Click it and Unblock the Notifications
Just In
Don't Miss
-
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
ശരീരത്തില് രക്തക്കുറവോ, തലചുറ്റല് സ്ഥിരമോ: ശീലമാക്കണം ഈ പാനീയങ്ങള് -
'ഇത്രയൊക്കെ പണം നയൻതാര മുടക്കാറുണ്ടോ... ലുക്കിൽ മാത്രമെ സിംപ്ലിസിറ്റിയുള്ളു'; ചർച്ചയായി നയൻതാരയുടെ വാച്ച്! -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സിറിയ-ഇസ്രായേല്‍ അതിര്‍ത്തിയില്‍ സംഘര്‍ഷം പുകയുന്നു: വ്യോമാതിര്‍ത്തി ലംഘിച്ച സിറിയന്‍ യുദ്ധവിമാനം ഇസ്രായേല്‍ വെടിവച്ചിട്ടു
തെല്‍ അവീവ്: അയല്‍ രാജ്യങ്ങളായ ഇസ്രായേലും സിറിയയും തമ്മിലുള്ള ബന്ധം കൂടുതല്‍ വഷളാവുന്നു. വ്യോമാതിര്‍ത്തി ലംഘിച്ച് ഗോലാന്‍ കുന്നുകള്‍ക്കു മുകളിലെത്തിയ സിറിയന്‍ യുദ്ധവിമാനം തകര്‍ത്തതായി ഇസ്രായേല്‍ സൈന്യം അവകാശപ്പെട്ടു. ഇസ്രായേലി പ്രദേശത്തേക്ക് രണ്ട് കിലോമീറ്റര്‍ പറന്ന സിറിയന്‍ സൈന്യത്തിന്റെ സുഖോയ് ജെറ്റ് വിമാനം രണ്ട് പാട്രിയട്ട് മിസൈലുകള്‍ ഉപയോഗിച്ച് തകര്‍ത്തതായി ഇസ്രായേല്‍ സൈന്യം പ്രസ്താവനയില്‍ പറഞ്ഞു.
വിമാനം തകര്‍ന്നതായി സിറിയയും ശരിവച്ചു. എന്നാല്‍ തെക്കന്‍ സിറിയയിലെ വ്യോമാതിര്‍ത്തിക്കകത്ത് റെയിഡുകള്‍ നടത്തുമ്പോഴാണ് വിമാനം ആക്രമിക്കപ്പെട്ടതെന്ന് സിറിയന്‍ ഔദ്യോഗിക വാര്‍ത്താ ഏജന്‍സിയായ സനാ റിപ്പോര്‍ട്ട് ചെയ്തു. തെക്കന്‍ സിറിയയിലെ യര്‍മൂക്ക് വാലിയില്‍പ്പെട്ട സൈദാ പ്രദേശത്ത് വിമത പോരാളികള്‍ക്കെതിരേ ആക്രമണം നടത്തിയ വിമാനമാണ് ഇസ്രായേല്‍ വെടിവച്ചിട്ടതെന്നും സായുധ ഭീകരര്‍ക്കാണ് ഇസ്രായേലിന്റെ പിന്തുണയെന്നാണ് സംഭവം വ്യക്തമാക്കുന്നതെന്നും സിറിയ ആരോപിച്ചു. അതേസമയം വിമാനം എവിടെയാണ് തകര്‍ന്നുവീണതെന്ന കാര്യവും വിമാനത്തിലുണ്ടായിരുന്നവര്‍ക്ക് എന്താണ് സംഭവിച്ചുവെന്നതിനെ കുറിച്ചും വ്യക്തമല്ല.
വര്‍ഷങ്ങളായി വിമത വിഭാഗങ്ങളുടെ നിയന്ത്രണത്തിലായിരുന്ന ഇസ്രായേല്‍ അതിര്‍ത്തിയിലെ തെക്കന്‍ പ്രദേശങ്ങള്‍ പ്രസിഡന്റ് ബശ്ശാറുല്‍ അസദിന്റെ സൈന്യം റഷ്യന്‍ സൈന്യത്തിന്റെ സഹായത്തോടെ തിരിച്ചുപിടിച്ച സാഹചര്യത്തിലാണ് ഇസ്രായേലിന്റെ ഭാഗത്തുനിന്ന് പുതിയ ആക്രമണം ഉണ്ടായിരിക്കുന്നത്. 1974ലെ യുദ്ധത്തില്‍ ഇസ്രായേല്‍ അധിനിവേശം നടത്തിയ ഗോലാന്‍ കുന്നുകളില്‍ സിറിയന്‍ സൈന്യം പ്രവേശിക്കുമോ എന്ന ഭീതിയിലാണ് ഇസ്രായേല്‍ സൈന്യമെന്ന് റിപ്പോര്‍ട്ടുണ്ട്.
