസ് കംപാര്ട്മെന്റിന് സമീപത്തേക്ക് വന്നു. 22 കാരി എഴുന്നേറ്റ് വാതിലിനടുത്തേക്ക് നടന്നു. നിന്നെ ഞാന് പീഡിപ്പിയ്ക്കുമെന്ന് ഇയാള് പറഞ്ഞത്രെ. എങ്കിലൊന്ന് കാണട്ടേ എന്ന് പെണ്കുട്ടി മറുപടി കൊടുത്തു. അയാള് അത് ചെയ്യില്ല എന്നെനിക്ക് ഉറപ്പുണ്ടായിരുന്നു എന്ന് 22 കാരി പറയുന്നു.
തുടര്ന്ന് റെയില്വെയില് കണ്ട ഹെല്പ് ലൈന് നമ്പര് കുറിച്ചെടുത്ത് ഫോണില് വിളിച്ചു. പക്ഷെ അവിടെ നിന്നുള്ള പ്രതികരണമാണ് ശരിയ്ക്കും ഞെട്ടിച്ചത്. സംഭവിച്ചത് എന്താണെന്നും ഇപ്പോള് ട്രെയിന് എവിടെയാണുള്ളത് എന്നും കംപാര്ട്മെന്റ് ഏതാണെന്നുമൊക്കെയുള്ള വിശദവിവരങ്ങള് പെണ്കുട്ടി പറഞ്ഞുകൊടുക്കുമ്പോള് ഹെല്പ് ലൈനിലുള്ള ആള് ചിരിക്കുകയായിരുന്നത്രെ. എന്നിട്ട് ഫോണ് കട്ട് ചെയ്തു.
തുടര്ന്നാണ് 22 കാരി ഫേസ്ബുക്കില് ദുരനുഭവം പങ്കുവച്ചത്. പോസ്റ്റ് വൈറലായതോടെ പശ്ചിമ റെയില്വെ പൊലീസ് സംഭവത്തെ കുറിച്ച് അന്വേഷിച്ചു. ഏത് ഹെല്പ് ലൈനിലേക്കാണ് പെണ്കുട്ടി വിളിച്ചത് എന്ന കാര്യം അന്വേഷിക്കുമെന്നും തക്കതായ നടപടി സ്വീകരിയ്ക്കുമെന്നും ഡെപ്യൂട്ടി കമ്മീഷണര് ഓഫ് പൊലീസ് പുരുഷോട്ടം കരദ് വാക്ക് നല്കി.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google