Click it and Unblock the Notifications
Just In
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പണിമുടക്കി വാട്സ്ആപ്പ്; മെസേജ് അയക്കാനും സ്വീകരിക്കാനും തടസം
ന്യൂദല്‍ഹി: ലോകത്ത് പലയിടത്തും വാട്സ്ആപ്പ് സേവനം തടസപ്പെട്ടു. ഇന്ത്യയില്‍ അടക്കം നിരവധി രാജ്യങ്ങളില്‍ സേവനം തടസപ്പെട്ടതായി ഉപയോക്തക്കള്‍ അറിയിച്ചു. അരമണിക്കൂറായി വാട്സ്ആപ്പ് അരമണിക്കൂറായി പ്രവര്‍ത്തനരഹിതമാണ് എന്നാണ് ഉപയോക്തക്കള്‍ പറയുന്നത്.
മെറ്റയുടെ ഉടമസ്ഥതയിലുള്ളതാണ് വാട്സ്ആപ്പ്. ഇന്ത്യയിലെ വാട്ട്സ്ആപ്പ് ഉപയോക്താക്കള്‍ക്ക് നിലവില്‍ സന്ദേശങ്ങള്‍ അയക്കാനും സ്വീകരിക്കാനും കഴിയുന്നില്ല എന്ന് സ്ഥിരീകരിച്ചിട്ടുണ്ട്. 5000 ത്തില്‍ അധികം ഉപയോക്താക്കള്‍ വാട്ട്സ്ആപ്പില്‍ പ്രശ്നങ്ങള്‍ നേരിടുന്നുണ്ട് എന്നാണ് ഡൗണ്‍ ഡിറ്റക്ടര്‍ റിപ്പോര്‍ട്ട് ചെയ്യുന്നത്.
ഡൗണ്‍ ഡിറ്റക്ടറിന്റെ പരിശോധനയില്‍ മുംബൈ, ഡല്‍ഹി, കൊല്‍ക്കത്ത, ലഖ്നൗ തുടങ്ങിയ പ്രധാന നഗരങ്ങളില്‍ വാട്സ്ആപ്പ് സേവനം നിശ്ചലമാണ്. അതേസമയം വാട്സ്ആപ്പ് പ്രവര്‍ത്തനരഹിതമായതിന് പിന്നാലെ മറ്റ് സോഷ്യല്‍ മീഡിയ അക്കൗണ്ടുകളില്‍ ഉപയോക്താക്കള്‍ പരാതിയും ട്രോളുകളുമായി രംഗത്തെത്തിയിട്ടുണ്ട്. ട്വിറ്ററില്‍ വാട്സ്ആപ്പ് ഹാഷ്ടാഗ് ഇതിനോടകം ട്രെന്‍ഡിംഗ് ആയിട്ടുണ്ട്.
ചൊവ്വാഴ്ച ഉച്ചയ്ക്ക് 12.07 മുതലാണ് വാട്സ്ആപ്പ് നിശ്ചലമായ റിപ്പോര്‍ട്ടുകള്‍ പുറത്ത് വന്ന് തുടങ്ങിയത് എന്ന് ഡൗണ്‍ ഡിറ്റക്ടര്‍ പറയുന്നു. പരാതി ഉയര്‍ന്നതില്‍ 69 ശതമാനം പേരും ഉന്നയിച്ചത് മെസേജ് അയക്കാനും സ്വീകരിക്കാനും സാധിക്കുന്നില്ല എന്നതായിരുന്നു.
ഇറ്റലി, തുര്‍ക്കി തുടങ്ങിയ രാജ്യങ്ങളില്‍ നിന്നുള്ളവരും വാട്സ്ആപ്പ് സേവനം നിലച്ചതായി പരാതി പറയുന്നുണ്ട്. അതേസമയം വാട്സ്ആപ്പ് സേവനം പുനസ്ഥാപിക്കാനുള്ള ശ്രമത്തിലാണ് എന്നാണ് വാട്ട്സ്ആപ്പിന് പുറമെ ഫേസ്ബുക്കിന്റെയും ഇന്‍സ്റ്റാഗ്രാമിന്റെയും ഉടമസ്ഥതയിലുള്ള കമ്പനിയായ മെറ്റയുടെ വക്താവ് പറഞ്ഞത് എന്ന് മണികണ്ട്രോള്‍ റിപ്പോര്‍ട്ട് ചെയ്യുന്നു.
ചില ആളുകള്‍ക്ക് നിലവില്‍ സന്ദേശങ്ങള്‍ അയയ്ക്കുന്നതില്‍ പ്രശ്നമുണ്ടെന്ന് മനസിലാക്കുന്നു. കഴിയുന്നത്ര വേഗത്തില്‍ എല്ലാവര്‍ക്കും വാട്ട്സ്ആപ്പ് പുനഃസ്ഥാപിക്കാന്‍ തങ്ങള്‍ ശ്രമിക്കുകയാണ് എന്നാണ് മെറ്റയുടെ വക്താവ് പറഞ്ഞത്.
അടുത്തിടെ അവതാര്‍ സപ്പോര്‍ട്ട് ബീറ്റ വേര്‍ഷനില്‍ പരീക്ഷിക്കും എന്ന് വാട്സ്ആപ്പ് പ്രഖ്യാപിച്ചിരുന്നു. അവതാറുകള്‍ പങ്കിടാനും കോണ്‍ഫിഗര്‍ ചെയ്യാനും, സ്റ്റിക്കറുകള്‍ വ്യക്തിഗതമാക്കാനും ഉപയോക്താക്കളെ അനുവദിക്കുന്നതായിരുന്നു ഈ ഫീച്ചര്‍. നേരത്തെ ഇന്‍സ്റ്റാഗ്രാമില്‍ അവതരിപ്പിച്ച ഫീച്ചര്‍ ആണിത്.
