Click it and Unblock the Notifications
Just In
Don't Miss
-
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
ഫിമെയിൽ ഫ്രണ്ട്സിനോട് ചെയ്യുന്നതേ ജാസ്മിനോടും ചെയ്തിട്ടുള്ളൂ! കല്യാണം കഴിക്കില്ല- ഗബ്രിയ്ക്കെതിരെ പ്രേക്ഷകർ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വിദേശ തൊഴിലാളികളുടെ എന്‍ഒസി ഒഴിവാക്കുന്നത് ജനുവരിയില്‍, ഒമാനില്‍ മാറ്റങ്ങള്‍ പ്രഖ്യാപിച്ച് മന്ത്രി
മസ്‌കറ്റ്: ഒമാനിലെ വിദേശി തൊഴിലാളികള്‍ക്ക് വേറൊരു തൊഴിലുടമയിലേക്ക് മാറുന്നതിന് എന്‍ഒസി വേണമെന്ന നിബന്ധന എടുത്തു കളയുന്നു. ഇത് ഉടന്‍ തന്നെ നിലവില്‍ വരുമെന്ന് വിദേശകാര്യ മന്ത്രി ബദര്‍ അല്‍ ബുസൈദി പറഞ്ഞു. ജനുവരിയില്‍ ഇത് നിലവില്‍ വരുമെന്നാണ് സൂചന. രാജ്യത്തിന്റെ തൊഴില്‍ നയത്തിലെ സുപ്രധാന മാറ്റമാണ് എന്‍ഒസി വ്യവസ്ഥ ഒഴിവാക്കലെന്ന് വിദേശ കാര്യ മന്ത്രി പറഞ്ഞു. ബഹ്‌റൈന്‍ തലസ്ഥാനമായ മാനമയില്‍ ഐഐഎസ് ഉച്ചകോടിയില്‍ സംസാരിക്കുകയായിരുന്നു അദ്ദേഹം.
തൊഴില്‍ നയത്തില്‍ അടുത്ത കുറച്ച് ആഴ്ച്ചകളിലായി കാര്യമായിട്ടുള്ള മാറ്റങ്ങളാണ് വരിക. ഒമാനില്‍ ബിസിനസ് അന്തരീക്ഷം മുമ്പുള്ളതിനേക്കാള്‍ മെച്ചപ്പെടുത്തുകയാണ് ഇതിലൂടെ ലക്ഷ്യമിടുന്നതെന്ന് അല്‍ ബുസൈദി പറഞ്ഞു. രാജ്യത്തിന്റെ സമ്പദ് ഘടന തുറന്നുനല്‍കാന്‍ ലക്ഷ്യമിട്ടുള്ള വിഷന്‍ 2040 എന്ന പദ്ധതിയുടെ ഭാഗമായാണ് എന്‍ഒസി വ്യവസ്ഥകള്‍ എടുത്തുമാറ്റുന്നത്. തൊഴില്‍ നിയമത്തിലെ മാറ്റത്തിന് പുറവമേ പുതിയ വരുമാന നികുതി നടപ്പാക്കാനും സബ്്‌സിഡികള്‍ ഒഴിവാക്കുന്നതുമടക്കം സാമ്പത്തിക പരിഷ്‌കരണ നടപടികള്‍ക്കും പദ്ധതിയുണ്ടെന്ന് അല്‍ ബുസൈദി പറഞ്ഞു.
അതേസമയം കുറഞ്ഞ വരുമാനമുള്ള കുടുംബങ്ങളും ഇതിലൂടെ സംരക്ഷിക്കപ്പെടുമെന്ന് പ്രത്യേകം ഉറപ്പാക്കുമെന്ന് അദ്ദേഹം പറഞ്ഞു. ജനങ്ങളുടെ നിത്യജീവിത സുരക്ഷ ഉറപ്പിക്കാനായില്ലെങ്കില്‍ പശ്ചിമേഷ്യയിലെ സുരക്ഷ ഒന്നുമല്ലെന്നും അല്‍ ബുസൈദി വ്യക്തമാക്കി. ഈ സാമ്പത്തിക പരിഷ്‌കരണങ്ങളില്‍ കുറഞ്ഞ വരുമാനമുള്ള പൗരന്‍മാരുടെ സംരക്ഷണം ആദ്യമുണ്ടാകും. ടൂറിസം മേഖലയ്ക്ക് ഉണര്‍വ് പകരുന്നതിനും വിവിധ പദ്ധതികള്‍ നടപ്പാക്കുമെന്ന് വിദേശകാര്യ മന്ത്രി പ്രഖ്യാപിച്ചു.
ജനങ്ങള്‍ ദാരിദ്ര്യത്തിലാണെന്ന ഭയമില്ലാതെ ജീവിക്കുകയാണ് താന്‍ സുരക്ഷ കൊണ്ട് ഉദ്ദേശിക്കുന്നത്. അത് സ്‌ഫോടക വസ്തുക്കള്‍ക്കിടയില്‍ ജീവിക്കുന്നുവെന്ന ഭയം പോലെയാണ്. സമാധാനത്തിനും സമൃദ്ധിയിലും ജീവിക്കുന്നവര്‍ മറ്റുള്ള പൗരന്‍മാരും അതുപോലെ ജീവിക്കുന്നുവെന്ന് ഉറപ്പാക്കാന്‍ ശ്രമിക്കുക. അവരുടെ ജീവിതം മെച്ചപ്പെടുത്തുന്നതിനായി സംഭാവന നല്‍കുക. അതിലൂടെ എല്ലാം ശരിയാവുമെന്നും അല്‍ ബുസൈദി പറഞ്ഞു. ടൂറിസം മേഖലയെ പ്രോത്സാഹിപ്പിക്കാന്‍ നൂറിലധികം രാഷ്ട്രങ്ങളില്‍ നിന്നുള്ളവര്‍ക്ക് രാജ്യത്തേക്ക് ഒരുമാസത്തേക്ക് വിസ രഹിത പ്രവേശനം അനുവദിക്കുന്നതിനും പദ്ധതിയുണ്ടെന്ന് അല്‍ ബുസൈദി പറഞ്ഞു.
