ഇന്ത്യ-ചൈന തര്ക്കത്തില് പക്ഷം പിടിക്കാനില്ലെന്ന് നേപ്പാള്: രാജ്യം ഭയക്കുന്നത് ചൈനയെ!!
തങ്ങളെ പ്രശ്നത്തിലേയ്ക്ക് വലിച്ചിഴയ്ക്കരുതെന്നും നേപ്പാള് ഉപ പ്രധാനമന്ത്രി ആവശ്യപ്പെട്ടിട്ടുണ്ട്
ദില്ലി: ഇന്ത്യ- ചൈന അതിര്ത്തി തര്ക്കത്തില് ഇരു രാജ്യങ്ങളുടേയും പക്ഷം പിടിക്കില്ലെന്ന് നേപ്പാള്. അയല്രാജ്യങ്ങളായ ഇന്ത്യയും ചൈനയും തമ്മിലുള്ള പ്രശ്നം രണ്ട് മാസം പിന്നിടുന്നതോടെയാണ് വിഷയത്തില് നിലപാട് വ്യക്തമാക്കി നേപ്പാള് രംഗത്തെത്തുന്നത്. തങ്ങളെ പ്രശ്നത്തിലേയ്ക്ക് വലിച്ചിഴയ്ക്കരുതെന്നും നേപ്പാള് പ്രധാനമന്ത്രി കൃഷ്ണ ബഹദൂര് മഹാരയാണ് ആവശ്യപ്പെട്ടിട്ടുള്ളത്.
സിക്കിം സെക്ടറിലെ അതിര്ത്തി തര്ക്കത്തില് ഇരു രാജ്യങ്ങളുതം സമാധാപരമായ നയതന്ത്രബന്ധം പാലിക്കണമെന്നും മഹാര ആവശ്യപ്പെടുന്നു. നേപ്പാളിന്റെ വിദേശകാര്യ മന്ത്രാലയത്തിന്റെ ചുമതലയും മഹാരെയ്ക്കുണ്ട്. നേപ്പാള്പ്രധാനമന്ത്രി ഷേര് ബഹാദൂര് ദൂബ ഈ മാസം ഇന്ത്യ സന്ദര്ശിക്കാനിരിക്കെയാണ് ഉപപ്രധാനമന്ത്രി വിഷയത്തിലുള്ള നിലപാട് വ്യക്തമാക്കിയിട്ടുള്ളത്. ആഗസ്ത് 23 മുതല് 27വരെയാണ് ദൂബയുടെ ഇന്ത്യാ പര്യടനം.