പൂനെയില്‍ രണ്ടാനമ്മ മകളെ 20000 രൂപയ്ക്ക് സെക്‌സ് റാക്കറ്റിനു വിറ്റു

പൂനെ:പൂനെയില്‍ രണ്ടാനമ്മ 26 കാരിയായ മകളെ സെക്‌സ് റാക്കറ്റിനു വിറ്റത് 20000 രൂപയ്ക്ക്. തടവില്‍ പാര്‍പ്പിച്ചിരുന്ന യുവതി രക്ഷപ്പെട്ട് പോലീസ് സ്‌റ്റേഷനിലെത്തി പരാതി നല്‍കിയതോടെയാണ് സംഭവം പുറത്തറിയുന്നത്. ബംഗ്ലാദേശ് സ്വദേശിയായ യുവതി വളരെക്കാലമായി രണ്ടാനമ്മയുടെ ഉപദ്രവം സഹിച്ചുകഴിയുകയായിരുന്നു. വേശ്യാവൃത്തിയ്ത്ത് വഴങ്ങാത്തതിനാല്‍ യുവതിയ്ക്ക് ശാരീരികോപദ്രവവും പതിവായിരുന്നതായി പരാതിയില്‍ പറയുന്നു.

ഇതിനിടയില്‍ രണ്ടാനമമ്മ സുഹൈല്‍ എന്ന സെക്‌സ് റാക്കറ്റ് ഇടപാടുകാരന് യുവതിയെ വില്‍ക്കുകയായിരുന്നു. പൂനെയിലെ അതിര്‍ത്തി പ്രദേശമായ കത്ത് രാജിനു സമീപമുളള വീട്ടിലായിരുന്നു ഇവരെ പാര്‍പ്പിച്ചിരുന്നത്. മറ്റു നാലു യുവതികളെയും ഇടപാടുകാരന്‍ ഇവര്‍ക്കൊപ്പം താമസിച്ചിപ്പിച്ചിരുന്നു. ജൂണ്‍ 29 ന് തടങ്കലില്‍ നിന്നും രക്ഷപ്പെട്ട യുവതി പ്രദേശവാസികളുടെ സഹായം തേടുകയും പോലീസില്‍ പരാതി നല്‍കുകയുമായിരുന്നു.

ഭാഷ അറിയാത്തതിനാല്‍ യുവതിയുടെ സ്വദേശം ബംഗ്ലാദേശില്‍ എവിടെയാണെന്നോ തടവിലാക്കപ്പെട്ടത് ഏതുസ്ഥലത്താണെന്നോ ഇനിയും കൃത്യമായി അറിയാന്‍ കഴിഞ്ഞിട്ടില്ല. യുവതിയിപ്പോള്‍ പൂനെ ആസ്ഥാനമായുളള എന്‍ജിഒയുടെ സംരക്ഷണയിലാണ് .പ്രതികളായ രണ്ടാനമ്മയ്ക്കും സുഹൈലിനുമതിരെ കേസെടുത്തിട്ടുണ്ട്.

English summary

A 26-year-old woman from Bangladesh, confined in a house and allegedly tortured to work as a sex worker, has escaped from her captors exposing a flesh trade racket.