Click it and Unblock the Notifications
Just In
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ദുബായില്‍ ഫ്ളാറ്റിന് തീപിടിച്ചു രണ്ട് മരണം, ഫ്ളാറ്റിലുണ്ടായിരുന്നത് 22 പേര്‍
ദുബായ്: ദുബായില്‍ ഫ്ളാറ്റിന് തീ പിടിച്ച് രണ്ട് പേര്‍ മരിച്ചു. ഇന്റര്‍നാഷണല്‍ സിറ്റിയിലെ ഇംഗ്‌ളണ്ട് ക്ളസ്റ്ററിലുള്ള ഫ്ളാറ്റിനാണ് തീ പിടിച്ചത്. രക്ഷപ്പെടാന്‍ വേണ്ടി താഴേയ്ക്ക് ചാടിയ രണ്ട് പേരാണ് മരിച്ചത്. 22 ലേറെപ്പേര്‍ താമസിയ്ക്കുന്ന ഫ്ളാറ്റിനാണ് തീപിടിച്ചത്. തിങ്കളാഴ്ച രാത്രിയാണ് തീപിടിത്തം ഉണ്ടായത്.
വണ്‍ ബെഡ് റൂം അപ്പാര്‍ട്ട്‌മെന്റുകളാണ് ഇവിടെയുണ്ടായിരുന്നത്. വാടക ഷെയര്‍ ചെയ്ത് താമസിയ്ക്കുന്നവരായിരുന്നു ഏറെയും. കെട്ടിടത്തിലെ മൂന്നാം നിലയിലാണ് തീപിടത്തം ഉണ്ടായത്. തീ പിടിച്ചതോടെ രക്ഷപ്പെടാന്‍ മൂന്ന് പേര്‍ താഴേയ്ക്ക് ചാടുകയായിരുന്നു. ഇവരില്‍ രണ്ട് പേര്‍ സംഭവസ്ഥലത്ത് മരിച്ചു. ഒരാള്‍ക്ക് പരിക്കേല്‍ക്കുകയും ചെയ്തു.
രാത്രി 9.40 ഓടെയാണ് ദുബായ് സിവില്‍ ഡിഫന്‍സിന് വിവരം ലഭിയ്ക്കുന്നത്. 10.6 ഓടെ സംഘം സ്ഥലത്തെത്തി. മൂന്നാമത്തെ നിലയില്‍ കുടുങ്ങിക്കിടന്ന ഏഴ് പേരെ പൊലീസ് രക്ഷപ്പെടുത്തി. തീപിടിത്തത്തെത്തുടര്‍ന്ന് കെട്ടിടത്തില്‍ കനത്ത പുക ഉയര്‍ന്നെന്നും കിടക്കകള്‍ക്ക തീപിടിച്ചുവെന്നും ദുബായ് സിവില്‍ ഡിഫന്‍സ് ഉദ്യോഗസ്ഥര്‍ പറഞ്ഞു.
22 പേരും വാടക ഷെയര്‍ ചെയ്ത ഫ്ളാറ്റില്‍ താമസിയ്ക്കുകയായിരുന്നുവെന്ന് പൊലീസ് പറയുന്നു. പത്ത് പേര്‍ ലിവിംഗ് റൂമിലും 12 പേര്‍ ബെഡ് റൂമിലുമായിരുന്നു. അടുക്കളയില്‍ നിന്നാണ് തീ പടര്‍ന്നതെന്നും പിന്നീട് ലിവിംഗ് റൂമിലെ സ്‌പോഞ്ച് നിര്‍മ്മിത കിടക്കകളിലും മറ്റും തീ പടരുകയായിരുന്നുവെന്നുമാണ് റിപ്പോര്‍ട്ട്. അരമണിയ്ക്കൂറിലേറെ കഷ്ടപ്പെട്ടാണ് തീ നിയന്ത്രണ വിധേയമാക്കാന്‍ കഴിഞ്ഞത്.
