കടലിനടിയില് ശക്തമായ ഭൂകമ്പം, സുനാമിക്ക് സാധ്യതയെന്ന് മുന്നറിയിപ്പ്; മാറിത്താമസിക്കാന് നിര്ദേശം
നിയഫു:
സമുദ്രത്തില് 24.8 കിലോ മീറ്റര് ആഴത്തില് ഭൂകമ്പമുണ്ടായി എന്നാണ് യു എസ് ജിയോളജിക്കല് സര്വേ പുറത്തുവിടുന്ന റിപ്പോര്ട്ട്. നിയഫു ടൗണിന് 200 മീറ്റര് അകലെയായാണ് ഭൂചലനമുണ്ടായത്. പസഫിക് ദ്വീപസമൂഹത്തിന്റെ വടക്ക് - കിഴക്ക് ഭാഗത്താണ് നിയഫു ടൗണ്.
തലസ്ഥാനത്ത് നിന്ന് 207 കിലോമീറ്റര് (128 മൈല്) ചുറ്റളവില് കടലില് 7.3 തീവ്രത രേഖപ്പെടുത്തിയ ഭൂകമ്പമുണ്ടായി. ഇന്ന് രാത്രി രാജ്യത്ത് ശക്തമായ ഭൂകമ്പം അനുഭവപ്പെടുന്നതിനാല് ടോംഗയില് ഉടനീളം അടിയന്തര സുനാമി ഉപദേശം നിലവിലുണ്ട് എന്ന് ടോംഗയുടെ കാലാവസ്ഥാ നിരീക്ഷണ കേന്ദ്രം അറിയിച്ചു.
ഭൂചലനത്തിന് പിന്നാലെ ടോംഗ സര്ക്കാര് ജനങ്ങള്ക്ക് സുനാമി മുന്നറിയിപ്പ് പുറപ്പെടുവിക്കുകയായിരുന്നു. ഇനി ഒരു അറിയിപ്പ് ഉണ്ടാകുന്നത് വരെ ദ്വീപില് നിന്നും ജനങ്ങള് മാറി താമസിക്കണം എന്നാണ് സര്ക്കാര് നിര്ദേശിച്ചിരിക്കുന്നത്. പസഫിക് സുനാമി മുന്നറിയിപ്പ് കേന്ദ്രം പ്രകാരം അമേരിക്കയിലെ സമോവയിലും സുനാമി മുന്നറിയിപ്പ് നല്കിയിട്ടുണ്ട്.
സുനാമി തിരമാലകള് പ്രഭവകേന്ദ്രത്തില് നിന്ന് 300 കിലോമീറ്റര് ചുറ്റളവില് നിയഫു, ടോംഗ തീരത്ത് ആഞ്ഞടിച്ചേക്കും എന്നാണ് റിപ്പോര്ട്ട്. 171 ദ്വീപുകളിലായി വ്യാപിച്ചുകിടക്കുന്ന 100,000 ജനങ്ങളുള്ള ഒരു രാജ്യമാണ് ദ്വീപ് രാഷ്ട്രം. ഇക്കഴിഞ്ഞ ജനുവരിയിലും ടോംഗയില് സുനാമി ആഞ്ഞടിച്ചിരുന്നു.
മൂന്ന് പേര് മരിച്ച സുനാമിയില് വൈദ്യുതിയും മറ്റ് അടിസ്ഥാന സൗകര്യങ്ങളും നഷ്ടപ്പെട്ട് ഒരുലക്ഷത്തിലധികം ആളുകളാണ് ദുരിതത്തിലായത്. ഹംഗ ടോംഗ - ഹംഗ ഹാപായ് അഗ്നി പര്വ്വത സ്ഫോടനമാണ് അന്ന് സുനാമിക്ക് കാരണമായത്.
Click it and Unblock the Notifications
Sign in with Google