• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്ത്യ-അമേരിക്ക ബന്ധത്തില്‍ ഉലച്ചില്‍; ബൈഡന്റെ 'ഇന്ത്യ ചാഞ്ചാടുന്നു' പരാമര്‍ശം മുന്നോട്ടുവെക്കുന്നതെന്ത്?

Google Oneindia Malayalam News

വാഷിംഗ്ടണ്‍: യുക്രൈന്‍ - റഷ്യ യുദ്ധത്തില്‍ ഇന്ത്യ സ്വീകരിച്ച നിലപാടിനെതിരായ അമേരിക്കന്‍ പ്രസിഡന്റ് ജോ ബൈഡന്റെ പ്രതികരണം ഇരു രാജ്യങ്ങള്‍ തമ്മിലുള്ള ബന്ധത്തെ ബാധിച്ചേക്കുമെന്ന് സൂചന. റഷ്യയ്ക്കും പ്രസിഡന്റ് വ്‌ളാഡിമിര്‍ പുടിനുമെതിരെ ഉപരോധം ഏര്‍പ്പെടുത്തുന്നതില്‍ യൂറോപ്പില്‍ നാറ്റോയെ സജ്ജമാക്കിയതില്‍ അമേരിക്കയുടെ പങ്ക് വളരെ വലുതായിരുന്നു. ഇന്തോ-പസഫിക് മേഖലയിലും ഇത് സാധ്യമാകുമെന്നായിരുന്നു അമേരിക്ക പ്രതീക്ഷിച്ചിരുന്നത്. എന്നാല്‍ റഷ്യ-യുക്രൈന്‍ യുദ്ധത്തില്‍ ഇന്ത്യ നിഷ്പക്ഷ നിലപാട് സ്വീകരിച്ചതില്‍ ബൈഡന്‍ അതൃപ്തനാണ്.

യുദ്ധത്തില്‍ ആളുകള്‍ക്ക് ജീവന്‍ നഷ്ടമാകുന്നതിനെ അപലപിച്ചെങ്കിലും ഐക്യരാഷ്ട്ര സഭയിലടക്കം ഇന്ത്യ റഷ്യയ്‌ക്കെതിരെ നിലപാടെടുക്കാന്‍ വിസമ്മതിച്ചിരുന്നു. ഇത് ചൂണ്ടിക്കാട്ടിയായിരുന്നു ബൈഡന്റെ പരാമര്‍ശം. അതേസമയം ജപ്പാന്‍ ഉള്‍പ്പെടെയുള്ള ക്വാഡിലെ മറ്റ് രണ്ട് അംഗങ്ങളെ ബൈഡന്‍ പ്രശംസിക്കുകയും ചെയ്തു. ക്വാഡ് കൂട്ടായ്മയിലെ ആസ്‌ട്രേലിയയും റഷ്യന്‍ അധിനിവേശത്തെ അപലപിച്ചിരുന്നു

സൈനിക സഹായത്തിനും ഹാര്‍ഡ്വെയറിനുമായി യു എസിനെ വളരെയധികം ആശ്രയിക്കുന്ന ജപ്പാനിലും ഓസ്ട്രേലിയയിലും നിന്ന് വ്യത്യസ്തമാണ് ഇന്ത്യയുടെ സാഹചര്യം. ജപ്പാന്റെ സുരക്ഷ യു എസ് ഉറപ്പുനല്‍കുന്നു, ഓസ്ട്രേലിയ അതിന്റെ സൈനിക ഉപകരണങ്ങളുടെ 68% യു എസില്‍ നിന്നാണ് ഇറക്കുമതി ചെയ്യുന്നത്. അതേസമയം ഇന്ത്യ 60% സൈനിക ഉപകരണങ്ങളും റഷ്യയില്‍ നിന്നാണ് ഇറക്കുമതി ചെയ്യുന്നത്.

അതേസമയം നാറ്റോ, യൂറോപ്യന്‍ യൂണിയന്‍, ഏഷ്യയിലെ സഖ്യരാജ്യങ്ങള്‍ എന്നിവ റഷ്യയ്ക്കും റഷ്യന്‍ പ്രസിഡന്റ് പുടിനും എതിരെ നിലപാടുകളും ഉപരോധങ്ങളും ഏര്‍പ്പെടുത്തി ശക്തമായി നില്‍ക്കുന്നതിനെ ജോ ബൈഡന്‍ പ്രശംസിച്ചിരുന്നു. വാഷിംഗ്ടണില്‍ യു എസ് ബിസിനസ് തലവന്‍മാരെ അഭിസംബോധന ചെയ്ത് സംസാരിക്കുകയായിരുന്നു ബൈഡന്‍. അതേ സമയം ബൈഡന്റെ വിമര്‍ശനം ഉയരുമ്പോഴും റഷ്യയില്‍ നിന്നും ഇന്ത്യ കുറഞ്ഞ വിലയില്‍ ക്രൂഡ് ഓയില്‍ വാങ്ങുന്നുണ്ടെന്നാണ് പുറത്തുവരുന്ന റിപ്പോര്‍ട്ടുകള്‍.

കശ്മീര്‍ ബജറ്റിനെക്കുറിച്ചുള്ള ചര്‍ച്ച കശ്മീര്‍ ഫയല്‍സിലേക്ക് വഴിമാറി; രാജ്യസഭയില്‍ ഭരണ-പ്രതിപക്ഷ പോര്കശ്മീര്‍ ബജറ്റിനെക്കുറിച്ചുള്ള ചര്‍ച്ച കശ്മീര്‍ ഫയല്‍സിലേക്ക് വഴിമാറി; രാജ്യസഭയില്‍ ഭരണ-പ്രതിപക്ഷ പോര്

യൂറോപ്പ് തങ്ങളുടെ ക്രൂഡ് ഓയിലിന്റെ 27% റഷ്യയില്‍ നിന്നാണ് വാങ്ങുന്നത്. റഷ്യയില്‍ നിന്നുള്ള ഇന്ത്യയുടെ അസംസ്‌കൃത എണ്ണ ഇറക്കുമതി 1%- ല്‍ താഴെ മാത്രമാണ് - വാസ്തവത്തില്‍, ഇന്ത്യയുടെ അസംസ്‌കൃത എണ്ണ ഇറക്കുമതിയുടെ 8% വും അമേരിക്കയാണ് നല്‍കുന്നത്. യുക്രൈന്‍ അധിനിവേശം തുടങ്ങിയതിന് പിന്നാലെ റഷ്യക്കെതിരെ പശ്ചാത്യ രാജ്യങ്ങള്‍ കടുത്ത ഉപരോധങ്ങള്‍ ഏര്‍പ്പെടുത്തിയിരുന്നു.

പൊതുസ്ഥലങ്ങളില്‍ മാസ്‌ക് ധരിച്ചില്ലെങ്കില്‍ കേസെടുക്കരുത്; ഉത്തരവുമായി കേന്ദ്രസര്‍ക്കാര്‍പൊതുസ്ഥലങ്ങളില്‍ മാസ്‌ക് ധരിച്ചില്ലെങ്കില്‍ കേസെടുക്കരുത്; ഉത്തരവുമായി കേന്ദ്രസര്‍ക്കാര്‍

Recommended Video

cmsvideo
    പുടിനെ തീര്‍ക്കുമെന്ന് റഷ്യന്‍ സൈനീകര്‍. റഷ്യക്ക് തിരിച്ചടി | Oneindia Malayalam
    English summary
    Indo-US relations shaken; What does Joe Biden's 'India shaky' comment put forward
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X