ഇതുപോലെയുണ്ടോ ഒരു വീഴ്ച: ലോക കോടീശ്വരന്മാരുടെ പട്ടികയില് ഞെട്ടിച്ച് അദാനിയുടെ പുതിയ സ്ഥാനം അറിയാം
അദാനിക്കെതിരായ ആരോപണം രാജ്യത്ത് വലിയ രാഷ്ട്രീയ പ്രശ്നമായി ഉയർന്ന് വരികയും ചെയ്തിട്ടുണ്ട്
ലോകത്തെ ഏറ്റവും വലിയ കോടീശ്വരന്മാരുടെ പട്ടികയില് വീണ്ടും തിരിച്ചടി നേരിട്ട് ഇന്ത്യന് വ്യവസായി ഗൗതം അദാനി. ഹിൻഡൻബർഗ് റിപ്പോർട്ട് പ്രസിദ്ധീകരിക്കുന്നതിന് തൊട്ടുമുമ്പ് മൂന്നാം സ്ഥാനത്തായിരുന്നു അദാനിയിപ്പോള് ഫോബ്സ് സമ്പന്നരുടെ പട്ടികയിൽ 38-ാം സ്ഥാനത്താണ്.
ഓഹരി വിപണയില് കനത്ത തിരിച്ചടി നേരിട്ടുകൊണ്ടിരിക്കുന്ന അദാനിയുടെ ആസ്തി 33.4 ബില്യൺ ഡോളറായി കണക്കാക്കപ്പെടുന്നു. ഫോർബ്സിന്റെ തൽസമയ ട്രാക്കർ അനുസരിച്ച്, ജനുവരി 24 ന് റിപ്പോർട്ട് പ്രസിദ്ധീകരിക്കുന്നതിന് മുമ്പുള്ള 119 ബില്യൺ ഡോളറിൽ നിന്ന് 85 ബില്യൺ ഡോളറിന്റെ ഇടിവാണ് ഇതുവരെ രേഖപ്പെടുത്തിയത്.
ആഗോള സമ്പന്നരുടെ പട്ടികയായ ബ്ലൂംബെർഗ്
മറ്റൊരു ആഗോള സമ്പന്നരുടെ പട്ടികയായ ബ്ലൂംബെർഗ് ബില്യണയേഴ്സ് ഇൻഡക്സ് പ്രകാരം ഏകദേശം 40 ബില്യൺ ഡോളർ ആസ്തിയുള്ള അദാനി 30-ാം സ്ഥാനത്താണുള്ളത്. ആസ്തിയുടെ ഒരു പ്രധാന ഭാഗം അദാനി തന്നെ അധ്യക്ഷനായ അദാനി ഗ്രൂപ്പിൽ നിന്നാണ്. ഗ്രൂപ്പ് അക്കൌണ്ടിംഗിനെ ചോദ്യം ചെയ്യുന്ന റിപ്പോർട്ട് ഹിൻഡൻബർഗ് പ്രസിദ്ധീകരിച്ചതിന് ശേഷം ഒരു മാസത്തിലേറെയായി, കമ്പനിയുടെ മൊത്തം ആസ്തി ഏകദേശം 150 ബില്യൺ ഡോളർ കുറഞ്ഞുവെന്നും ബി എസ് ഇ ഡാറ്റ കാണിക്കുന്നു.
84.3 ബില്യൺ ഡോളർ ആസ്തിയുള്ള മുകേഷ് അംബാനി ഫോബ്സ് സമ്പന്നരുടെ പട്ടികയിൽ എട്ടാം സ്ഥാനത്താണ്. പെട്രോകെമിക്കൽസ്, ഓയിൽ എന്നിവയിൽ താൽപ്പര്യമുള്ള റിലയൻസ് ഇൻഡസ്ട്രീസ് അംബാനി അധ്യക്ഷനായ അംബാനി മാത്രമായി ഇതോടെ പട്ടികയില് ആദ്യ പത്തിലുള്ള ഏക ഇന്ത്യക്കാരന്. നേരത്തെ അംബാനിക്കൊപ്പം അദാനിയും ആദ്യ പത്തിലുണ്ടായിരുന്നു.
അക്കൌണ്ടിംഗ് തട്ടിപ്പ്, സ്റ്റോക്ക് പ്രൈസ് മാനിപ്പുലേഷൻ
അക്കൌണ്ടിംഗ് തട്ടിപ്പ്, സ്റ്റോക്ക് പ്രൈസ് മാനിപ്പുലേഷൻ, ഓഫ്ഷോർ ഷെൽ എന്റിറ്റികളുടെ തെറ്റായ ഉപയോഗം എന്നിവ ആരോപിച്ചുകൊണ്ടായിരുന്നു ഹിന്ഡന്ബർഗ് അദാനിക്കെതിരായ റിപ്പോർട്ട് സമർപ്പിച്ചത്. ഇതോടെയാണ് അദാനിയുടെ കമ്പനികളുടെ ഓഹരി വിലയിൽ വൻ ഇടിവ് സംഭവിച്ച് തുടങ്ങിയത്. എന്നാല് തങ്ങളുടെ ഭാഗത്ത് നിന്നും യാതൊരു ക്രമക്കേടും ഉണ്ടായിട്ടില്ലെന്നാണ് അദാനി ഗ്രൂപ്പ് പ്രതികരിച്ചത്.
രാജ്യത്തെ തുറമുഖങ്ങളിലും വിമാനത്താവളങ്ങളിലും
രാജ്യത്തെ തുറമുഖങ്ങളിലും വിമാനത്താവളങ്ങളിലും റോഡുകളിലും റെയിലുകളിലും സാന്നിധ്യമുള്ള അദാനിയുടെ സമ്പത്തിന്റെ ഭൂരിഭാഗവും അടിസ്ഥാന സൗകര്യങ്ങളിൽ നിന്നാണ്. ഹിൻഡൻബർഗ് റിപ്പോർട്ടിനെത്തുടർന്ന് അദാനി തന്റെ മുൻനിര അദാനി എന്റർപ്രൈസസിന്റെ 20,000 കോടി രൂപയുടെ ഫോളോ-ഓൺ പബ്ലിക് ഓഫർ (എഫ്പിഒ) റദ്ദാക്കുകയും ഗ്രൂപ്പ് വിഭാഗമായ അദാനി പവറിന്റെ 7,017 കോടി രൂപയുടെ ഡിബി പവറിന്റെ വാങ്ങൽ ഉപേക്ഷിക്കുകയും ചെയ്തിരുന്നു.
അദാനിക്കെതിരായ ആരോപണം രാജ്യത്ത് വലിയ രാഷ്ട്രീയ പ്രശ്നമായി ഉയർന്ന് വരികയും ചെയ്തു. ഹിൻഡൻബർഗ് റിപ്പോർട്ട് മൂലമുണ്ടായ നഷ്ടങ്ങൾ പരിഹരിക്കാന് പണം സംരക്ഷിക്കുന്നതിലും ബാധ്യതകൾ പിൻവലിക്കുന്നതിലും പണയം വെച്ച ഓഹരികൾ വീണ്ടെടുക്കുന്നതിലും മൂലധന ചെലവ് പദ്ധതികൾ കുറയ്ക്കുന്നതിലും ശ്രദ്ധ കേന്ദ്രീകരിക്കുകയാണ് കമ്പനിയിപ്പോള്. കനത്ത ആഘാതത്തില് നിന്നും അദാനി ഓഹരികൾ വീണ്ടും ഉയർന്ന് തുടങ്ങിയെങ്കിലും സാധാരണ നിലയിലെത്തിയിട്ടില്ല.
Click it and Unblock the Notifications
Sign in with Google