Click it and Unblock the Notifications
Just In
Don't Miss
-
41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി -
IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി -
ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്‍ -
7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം... -
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കുരുക്ക് മുറുകുന്നു...ചാനല്‍ മേധാവിയടക്കം ഏഴു പേര്‍ ക്രൈംബ്രാഞ്ച് ഓഫീസില്‍ ഹാജരായി!!
രണ്ടു തവണ ഹാജരാവാന്‍ പ്രതികള്‍ക്ക് നോട്ടീസ് അയച്ചിരുന്നു
തിരുവനന്തപുരം: മുന്‍ മന്ത്രി എകെ ശശീന്ദ്രന്റെ രാജിക്കു കാരണമായ അശ്ലീല ഫോണ്‍ സംഭാഷണവുമായി ബന്ധപ്പെട്ട കേസില്‍ പ്രതികളായ മംഗളം ചാനലിലെ ഏഴു പേര്‍ ക്രൈം ബ്രാഞ്ച് ഓഫീസില്‍ ഹാജരായി. സിഇഒ അജിത്ത് കുമാര്‍ ഉള്‍പ്പെടെ പ്രതി ചേര്‍ക്കപ്പെട്ട ഏഴു പേരാണ് ക്രൈംബ്രാഞ്ച് ഓഫീസിലെത്തിയത്. മന്ത്രിയെ കുടുക്കിയ സ്ത്രീയെന്നു കരുതപ്പെടുന്ന ചാനലിലെ ജീവനക്കാരിയും ഇവര്‍ക്കൊപ്പമുണ്ടെന്നാണ് സൂചന.
രണ്ടു തവണ ഹാജരവാണമെന്നാവശ്യപ്പെട്ടു പ്രതികള്‍ക്കു ക്രൈംബ്രാഞ്ച് നോട്ടീസ് അയച്ചിരുന്നു. എന്നാല്‍ അവര്‍ ഇതിനു തയ്യാറായിരുന്നില്ല. തുടര്‍ന്നു ഞായറാഴ്ചയും തിങ്കളാഴ്ചയും പോലീസ് സംഘം മംഗളം ഓഫീസിലെത്തി പരിശോധന നടത്തിയിരുന്നു.
അറസ്റ്റ് തടയണമെന്നാവശ്യപ്പെട്ടു പ്രതികള്‍ നല്‍കിയ ഹരജി പരിഗണിക്കുന്നത് ഹൈക്കോടതി വ്യാഴാഴ്ചത്തേയ്ക്കു മാറ്റിവച്ചിരുന്നു. ഇതേതുടര്‍ന്നാണ് പ്രതികള്‍ ക്രൈംബ്രാഞ്ച് ഓഫീസില്‍ ഹാജരായതെന്നാണ് സൂചന. ജാമ്യമില്ലാ വകുപ്പ് പ്രകാരമാണ് പ്രതികള്‍ക്കെതിരേ കേസെടുത്തിരിക്കുന്നത്.
കേസില്‍ മൂന്നു പ്രതികള്‍ കൂടി ഇനി ഹാജരാവാനുണ്ട്. അന്വേഷണസംഘം ഇന്നു സാക്ഷികളില്‍ നിന്നു മൊഴി രേഖപ്പെടുത്തും. വിവാദത്തിനു ശേഷം മംഗളം ടെലിവിഷനില്‍ നിന്നു രാജിവച്ച റിപ്പോര്‍ട്ടര്‍മാര്‍ അടക്കമുള്ളവരോടു ക്രൈം ബ്രാഞ്ച് ഓഫീസില്‍ ഹാജരാവാന്‍ ആവശ്യപ്പെട്ടിട്ടുണ്ട്.
വിവാദ ഫോണ്‍ വിളി എഡിറ്റ് ചെയ്തിരിക്കുന്നത് ചാനലിന്റെ ഓഫീസില്‍ നിന്നല്ലെന്നാണ് പോലീസ് അന്വേഷണത്തില്‍ വ്യക്തമായിരിക്കുന്നത്. വാര്‍ത്ത സംപ്രേക്ഷണം ചെയ്യുന്നതിന് തൊട്ടമുന്‍പ് ഈ ഓഡിയോ ക്ലിപ്പ് പെന്‍ ഡ്രൈവിലാക്കി ഓഫീസിലെത്തിക്കുകയായിരുന്നുവെന്നും സൂചന ലഭിച്ചിട്ടുണ്ട്.
തിങ്കളാഴ്ച ചാനലിന്റെ ഓഫീസില്‍ നിന്നും സീല്‍ ചെയ്‌തെടുത്ത കംപ്യൂട്ടറുകളും മറ്റു രേഖകളും ഫോറന്‍സിക് പരിശോധനയ്ക്കായി അയക്കും.
കാറില്‍ സൂക്ഷിച്ചിരുന്ന തന്റെ ലാപ്‌ടോപ്പും ഫോണും തിങ്കളാഴ്ച രാത്രിയില്‍ മോഷണം പോയെന്നു കാണിച്ച് ചാനല്‍ സിഇഒ അജിത്ത് കുമാര്‍ മ്യൂസിയം പോലീസില്‍ പരാതി നല്‍കിയിട്ടുണ്ട്. ശാസ്തമംഗലത്തുള്ള ഹോട്ടലില്‍ ഭക്ഷണം കഴിക്കാന്‍ കയറിപ്പോഴാണ് മോഷണം നടന്നതെന്നും പരാതിയില്‍ പറയുന്നു.
കേസില്‍ പ്രതികളുടെ അറസ്റ്റ് തടയാന്‍ കഴിയില്ലെന്ന് നേരത്തേ ഡിജിപി കോടതിയെ അറിയിച്ചിരുന്നു.
