മസാർ-ഇ-ഷെരീഫ് പിടിച്ചെടുത്ത് താലിബാൻ: കാബൂളിന് സമീപത്തേക്ക്; നയതന്ത്രജ്ഞരെ ഒഴിപ്പിക്കാൻ ഇന്ത്യയും യുഎസും

കാബൂൾ: അഫ്ഗാനിസ്താനിൽ സുപ്രധാന പ്രവിശ്യാ തലസ്ഥാനങ്ങൾ കീഴടക്കിയ താലിബാൻ തലസ്ഥാനമായ കാബൂളിന് തൊട്ടടുത്ത്. കാബൂളിനടുത്തുള്ള മുഴുവൻ പ്രവിശ്യകളും താലിബാൻ പിടിച്ചടക്കിക്കഴിഞ്ഞതായി അഫ്ഗാൻ അധികൃതർ അറിയിച്ചു. അഫ്ഗാനിസ്ഥാനിലെ നാലാമത്തെ വലിയ നഗരമായ മസർ-ഇ-ഷെരീഫ് ശനിയാഴ്ച വിമതർ നടത്തിയ ആക്രമണത്തിന് ശേഷം താലിബാൻ കീഴടക്കിയതായും അധികൃതർ വ്യക്തമാക്കി.

ഇതോടെ മസാർ-ഇ-ഷെരീഫിലെ ഇന്ത്യൻ കോൺസുലേറ്റിൽ നിന്ന് ഇന്ത്യ തങ്ങളുടെ ജീവനക്കാരെ ഒഴിപ്പിക്കാൻ തുടങ്ങിയിട്ടുണ്ടെന്നാണ് പുറത്തുവരുന്ന റിപ്പോർട്ടുകൾ. ഇതിനൊപ്പം തന്നെ പാക് അതിർത്തിയായ പാക്ത്യ പ്രവിശ്യയും പൂർണ്ണമായി കീഴടക്കിയിട്ടുണ്ട്. യുദ്ധം ശക്തമായതോടെ അഫ്ഗാനിൽ നിന്നുള്ള പലായനവും വർധിച്ചിട്ടുണ്ട്. മറ്റ് രാജ്യങ്ങൾ അഫ്ഗാനിൽ നിന്നുള്ള അഭയാർത്ഥികൾക്ക് മുന്നിൽ അതിർത്തികൾ അടയ്ക്കരുതെന്ന് ഐക്യരാഷ്ട്രസഭ ആവശ്യപ്പെട്ടിട്ടുണ്ട്.

കാബൂളിൽ നിന്ന് 11 കിലോമീറ്റർ തെക്കായി സ്ഥിതി ചെയ്യുന്ന ചഹർ അസ് യാബ് ജില്ലയിൽ വരെ താലിബാൻ എത്തിക്കഴിഞ്ഞിട്ടുണ്ട്. സൈന്യത്തിന്റെ വാഹനങ്ങൾ പിടിച്ചെടുത്ത് അതിലാണ് താലിബാൻ സംഘങ്ങൾ നഗരങ്ങളിൽ റോന്ത് ചുറ്റുന്നത്. താലിബാൻ കാബൂളിലേക്ക് അടുത്തതോടെ പിടിച്ചടക്കുന്ന സാഹചര്യത്തിൽ പ്രാദേശിക നേതാക്കളും അന്താരാഷ്ട്ര പങ്കാളികളുമായി അടിയന്തര ചർച്ചകൾ നടത്തിയിരുന്നു. താലിബാൻ ആക്രമണം ശക്തമായതോടെ അഫ്ഗാൻ സൈന്യം കഴിഞ്ഞ ദിവസങ്ങളിൽ പല മേഖലകളിൽ നിന്നും പിൻവാങ്ങിയിരുന്നു. വെടിനിർത്തൽ, രാഷ്ട്രീയ ഒത്തുതീർപ്പ് എന്നിവ സംബന്ധിച്ച ഏത് ചർച്ചയ്ക്കും ഒരു വ്യവസ്ഥ എന്ന നിലയിൽ രാജിവയ്ക്കണമെന്ന താലിബാൻ ആവശ്യത്തോട് പ്രതികരിക്കുന്നതിന്റെ യാതൊരു സൂചനയും അദ്ദേഹം നൽകിയില്ല.

തലേദിവസം തലസ്ഥാനത്തിന് തെക്ക് നഗരം പിടിച്ചെടുത്ത് താലിബാൻ വിമതർ കാബൂളിലേക്ക് അടുക്കുമ്പോൾ അഫ്ഗാനിസ്ഥാൻ പ്രസിഡന്റ് അഷ്റഫ് ഗാനി പ്രാദേശിക നേതാക്കളുമായും അന്താരാഷ്ട്ര പങ്കാളികളുമായും അടിയന്തര ചർച്ചകൾ നടത്തിയിരുന്നു. താലിബാനെ പ്രതിരോധിക്കുന്നതിന് വേണ്ടി സൈന്യത്തെ പുനർവിന്യസിക്കുന്നതിനാണ് മുഖ്യപരിഗണന നൽകുന്നതെന്ന് അഷ്റഫ് ഗനി വ്യക്തമാക്കിയിരുന്നു. ഇപ്പോഴത്തെ സാഹചര്യത്തിൽ സുരക്ഷയ്ക്കും പ്രതിരോധ സേനകളുടെ പുനർവിന്യാസത്തിനുമാണ് മുഖ്യപരിഗണന നൽകുന്നതെന്നും അദ്ദേഹം വ്യക്തമാക്കിയിരുന്നു. നിങ്ങളുടെ പ്രസിഡന്റ് എന്ന നിലയിൽ, എന്റെ ജനങ്ങളുടെ കൂടുതൽ അസ്ഥിരത, അക്രമം, പലായനം എന്നിവ തടയുന്നതിലാണ് എന്റെ ശ്രദ്ധ,യെന്നും ഗനി കൂട്ടിച്ചേർത്തു.

അഫ്ഗാൻ സർക്കാരിനെ പിന്തുണച്ചിരുന്ന അമേരിക്കയും മറ്റ് വിദേശ ശക്തികളും പിൻവാങ്ങിയതിനാൽ താബിലാൻ ആധിപത്യം സ്ഥാപിച്ചതോടെ അമേരിക്കയും ബ്രിട്ടനും തങ്ങളുടെ എംബസികൾ ഒഴിപ്പിക്കാൻ സൈന്യത്തെയിറക്കിയിരുന്നു. അഫ്ഗാൻ സർക്കാർ സേനകളിൽ നിന്നുള്ള ചെറുത്തുനിൽപ്പ് തകർന്നതിനാൽ, കടുത്ത ഇസ്ലാമിക ഭരണത്തിലേക്ക് തിരിച്ചുവരുമെന്ന് ഭയന്ന് പോരാടുകയും ഭയപ്പെടുകയും ചെയ്ത നിരവധി അഫ്ഗാനികൾ പ്രവിശ്യകളിൽ നിന്ന് തലസ്ഥാനത്തേക്ക് പലായനം ചെയ്തു. അഫ്ഗാൻ സർക്കാരും താലിബാനും തമ്മിൽ ഇതുവരെ സമാധാനപരമായ ചർച്ചകൾക്ക് ആതിഥ്യം വഹിച്ചിരുന്ന ഖത്തർ, ശനിയാഴ്ച തങ്ങളുടെ പ്രതിനിധികളുമായി നടത്തിയ കൂടിക്കാഴ്ചയിൽ വെടിവെപ്പ് അവസാനിപ്പിക്കാൻ വിമതരോട് ആവശ്യപ്പെട്ടതായി അറിയിച്ചു.

കലാപകാരികൾ രാജ്യത്തെ രണ്ടാമത്തെയും മൂന്നാമത്തെയും വലിയ നഗരങ്ങൾ പിടിച്ചെടുത്തതിന് ഒരു ദിവസത്തിന് ശേഷമാണ് നഗരം പിടിച്ചെടുത്തത്. കാബൂളിനടുത്തുള്ള മറ്റൊരു പട്ടണമായ മൈദാൻ ഷഹർ പിടിച്ചെടുക്കാൻ താലിബാൻ നീക്കം നടത്തുന്നതായാണ് താലിബാൻ പുറത്തുവരുന്ന സൂചനകൾ. രണ്ട് പതിറ്റാണ്ട് നീണ്ട യുദ്ധത്തിന് ശേഷം യുഎസിന്റെ നേതൃത്വത്തിലുള്ള സൈന്യം പിൻവലിക്കൽ പൂർത്തിയാക്കിയതിനാൽ തെക്കൻ ഭാഗത്തെ ഏറ്റവും വലിയ നഗരവും താലിബാന്റെ ഹൃദയഭൂമിയുമായ കാണ്ഡഹാർ തീവ്രവാദികളുടെ നിയന്ത്രണത്തിലാണെന്ന് അഫ്ഗാൻ സർക്കാർ ഉദ്യോഗസ്ഥൻ വെള്ളിയാഴ്ച സ്ഥിരീകരിച്ചിരുന്നു.

English summary

Taliban caputres Masar E Sherif and nears Kabul, India and US moves to evacuate diplomats