സൗദിയില് കൂറ്റന് ഹോട്ടല് പണിയുന്നു; കണ്ണഞ്ചിപ്പിക്കും സൗകര്യങ്ങള്... ലോകത്തെ ഏറ്റവും വലുത്
റിയാദ്: അംബരചുംബികളുടെ നാടേത് എന്ന് ചോദിച്ചാല് മിക്കവരും ചൂണ്ടിക്കാട്ടുക ദുബായ് നഗരത്തെ ആയിരിക്കും. ബുര്ജ് ഖലീഫ ഉള്പ്പെടെയുള്ള കൂറ്റന് നഗരങ്ങളുടെ നാടാണ് ദുബായ്. പ്രവാസികളുടെ ഇഷ്ട നഗരം. എന്നാല് ലോകത്തെ ഏറ്റവും വലിയ ഹോട്ടലുള്ളത് അമേരിക്കയിലാണ്. ദി എംജിഎം ഗ്രാന്റ് ലാസ് വെഗാസാണ് ലോകത്തെ ഏറ്റവും വലിയ വിശാലമായ ഹോട്ടലായി കണക്കാക്കുന്നത്.
ഇതിനെ വെല്ലുന്ന ഹോട്ടല് സൗദി അറേബ്യയില് വരുന്നു എന്നാണ് പുതിയ വാര്ത്ത. അത്ഭുതങ്ങള് സൃഷ്ടിക്കാന് പണമിറക്കുകയാണ് സൗദി അറേബ്യ. വിശദാംശങ്ങള് ഇങ്ങനെ...
ചെങ്കടല് തീരത്ത് അതുല്യമായ സൗകര്യങ്ങളുള്ള നഗരം പണിയാന് സൗദി തീരുമാനിച്ചത് വര്ഷങ്ങള്ക്ക് മുമ്പാണ്. ഇതിന്റെ രൂപരേഖ അടുത്തിടെ കിരീടവകാശി മുഹമ്മദ് ബിന് സല്മാന് പരസ്യപ്പെടുത്തിയിരുന്നു. സാങ്കേതിക വിദ്യ അടിസ്ഥാനമാക്കിയാണ് നിര്മാണങ്ങള്. എന്നാല് ഇനി പുതിയ കൂറ്റന് ഹോട്ടലാണ് സൗദി നിര്മിക്കാന് പോകുന്നത്.
വിശുദ്ധ നഗരമായ മക്കയിലാണ് കൂറ്റന് ഹോട്ടല് വരുന്നത്. അബ്രാജ് കുദായ് എന്ന ഹോട്ടലിന്റെ നിര്മാണം പുരോഗമിക്കുകയാണ്. നിര്മാണം പൂര്ത്തിയാകുമ്പോള് ലോകത്തെ ഏറ്റവും വലിയ ഹോട്ടല് എന്ന ഖ്യാതി അബ്രാജ് കുദായിക്കായിരിക്കുമെന്ന് ഈ രംഗത്തെ പ്രമുഖര് പറയുന്നു. 10000 മുറികളാണ് ഹോട്ടലിലുള്ളത്. ഇത്രയും മുറികളുള്ള ഹോട്ടല് ലോകത്തില്ല.
ഒരു യൂണിവേഴ്സിറ്റി ക്യാമ്പസിനേക്കാള് സൗകര്യമുണ്ടാകും മക്കയിലെ പുതിയ ഹോട്ടലില്. ലോകത്തെ ഏറ്റവും വലിയ ഹോട്ടലായി കരുതുന്ന എംജിഎം ഗ്രാന്റ് ലാസ് വെഗാസില് 6852 മുറികളാണുള്ളത്. എന്നാല് അബ്രാജ് കുദായില് 10000 മുറികളുണ്ടാകും. 45 നിലകളോളം വരുന്ന 12 ടവറുകളും ഹോട്ടലിലുണ്ട്. ഇതില് 10 ടവറുകള് ഫോര് സ്റ്റാര് ഹോട്ടലിന്റെ സൗകര്യമായിരിക്കും. ബാക്കി രണ്ടെണ്ണം പഞ്ചനക്ഷത്ര ഹോട്ടലിലെ സൗകര്യത്തോടെയാണ് നിര്മിക്കുന്നത്.
70 ഭക്ഷണ കേന്ദ്രങ്ങള് അബ്രാജ് കുദായിലുണ്ടാകുമെന്ന് അണിയറയില് പ്രവര്ത്തിക്കുന്നവര് പറയുന്നു. നിരവധി ഹെലിപാഡുകളുടെ സൗകര്യവും ഹോട്ടലില് ഒരുക്കുന്നുണ്ട്. ചെറിയ വിമാനങ്ങള്ക്ക് ഇറങ്ങാനുള്ള സൗകര്യം കൂടി പരിഗണിച്ചാണിത്. വിവിഐപികളെ പ്രതീക്ഷിച്ചാണ് ഹോട്ടല് നിര്മിക്കുന്നത് എന്ന് മാധ്യമങ്ങള് റിപ്പോര്ട്ട് ചെയ്യുന്നു.
ഒരു ബസ് സ്റ്റോപ്പ്, ഷോപ്പിങ് സെന്റര്, റസ്റ്ററന്റുകള്, ഭക്ഷണ കേന്ദ്രങ്ങള്, സമ്മേളന ഹാള്, പാര്ക്കിങ് കേന്ദ്രങ്ങള് എന്നിവയെല്ലാം പുതിയ ഹോട്ടലിനോട് ചേര്ന്ന് ഒരുക്കുന്നുണ്ട്. കളിസ്ഥലവും കണ്വെന്ഷന് സെന്ററും പ്രത്യേക ഭംഗിയോടെ ഒരുക്കും. ഹോട്ടലിന്റെ മധ്യത്തിലായി വരുന്ന രണ്ട് ടവറുകലുടെ ഗോപുരത്തിന് താഴെയാണ് കണ്വെന്ഷന് സെന്ററും കളിസ്ഥലവും വരുന്നത്.
സൗദി അറേബ്യയുടെ സാംസ്കാരിക പൈതൃകങ്ങള് വിളിച്ചോതുന്ന മാതൃകയിലാകും ഹോട്ടല്. ടൂറിസം മേഖലയില് കൂടുതല് നിക്ഷേപം ഇറക്കുകയാണ് സൗദി. ലോകത്തെ പ്രധാന ടൂറിസ്റ്റ് കേന്ദ്രമായി രാജ്യത്തെ മാറ്റുകയാണ് ലക്ഷ്യം. മക്കയും മദീനയുമുള്ളതിനാല് ലക്ഷക്കണക്കിന് ആളുകളാണ് സൗദിയില് ഓരോ വര്ഷവും വരുന്നത്. ഇവരെ ടൂറിസം മേഖലയിലേക്ക് കൂടി ആകര്ഷിക്കാനാണ് പദ്ധതി.
-
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ?
Click it and Unblock the Notifications
Sign in with Google