ഓണത്തിന് മുമ്പുള്ള ഒരു ടേം വിദ്യാര്ഥികള് ഓണ്ലൈനായി പഠിക്കേണ്ടിവരും: മുഖ്യമന്ത്രി
കണ്ണൂർ: ധര്മ്മടത്ത് ഓണ്ലൈന് പഠന സൗകര്യമില്ലാത്ത വിദ്യാര്ഥികള്ക്ക് ടി വി നല്കുന്ന പദ്ധതിയുടെ വിതരണോദ്ഘാടനം മുഖ്യമന്ത്രി നിര്വഹിച്ചു. ആഗസ്തിന് മുമ്പ് കൊവിഡ് അവസാനിക്കാന് പോകുന്നില്ലെന്നാണ് നിലവിലെ സ്ഥിതിയില് നിന്നും വ്യക്തമാകുന്നതെന്നും അതുകൊണ്ട് ഓണത്തിന് മുമ്പുള്ള ഒരു ടേം പാഠഭാഗങ്ങള് വിദ്യാര്ഥികള് ഓണ്ലൈനായി തന്നെ പഠിക്കേണ്ടിവരുമെന്നും മുഖ്യമന്ത്രി പിണറായി വിജയന് പറഞ്ഞു.
ധര്മ്മടത്ത് ഓണ്ലൈന് പഠന സൗകര്യമില്ലാത്ത വിദ്യാര്ഥികള്ക്ക് ടി വി നല്കുന്ന പദ്ധതിയുടെ വിതരണോദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം. കുറച്ച് കാലം കൂടി കൊവിഡ് നമ്മുടെ കൂടെയുണ്ടാകുമെന്നാണ് വിദഗ്ധര് പറയുന്നതെന്നും നാം സ്വീകരിക്കുന്ന പ്രതിരോധ നടപടികളില് ഒരിളവും പാടില്ലെന്നാണ് ഇത് സൂചിപ്പിക്കുന്നതെന്നും അദ്ദേഹം വ്യക്തമാക്കി.
കൊവിഡ് കാരണം കുട്ടികളുടെ വിദ്യാഭ്യാസം നഷ്ടപ്പെട്ടുകൂട. ക്ലാസില് പോയിരുന്ന് പഠിക്കുന്നതിന് പകരമാവില്ലെങ്കിലും പകരം സംവിധാനത്തിന് നമ്മള് നിര്ബന്ധിതരായതിനാലാണ് ഓണ്ലൈന് പഠന സംവിധാനമേര്പ്പെടുത്തിയതെന്നും അദ്ദേഹം വ്യക്തമാക്കി. എല്ലാ വിദ്യാര്ഥികള്ക്കും ഓണ്ലൈന് സൗകര്യം ലഭിക്കേണ്ടതുണ്ട്. ഇതിന് അസൗകര്യമുള്ള കുട്ടികള്ക്ക് പിന്തുണ ആവശ്യമാണ്. ഇതിനുള്ള ചില നടപടികള് സര്ക്കാര് സ്വീകരിച്ചിട്ടുണ്ട്. അതിന്റെ ഭാഗമായി തീരെ പിന്നോക്കം നില്ക്കുന്ന പ്രദേശങ്ങളിലെ കുട്ടികളെ ഒന്നിച്ചിരുത്തി ക്ലാസ് നല്കാന് കഴിയുന്ന വിധത്തില് വായനശാലകള്, അങ്കണവാടികള്, പൊതുസ്ഥാപനങ്ങള് എന്നിവിടങ്ങളില് ടി വികള് സ്ഥാപിക്കും. ഇതിനാവശ്യമായ സജ്ജീകരണങ്ങള് ഇപ്പോള് ഒരുക്കികൊണ്ടിരിക്കുകയാണെന്നും അദ്ദേഹം വ്യക്തമാക്കി.
കൊവിഡുമായി ബന്ധപ്പെട്ട് ഇപ്പോള് കേള്ക്കുന്ന കണക്കുകളില് പരിഭ്രമിക്കേണ്ടതില്ല. നമ്മുടെ സഹോദരങ്ങള് വിവിധ സംസ്ഥാനങ്ങളില് നിന്നും മറ്റ് രാജ്യങ്ങളില് നിന്നും ഇങ്ങോട്ട് വരുന്നുണ്ട്. അവര് വരേണ്ടതില്ല എന്ന നിലപാട് നമുക്ക് സ്വീകരിക്കാനാവില്ല. അവര്ക്കുകൂടി അര്ഹതപ്പെട്ടതാണ് ഈ നാട്. ഇത്തരത്തില് വരുന്നവരില് ചിലര് രോഗവാഹകരാണ്. അതിനാല് ഇവരില് നിന്നും രോഗം പകരുന്നത് ഒഴിവാക്കണം. ഇതിനായി അവരും കുടുംബാംഗങ്ങളും വാര്ഡ്തല സമിതികളും ജാഗ്രതയോടെ പെരുമാറണമെന്നും അദ്ദേഹം കൂട്ടിച്ചേര്ത്തു.
ഒന്ന് മുതല് പ്ലസ് ടു വരെയുള്ള ക്ലാസുകളിലെ ഓണ്ലൈന് പഠന സൗകര്യമില്ലാതെ നിര്ധനരായ വിദ്യാര്ഥികള്ക്കാണ് പദ്ധതിയുടെ ഭാഗമായി ടി വി വിതരണം ചെയ്തത്. മുഖ്യമന്ത്രി പിണറായി വിജയന്റെ നേതൃത്വത്തിലാണ് പദ്ധതി നടപ്പാക്കിയത്. കേരള സ്റ്റീല് മാനിഫാക്ചറല് അസോസിയേഷനാണ് വിദ്യാര്ഥികള്ക്കുള്ള ടി വി നല്കിയത്. കൂടാതെ പദ്ധതിയുടെ രണ്ടാം ഘട്ടത്തില് 214 അങ്കണവാടികള്ക്കും ടി വി വിതരണം ചെയ്യും.
ചെമ്പിലോട് പഞ്ചായത്തില് നടന്ന ചടങ്ങില് മുഖ്യമന്ത്രിയുടെ മണ്ഡലം പ്രിതിനിധി പി ബാലന് അധ്യക്ഷത വഹിച്ചു. ഓണത്തിന് ഒരുമുറം പച്ചക്കറി പദ്ധതിയുടെ പഞ്ചായത്ത്തല ഉദ്ഘാടനവും പരിപാടിയുടെ ഭാഗമായി അദ്ദേഹം നിര്വഹിച്ചു. ഓണ്ലൈന് വഴി നടന്ന ഉദ്ഘാടന ചടങ്ങില് എടക്കാട് ബ്ലോക്ക് പഞ്ചായത്ത് പ്രസിഡണ്ട് എം സി മോഹനന്, ഗ്രാമ പഞ്ചായത്ത് പ്രസിഡണ്ടുമാരായ ടി വി ലക്ഷ്മി (ചെമ്പിലോട്), കെ പി ബാലഗോപാലന് (പെരളശ്ശേരി), കെ ഗിരീശന് (കടമ്പൂര്), സി പി ബേബി സരോജം (ധര്മ്മടം), സി പി അനിത (വേങ്ങാട്), എം പി ഹാബിസ് (മുഴപ്പിലങ്ങാട്), പി കെ ഗീതമ്മ (പിണറായി), കേരള സ്റ്റീല് മാനിഫാക്ചറല് അസോസിയേഷന് പ്രസിഡണ്ട് എ മുഹമ്മദ് ഷാഫി മറ്റ് ജന പ്രതിനിധികള്, ഉദ്യോഗസ്ഥര്, രാഷ്ട്രീയ കക്ഷി പ്രതിനിധികള് തുടങ്ങിയവര് പങ്കെടുത്തു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google