Click it and Unblock the Notifications
Just In
Don't Miss
-
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇത്തവണയും 'വോട്ട് ഇറക്കുമതി'...!!! കടല്‍കടന്ന് 'വോട്ട്' വിമാനങ്ങളെത്തും
മലപ്പുറം: നിയമസഭാ തെരഞ്ഞെടുപ്പില്‍ തങ്ങളുടെ സ്ഥാനാര്‍ഥികളെ വിജയിപ്പിക്കാന്‍ പ്രവാസികള്‍ വിമാനങ്ങളില്‍ പറന്നിറങ്ങും. ചാര്‍ട്ടര്‍ ചെയ്ത പ്രത്യേക വിമാനങ്ങളിലായി യുഎഇ ഉള്‍പ്പെടെയുള്ള ഗള്‍ഫ് രാജ്യങ്ങളില്‍ നിന്ന് വിവിധ പ്രവാസി സംഘടനകളുടെ നേതൃത്വത്തിലാണ് ആളുകളെ എത്തിയ്ക്കുന്നത്.
പ്രത്യേക ക്യാന്പയിനുകളും വോട്ടര്‍പട്ടികയില്‍ പേരുചേര്‍ക്കുവാനുള്ള സൗകര്യങ്ങളും പ്രവാസി സംഘടനകള്‍ ഏര്‍പ്പെടുത്തിയിട്ടുണ്ട്. കെഎംസിസി, പ്രവാസി കോണ്‍ഗ്രസ്, പ്രവാസി സംഘം തുടങ്ങിയ സംഘടനകള്‍ വോട്ടര്‍മാരെ നാട്ടിലെത്തിയ്ക്കാന്‍ കിണഞ്ഞ് പരിശ്രമിയ്ക്കുകയാണ്. പത്ത് വിമാനങ്ങള്‍ വരെ ഇത്തവണത്തെ തിരഞ്ഞെടുപ്പിന് കേരളത്തിലേയ്ക്ക് പറക്കുമെന്നാണ് റിപ്പോര്‍ട്ട്.
2006ലെ നിയമസഭാ തിരഞ്ഞെടുപ്പ് മുതലാണ് പ്രത്യേക വിമാനങ്ങളില്‍ കൊണ്ടു വരുന്ന പതിവ് തുടങ്ങിയത്. പ്രവാസി വോട്ടവകാശം അനുവദിക്കുന്നത് വരെ ഇത് എന്തായാലും തുടരും എന്ന് ഉറപ്പാണ്.
മുസ്ലീം ലീഗിന്‍റെ നേതൃത്വത്തിലുള്ള പ്രവാസി സംഘടനയായ കേരളാ മുസ്ലിം കള്‍ച്ചറല്‍ സെന്ററി(കെഎംസിസി)ന്റെ നേതൃത്വത്തില്‍ നാല് വിമാനങ്ങളില്‍ 720 വോട്ടര്‍മാരെ നാട്ടിലെത്തിക്കാനുള്ള നടപടികള്‍ പുരോഗമിയ്ക്കുകയാണ്. വിമാനങ്ങള്‍ മേയ് 12നു നാട്ടിലെത്തുന്ന രീതിയിലാണു ഷെഡ്യൂള്‍ തയാറാക്കുന്നതെന്നു കെഎംസിസി നേതാക്കള്‍ അറിയിച്ചു.
വോട്ട് ചെയ്യാന്‍ തയാറെടുക്കുന്നവര്‍ അവധിക്കായി അപേക്ഷകള്‍ സമര്‍പ്പിച്ചു തുടങ്ങി. എയര്‍ഇന്ത്യയുടെ 180 സീറ്റുള്ള വിമാനങ്ങളാണു ചാര്‍ട്ടര്‍ ചെയ്യുന്നത്. ഇതിനായി വിമാനക്കമ്പനി അധികൃതരുമായി കെഎംസിസി ഭാരവാഹികള്‍ ചര്‍ച്ച നടത്തി. മുസ്ലിം ലീഗ് സ്ഥാനാര്‍ഥികള്‍ക്കു വോട്ട് അഭ്യര്‍ഥിച്ചുകൊണ്ടു കെഎംസിസി ഭാരവാഹികളുടെ ഓഡിയോ, വീഡിയോ സന്ദേശങ്ങള്‍ സോഷ്യല്‍ മീഡിയയില്‍ പ്രചരിപ്പിക്കുന്നുണ്ട്.
