കൊറോണ; ക്രൂയിസ് കപ്പലായ കാര്ണിവലില് 6000 ലധികം പേര് കഴിയുന്നുണ്ടെന്ന് റിപ്പോര്ട്ട്
6000 പേര് ഇപ്പോഴും കടലില് കപ്പലുകളില് കുടുങ്ങി കിടക്കുന്നതായി ക്രൂയിസ് കപ്പലായ കാര്ണിവലിന്റെ വെളിപ്പെടുത്തല്. എസ് ഇ സി ഫയലിങിലാണ് ഇക്കാര്യം അറിയിച്ചത്. ഒപ്പം കൊറോണ വൈറസ് രോഗത്തിന്റെ പശ്ചാത്തലത്തില് ഉണ്ടായ സാമ്പത്തിക തകര്ച്ചയെ നേരിടാന് കമ്പനി 6 ബില്ല്യന് ഡോളര് സഹായം തേടുന്നതായും കമ്പനി അറിയിച്ചു.
'ഞങ്ങളുടെ എല്ലാ കപ്പലുകളും യാത്രക്കാരെ പലസ്ഥലങ്ങളിലായി എത്തിച്ചിട്ടുണ്ട്. എന്നാല് ഏകദേശം 6000 യാത്രക്കാര് ഇപ്പോഴും കപ്പലുകളില് കടലില് കുടുങ്ങി കിടക്കുകയാണ്. ഏപ്രില് അവസാനത്തോടെ യാത്രക്കാരെ തീരത്തിറക്കുമെന്നാണ് കരുതുന്നത്. ഞങ്ങളുടെ കൂടെയുള്ളവര്ക്ക് പലര്ക്കും അവരുടെ നാട്ടിലേക്ക് മടങ്ങാന് കഴിയാത്ത സാഹചര്യമാണ്. അവര്ക്ക് ഞങ്ങള് ഭക്ഷണവും പാര്പ്പിടവും ഒരുക്കും' കമ്പനി ഫയലിംഗില് അറിയിച്ചു. 45 ബില്യണ് ഡോളറാണ് ക്രൂയിസ് കപ്പലിന്റെ വിപണി.
കൊറോണ രോഗം പടര്ന്നതിന് പിന്നാലെ ലോകവ്യാപകമായി ആഢംബര ക്രൂയിസ് ബിസിനസ്് ഇടിഞ്ഞിരുന്നു. രോഗികള്ക്കും യാത്രക്കാര്ക്കും പുറത്തിറങ്ങാന് കഴിയാത്തതും അന്താരാഷ്ട്ര സമുദ്ര പാതയില് നിന്ന് മറ്റ് രാജ്യങ്ങളിലേക്ക് അടുക്കാന് അനുമതി ലഭിക്കാത്തതും നിരവധി ക്രൂയിസ് കപ്പലുകള് ഒറ്റപ്പെട്ട സംഭവവുമുണ്ടായിരുന്നു. കൊറോണ വൈറസ് സ്ഥിരീകരിച്ചതിന് ശേഷം ഏറ്റവും ഗുരുതരമായ സ്ഥിതിയായിരുന്നു ക്രൂയിസ് കപ്പലുകളില് രോഗം ബാധിച്ചവരുടേത്. ജപ്പാന് തീരത്ത് എത്തിയ ഡയമണ്ട് പ്രിന്സസ് എന്ന കപ്പലില് 700 പേര്ക്കായിരുന്നു കൊറോണ രോഗം സ്ഥിരീകരിച്ചത്.
ദി ഗ്രാന്ഡ് പ്രിന്സസ് എന്ന കപ്പല് കാലിഫോര്ണിയയിലെ ഓക്ലന്ഡ് തുറമുഖത്ത് അടുപ്പിക്കുമെന്നായിരുന്നു റിപ്പോര്ട്ട്. കപ്പലിലെ ജീവനക്കാര്ക്ക് കൊറോണ സ്ഥിരീകരിച്ചിരുന്നു. കപ്പിലെ 21 പേര്ക്കായിരുന്നു കൊറോണ സ്ഥിരീകരിച്ചത്. 19 പേര് ജീവനക്കാരും 2 പേര് യാത്രക്കാരുമായിരുന്നു. ഇവര് രണ്ട് പേരും യുഎസ് പൗരന്മാര് തന്നെയാണെന്നായിരുന്നു റിപ്പോര്ട്ട്. കപ്പലില് നിന്നും ഒഴിപ്പിക്കുന്നവരെ കാലിഫോര്ണിയയില് സജ്ജീകരിച്ച പ്രത്യേക സംവിധാനത്തിലേക്ക് മാറ്റാനായിരുന്നു തീരുമാനം.
മാര്ച്ച് രണ്ടാം തിയ്യതിയായിരുന്നു ഡയമണ്ട് പ്രിന്സസ് തീരമടുക്കുന്നത്, അത് വരേയും കപ്പലിലെ 700 ഓളം ആളുകള്ക്ക് രോഗം സ്ഥിരീകരിച്ചപ്പോഴും സധൈര്യം മുന്നോട്ട് പോയ ക്യാപ്റ്റന് അമര് വാര്ത്തകളില് ഇടം നേടിയിരുന്നു. ഡയമണ്ട് പ്രിന്സസിന്റെ ക്യാപ്റ്റന് യഥാര്ത്ഥ രത്നം തന്നെയായിരുന്നുവെന്നായിരുന്നു കപ്പലിന്റെ ഉടമസ്ഥരായ പ്രിന്സസ് ക്രൂയിസസ് വിശേഷിപ്പിച്ചത്.
ആഗോള തലത്തില് തന്നെ കൊറോണ വൈറസ് രോഗം പടര്ന്നു പിടിക്കുകയാണ്. കൊറോണ ബാധിച്ച് ലോകത്താകമാനം 42000 പേരാണ് മരണപ്പെട്ടത്. കഴിഞ്ഞ 24 മണിക്കൂറിനുള്ളില് മാത്രം നാലായിരം പേരാണ് മരണപ്പെട്ടത്. യുഎസില് മാത്രം ചൊവ്വാഴ്ച്ച 800 മരണങ്ങള് റിപ്പോര്ട്ട് ചെയ്തു. ഇതോടെ അമേരിക്കയില് മരിച്ചവരുടെ എണ്ണം 3700 ആയി.
ഇറ്റലിയില് മാത്രം മരണസംഖ്യ 12438 കടന്നു. ഇന്നലെ മാത്രം 837 പേരാണ് മരണപ്പെട്ടത്. രോഗബാധിതരുടെ എണ്ണവും ഇറ്റലിയില് ഒരു ലക്ഷം പിന്നിട്ടു. സ്പെയിനിലും മരണസംഖ്യ വര്ധിക്കുകയാണ്. ഇന്നലെ മാത്രം റിപ്പോര്ട്ട് ചെയ്തത് 748 മരണങ്ങളാണ്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google