ഹൂദികൾക്ക് മിസൈല്; സൗദി ആരോപണം നിഷേധിച്ച് ഇറാന്
Recommended Video
തെഹ്റാന്: യമന് വിമതരായ ഹൂത്തി പോരാളികള്ക്ക് ഇറാനാണ് മിസൈലുകള് എത്തിച്ചുനല്കുന്നതെന്ന സൗദി ആരോപണം ഇറാന് നിഷേധിച്ചു. യമനിലെ യുദ്ധക്കുറ്റങ്ങളില് നിന്ന് ശ്രദ്ധ തിരിക്കാനുള്ള സൗദിയുടെ തന്ത്രമാണ് ആരോപണമെന്ന് ഇറാന് സൈന്യത്തിന്റെ ഡെപ്യൂട്ടി കമാന്റര് ബ്രിഗേഡിയര് ജനറള് യാദുല്ല ജവാനി പറഞ്ഞു.
യമനിലേക്കുള്ള എല്ലാ വഴികളും സൗദി സഖ്യം ഉപരോധിച്ച സാഹചര്യത്തില് ഇറാന് എങ്ങനെയാണ് മിസൈലുകള് അവിടേക്ക് എത്തിക്കാന് കഴിയുകയെന്നും അദ്ദേഹം ചോദിച്ചു. യമനികള്ക്ക് സ്വന്തമായി പ്രതിരോധ സംവിധാനം വികസിപ്പിച്ചെടുക്കാനുള്ള ശേഷിയുണ്ടെന്നും അവര് തന്നെയാണ് പ്രാദേശികമായി മിസൈലുകള് നിര്മിക്കുന്നതെന്നുമാണ് ഇറാന് കമാന്ററുടെ വാദം.
സൗദി അറേബ്യയെ ലക്ഷ്യമാക്കി യമന് തലസ്ഥാനമായ സനാ നഗരം നിയന്ത്രിക്കുന്ന ഹൂത്തി വിമതര് നടത്തിയ മിസൈലാക്രമണങ്ങളുടെ പശ്ചാത്തലത്തിലാണ് ഇറാനെതിരേ പുതിയ ആരോപണവുമായി സൗദി രംഗത്തെത്തിയിരിക്കുന്നത്. ഇറാനില് നിര്മിച്ച മിസൈലിന്റെ അവശിഷ്ടങ്ങള് എന്നവകാശപ്പെട്ട് ബാലിസ്റ്റിക് മിസൈലിന്റെ ഏതാനും ഭാഗങ്ങള് സൗദി പ്രദര്ശിപ്പിക്കുകയും ചെയ്തിരുന്നു. തങ്ങള്ക്കെതിരേ ഹൂത്തികള് ഉപയോഗിച്ചത് ഇറാന് നിര്മിത മിസൈലുകളാണെന്ന് സൗദി സഖ്യത്തിന്റെ വക്താവ് തുര്ക്കി അല് മല്ക്കി കഴിഞ്ഞ ദിവസം പറയുകയുമുണ്ടായി. ഇറാനെതിരേ ശരിയായ സമയത്ത് ശരിയായ സ്ഥലത്ത് ആക്രമണം നടത്താന് സൗദി സഖ്യത്തിന് അവകാശമുണ്ടെന്നും വക്താവ് കൂട്ടിച്ചേര്ത്തു.
അതേസമയം, അമേരിക്കയുടെയും ഇസ്രായേലിന്റെയും ചില പ്രാദേശിക കക്ഷികളുടെയും പിന്തുണയോടെ കഴിഞ്ഞ മൂന്നു വര്ഷമായി യമനിലെ പാവങ്ങളായ ജനവിഭാഗങ്ങള്ക്കു നേരെ അതിക്രമങ്ങള് പ്രവര്ത്തിക്കുകയാണെന്ന് ഇറാന് സൈനിക കമാന്റര് കുറ്റപ്പെടുത്തി. ഇവര് യമനില് നടത്തുന്ന മനുഷ്യാവകാശ ലംഘനങ്ങളെയും അതിക്രമങ്ങളെയും കുറിച്ചുള്ള വിവരങ്ങള് മറച്ചുവയ്ക്കുന്നതിനാണ് പുതിയ ആരോപണങ്ങളുമായി സൗദി രംഗത്തെത്തിയിരിക്കുന്നതെന്നും അദ്ദേഹം പറഞ്ഞു. സൗദിക്ക് യമനിലുണ്ടായ തിരിച്ചടികള് മറച്ചുവയ്ക്കുന്നതിനാണിതെന്നും അദ്ദേഹം അഭിപ്രായപ്പെട്ടു.
യമന് മനുഷ്യാവകാശ മന്ത്രാലയത്തിന്റെ കണക്കുകളനുസരിച്ച് 2015 മാര്ച്ചില് ആരംഭിച്ച സൗദി സഖ്യത്തിന്റെ ആക്രമണങ്ങളില് ആറു ലക്ഷത്തോളം യമനികള് കൊല്ലപ്പെട്ടിട്ടുണ്ട്.
-
ഇറാനെ വരുതിയിലാക്കാന് അമേരിക്ക; ചര്ച്ചകള്ക്കിടയിലും ആക്രമണം തുടര്ന്ന് ഇസ്രായേലും ഇറാനും -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സൗദി അറേബ്യയും യുഎഇയും സുപ്രധാന നീക്കത്തിന്; ദമ്മാമില് നിന്ന് ഷാര്ജയിലേക്ക് പുതിയ പാത -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
എൽപിജി പ്രതിസന്ധി തീർക്കാൻ നിർണായക നീക്കം; പുതിയ സിലിണ്ടർ വരാൻ സാധ്യത -
ഊര്ജ പ്രതിസന്ധി; അവലോകന യോഗവുമായി പ്രധാനമന്ത്രി; ആഭ്യന്തര വിപണിയില് ക്ഷാമം ഉണ്ടാകരുതെന്ന് നിര്ദേശം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില
Click it and Unblock the Notifications
Sign in with Google