കെപി ശര്‍മ്മ ഒലി രാജിവെച്ചു; ഷേർ ബഹാദൂർ ഡ്യൂബ പുതിയ നേപ്പാള്‍ പ്രധാനമന്ത്രിയാവും

Updated: Tuesday, July 13, 2021, 15:43 [IST]

കാഠ്മണ്ഡു: നേപ്പാള്‍ പ്രധാനമന്ത്രി കെപി ശർമ ഒലി രാജിവച്ചു. സുപ്രീം കോടതി ഉത്തരവിനെ തുടർന്നാണ് രാജി. തിരഞ്ഞെടുപ്പിൽ ഭൂരിപക്ഷം ഇല്ലാതിരുന്നിട്ടും കാവൽ പ്രധാനമന്ത്രിയായി തുടരുകയായിരുന്നു കെപി ശര്‍മ്മ ഒലി. നേപ്പാളി കോൺഗ്രസ് മേധാവി ഷേർ ബഹാദൂർ ഡ്യൂബ ഇന്ന് തന്നെ നേപ്പാളിന്‍റെ അടുത്ത പ്രധാനമന്ത്രിയായി സത്യപ്രതിജ്ഞ ചെയ്ത് അധികാരമേല്‍ക്കും. 74 കാരനായ ഡ്യൂബ നേരത്തെ നാല് തവണ നേപ്പാൾ പ്രധാനമന്ത്രിയായി സേവനമനുഷ്ഠിച്ചിട്ടുണ്ട്.

കൊച്ചു നര്‍ത്തകിയായി വരവ്, ക്വീനിലൂടെ മനം കവര്‍ന്ന സാനിയ ഇയ്യപ്പന്‍; വൈറലായ ഗ്ലാമര്‍ ചിത്രങ്ങള്‍ കാണാം

ചൊവ്വാഴ്ചയോടെ ഡ്യൂബയെ പുതിയ പ്രധാനമന്ത്രിയായി നിയമിക്കാൻ നേപ്പാള്‍ സുപ്രീം കോടതി കഴിഞ്ഞ ദിവസം പ്രസിഡന്‍റ് ബിദ്യാ ദേവി ഭണ്ഡാരിയോട് നിര്‍ദേശിച്ചിരുന്നു. ഇതിനെ തുടർന്നാണ് കാവല്‍ പ്രധാനമന്ത്രിയായ കെപി ശര്‍മ്മ ഒലി സ്ഥാനം രാജിവക്കാന്‍ തയ്യാറായത്. സുപ്രീംകോടതി നൽകിയ ഉത്തരവ് പാലിക്കാന്‍ തങ്ങളുടെ പാര്‍ട്ടി ബാധ്യസ്ഥരാണെന്നായിരുന്നു രാജിക്കൊരുങ്ങിയ കെ പി ശർമ്മ ഒലിയുടെ പ്രതികരണം.

പിരിച്ചു വിട്ട ജനപ്രതിനിധി സഭയേയും നേപ്പാള്‍ സുപ്രീം കോടതി കഴിഞ്ഞ ദിവസം പുനസ്ഥാപിച്ചിരുന്നു.ഇക്കഴിഞ്ഞ മേയ് 22നും ഡിസംബർ 20നുമായിരുന്നു അഞ്ചുമാസത്തിനിടെ രണ്ടുതവണയായി പ്രസിഡന്‍റ് പാര്‍ലമെന്‍റ് പിരിച്ച് വിട്ടിരുന്നു. പാര്‍ലമെന്റില്‍ വിശ്വാസവോട്ടെടുപ്പില്‍ പരാജയപ്പെട്ടിട്ടും പ്രധാനമന്ത്രി കെ പി ശര്‍മ ഒലി സര്‍ക്കാര്‍ രൂപീകരിച്ച് രണ്ടു മാസത്തിന് ശേഷമായിരുന്നു സുപ്രീം കോടതിയുടെ ഇടപെടല്‍.

ഒരേ സമയം രണ്ട് പ്രണയം, രണ്ട് പ്രമുഖ നടിമാര്‍, അക്ഷയ് കുമാര്‍ തന്നെ ചതിച്ചു, ശില്‍പ ഷെട്ടി പറഞ്ഞത്