ആട്ടവും പാട്ടും സ്കിന്നി ജീന്സും... അര്മാദം; ബാങ്ക് വിളിച്ചപ്പോള് നിര്ത്തി, ഇതാണ് പുതിയ സൗദി
റിയാദ്: ഇടയ്ക്കിടെ മതകാര്യ പോലീസ് റോന്തു ചുറ്റും. ഇസ്ലാമിക നിയമങ്ങള്ക്ക് വിരുദ്ധമായി ആരെങ്കിലും പ്രവര്ത്തിക്കുന്നുണ്ടോ, ബാങ്ക് വിളിച്ച ശേഷവും കടകള് തുറന്നിരിപ്പുണ്ടോ, സംഗീത പരിപാടികള് സംഘടിപ്പിക്കുന്നുണ്ടോ, വസ്ത്ര ധാരണത്തിലെ നിബന്ധനകള് പാലിക്കുന്നുണ്ടോ എന്നെല്ലാം പരിശോധിക്കുകയായിരുന്നു ഇവരുടെ ദൗത്യം. ശാസനയും താക്കീതും പിഴയുമെല്ലാം അച്ചടക്ക നടപടികളുടെ ഭാഗമായുണ്ടാകും... അഞ്ച് വര്ഷം മുമ്പുള്ള സൗദി അറേബ്യ ഇങ്ങനെയായിരുന്നു.
എന്നാല് ഇന്ന് സൗദി പൂര്ണമായും മാറിയിരിക്കുന്നു. നൃത്തവും സംഗീത ഷോകളുമെല്ലാം ഇന്ന് സൗദിയില് നടക്കും. ഫിലിം ഫെസ്റ്റിവല് സംഘടിപ്പിക്കാന് തുടങ്ങി. സ്ത്രീകള്ക്കും ഇത്തരം പരിപാടികളില് പങ്കെടുക്കാം... സൗദിയിലെ പുതിയ മാറ്റങ്ങള് ലോക മാധ്യമങ്ങളില് പ്രധാന ചര്ച്ചയാകുകയാണ്. വിശദാംശങ്ങള് ഇങ്ങനെ...
കഴിഞ്ഞ ദിവസം സൗദിയില് നടന്ന നൃത്തോല്സവമാണ് മാധ്യമങ്ങളില് ചര്ച്ചയായത്. ആഘോഷത്തിന്റെ രാവായിരുന്നു സൗദിയിലെ യുവജനങ്ങള്ക്ക്. അവര് ആടിയും പാടിയും സമയം ചെലഴിച്ചു. ബാങ്ക് വിളിക്കുന്ന വരെ സംഗീതം തുടര്ന്നു. ബാങ്ക് വിളിച്ചപ്പോള് പെട്ടെന്ന് എല്ലാം നിര്ത്തി. 15 മിനുട്ടിന് ശേഷം വീണ്ടും എല്ലാവരും എത്തി സംഗീതം തുടര്ന്നു. ബ്ലൂംബെര്ഗ് ടെലിവിഷനാണ് ഈ വാര്ത്ത റിപ്പോര്ട്ട് ചെയ്തത്.
ശരീരത്തില് ഒട്ടിയ വസ്ത്രങ്ങളാണ് മിക്കവരും ധരിച്ചിരുന്നത്. നേരത്തെ സ്ത്രീകള്ക്കും പുരുഷന്മാര്ക്കും ഇത്തരം വസ്ത്രങ്ങള് ധരിച്ച് പുറത്തിറങ്ങുന്നതിന് അനുവാദമുണ്ടായിരുന്നില്ല. അയഞ്ഞതും കട്ടിയുള്ളതുമായ വസ്ത്രം ധരിക്കണമെന്നായിരുന്നു പഴയ നിബന്ധന. സ്ത്രീകളും പുരുഷന്മാരും നൃത്തം ചെയ്യുന്ന ഷോകള് സൗദിയില് നേരത്തെ ആലോചിക്കാന് പോലും പറ്റുമായിരുന്നില്ല.
സല്മാന് രാജാവിന്റെ മകന് മുഹമ്മദ് ബിന് സല്മാനാണ് പുതിയ പരിഷ്കാരങ്ങള്ക്ക് ചുക്കാന് പിടിക്കുന്നതെന്ന് മാധ്യമങ്ങള് റിപ്പോര്ട്ട് ചെയ്യുന്നു. സ്ത്രീകള്ക്ക് ഡ്രൈവിങിനുണ്ടായിരുന്ന വിലക്ക് നീക്കിയതും മതകാര്യ പോലീസിനെ ഒഴിവാക്കിയതുമെല്ലാം പരിഷ്കാരങ്ങളുടെ ഭാഗമാണ്. സിനിമാ ശാലകള് തുറന്നതും നൃത്ത പരിപാടികള് സംഘടിപ്പിക്കുന്നതും സൗിയിലെ പുതിയ മാറ്റമാണ്.
നാല് ദിവസം നീണ്ടു നിന്ന എംജിഎല് ബീസ്റ്റ് സൗണ്ട് സ്റ്റോം ഉല്സവം സര്ക്കാര് പിന്തുണയോടെയായിരുന്നുവത്രെ. ആഗോള തലത്തില് പ്രശസ്തരായ ബാന്ഡ് ടീമുകളാണ് ഇതില് പങ്കാളികളായത്. ആദ്യ ദിനത്തിലെ രാത്രിയില് 180000 പേരാണ് പങ്കെടുത്തതെന്ന് സംഘാടകര് പറയുന്നു. സൗദി അറേബ്യ അതിരുകളെല്ലാം ഭേദിച്ച് മുന്നോട്ട് പോകുന്നു എന്നാണ് റിപ്പോര്ട്ടുകള്.
സൗദി അന്താരാഷ്ട്ര സമൂഹത്തിന്റെ ഭാഗമാകുകയാണ് എന്ന് ഫഹദ് ആലുസൗദ് രാജകുമാരന് പറയുന്നു. സൗദി രാജകുടുംബാംഗവും വ്യവസായിയുമാണ് ഇദ്ദേഹം. പാരമ്പര്യ സൗദി വേഷമായിരുന്നില്ല അദ്ദേഹം ധരിച്ചിരുന്നത്. ഫോര്മുല വണ് റേസിനും സൗദി സാക്ഷിയായി. ഫ്രഞ്ച് പ്രസിഡന്റ് ഇമ്മാനുവല് മാക്രോണ് സന്ദര്ശിച്ച വേളയിലും വലിയ ആഘോഷമാണ് സംഘടിപ്പിച്ചത്.
അടുത്തിടെ ജിദ്ദയില് അന്താരാഷ്ട്ര ഫിലിം ഫെസ്റ്റിവല് സംഘടിപ്പിച്ചിരുന്നു. സ്ലീവ്ലെസ് ഗൗണ് ധരിച്ചാണ് സ്ത്രീകള് ഇതില് പങ്കെടുത്തത്. യൂറോപ്പില് നിന്നുള്ള നിരവധി താരങ്ങള് പരിപാടിയില് പങ്കെടുത്തു. ഇപ്പോള് സൗദിയില് എല്ലാമുണ്ടെന്നും ലോകം ഞങ്ങള്ക്കൊപ്പം വരികയാണെന്നും 29കാരനായ അബ്ദുല്ല അല്ഹംദിയെ ഉദ്ധരിച്ച് ബ്ലൂംബെര്ഗ് റിപ്പോര്ട്ടില് പറയുന്നു.
ജാന്വി ധരിച്ചത് പര്ദ്ദയാണോ? സൗദിയില് നിന്നുള്ള ചിത്രം പങ്കുവച്ച് നടി, വൈറല് ഫോട്ടോകള് കാണാം
Recommended Video
ഒട്ടേറെ ഇളവുകള് നല്കിയിട്ടുണ്ടെങ്കിലും മദ്യത്തിനും മയക്കുമരുന്നിനും ഇപ്പോഴും സൗദിയില് നിരോധനമാണ്. എന്നാല് വൈകാതെ ആഘോഷ വേളകളില് ഇക്കാര്യത്തില് ഇളവുകള് വന്നേക്കുമെന്നാണ് റിപ്പോര്ട്ടുകള് സൂചിപ്പിക്കുന്നത്. സര്ക്കാരിന്റെ പുതിയ തീരുമാനങ്ങള്ക്കെതിരെ വിമതസ്വരം ഇതുവരെ ഉയര്ന്നിട്ടില്ല. വിനോദത്തിനും ടൂറിസത്തിനും കൂടുതല് പ്രാധാന്യം നല്കാനാണ് സൗദിയുടെ തീരുമാനം. അതുവഴി പുതിയ വരുമാന മാര്ഗങ്ങള് കണ്ടെത്താനും സൗദി പദ്ധതിയിടുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ?
Click it and Unblock the Notifications
Sign in with Google