ബിഷപ്പിന്റെ പരാമര്ശം കേരള സമൂഹത്തിനും ക്രൈസ്തവ പാരമ്പര്യങ്ങള്ക്കും ചേര്ന്നതല്ല:കാനം രാജേന്ദ്രന്
കോട്ടയം: പാലാ ബിഷപ്പ് മാര്ജോസഫ് കല്ലറക്കാട്ട് നടത്തിയ നാര്ക്കോട്ടിക് ജിഹാദ് പരാമര്ശം തള്ളി സി പി ഐ സംസ്ഥാന സെക്രട്ടറി കാനം രാജേന്ദ്രന്. മതഅധ്യക്ഷൻമാർ മാർപാപ്പയെ മാതൃകയാക്കണം. ബിഷപ്പ് മാര്ജോസഫ് കല്ലറക്കാട്ട് നടത്തിയ നാര്ക്കോട്ടിക് ജിഹാദ് പരാമര്ശം കേരള സമൂഹത്തിനും ക്രൈസ്തവ പാരമ്പര്യങ്ങള്ക്കും ചേര്ന്നതല്ല. കേരളത്തിൻ്റെ മതേതര മനസ്സ് ഇന്ത്യയ്ക്കു തന്നെ മാതൃകയാണ്. എന്നാല് ഇന്ത്യയിലെ ജനങ്ങളെ മതത്തിൻ്റെ അടിസ്ഥാനത്തില് ഭിന്നിപ്പിക്കുക എന്ന ലക്ഷ്യവുമായി രംഗത്തു വന്നിട്ടുള്ള ബിജെപിയ്ക്ക് ഊര്ജ്ജം പകരാന് ഉതകുന്ന പ്രസ്താവനയാണ് നിര്ഭാഗ്യവശാല് പാലാ ബിഷപ്പില് നിന്നുണ്ടായിരിക്കുന്നതെന്നും സി പി ഐ നേതാവ് ചൂണ്ടിക്കാട്ടുന്നു.
ക്രിസ്ത്യന് മതന്യൂനപക്ഷം ഉള്പ്പെടെയുള്ള ഇന്ത്യയിലെ ന്യൂനപക്ഷങ്ങള്ക്ക് എതിരെ സമൂഹത്തില് കെട്ടുകഥകള് പ്രചരിപ്പിക്കുക, വിഷലിപ്തമായ കള്ളപ്രചാരങ്ങള് അഴിച്ചുവിടുക എന്നത് സംഘപരിവാറിൻ്റെ അജണ്ടയാണ് ഇതിൻ്റെ ഭാഗമായി കേരളത്തിലെ മതസമൂഹങ്ങള് തമ്മിലുള്ള ഐക്യം തകര്ക്കുക എന്ന ലക്ഷ്യവുമായിട്ടാണ് മാര്ജോസഫ് കല്ലറക്കാട്ടിൻ്റെ പ്രസ്താവനയെ പിന്തുണച്ച് ബി ജെ പി രംഗത്തു വന്നിരിക്കുന്നത്. ഒറീസയിലെ ഖാണ്ഡമാലിൽ നിരപരാധികളായ ക്രിസ്തുമത വിശ്വാസികളെ ചുട്ടുകൊല്ലുമ്പോഴും ഭീകരമായി ആക്രമിക്കുമ്പോഴും ഉഡുപ്പിയിലെ ക്രിസ്ത്യന് ആരാധനാലയം ആക്രമിക്കപ്പെട്ടപ്പോഴും ഇപ്പോള് ഈ പ്രസ്താവനയ്ക്ക് പിന്തുണയുമായി രംഗത്തു സജീവമായി നിലയുറപ്പിച്ചിരിക്കുന്നു.
ബി ജെ പി എന്ന രാഷ്ട്രീയ പ്രസ്ഥാനത്തിൻ്റെ അന്നത്തെ നിലപാടുകള് ഈ അവസരത്തില് ഓര്ക്കുന്നത് നന്നായിരിക്കും. മതനേതാക്കളുടെ നാവുകളില് നിന്ന് വിഭജനം ഉണ്ടാകുന്നതരത്തിലുള്ള പ്രസ്താവനകള് ഉണ്ടാകരുതെന്ന് ഫ്രാന്സിസ് മാര്പ്പാപ്പയുടെ മാര്ഗ്ഗനിര്ദ്ദേശങ്ങള് ഇത്തരുണത്തില് അഭിവന്ദ്യരായ മതമേലദ്ധ്യക്ഷന്മാര് സ്മരിക്കേണ്ടാതാണ്. കേരളത്തിലെ ക്രൈസ്തവ സമൂഹത്തിന് എക്കാലവും മതനിരപേക്ഷതയ്ക്കും മത സൗഹാര്ദ്ദത്തിനും വേണ്ടി നിലകൊണ്ട പാരമ്പര്യമാണുള്ളത്.
മതമേലദ്ധ്യക്ഷന്മാര് വിഭജനത്തിൻ്റെ സന്ദേശമല്ല നല്കേണ്ടത്. സ്നേഹത്തിൻ്റെയും സൗഹാര്ദ്ദത്തിൻ്റെയും സാന്ത്വനത്തിൻ്റെയും നല്ലവാക്കുകളാണ് മതമേലദ്ധ്യക്ഷന്മാരില് നിന്നും പൊതു സമൂഹം പ്രതീക്ഷിക്കുന്നത്. ഇതേക്കുറിച്ചുള്ള എല്ലാ വിവാദങ്ങളും അവസാനിപ്പിക്കാനും മതസൗഹാര്ദ്ദ ത്തിൻ്റെയും മതനിരപേക്ഷതയുടെയും സന്ദേശം ഉയര്ത്തിപ്പിടിക്കാന് ബന്ധപ്പെട്ട എല്ലാപേരോടും അഭ്യര്ത്ഥിക്കുന്നുവെന്നും കാനം രാജേന്ദ്രന് കൂട്ടിച്ചേര്ത്തു.
അമ്മയാകാന് പോകുന്ന സന്തോഷം; എസ്കേപ്പിലെ ചിത്രങ്ങള് പങ്കുവച്ച് ഗായത്രി സുരേഷ്
അതേസമയം, പാലാ ബിഷപ്പ് മാർ ജോസഫ് കല്ലറങ്ങാട്ടിനെതിരെ സിറോ മലബാർ സഭ മുൻ വക്താവ് പോൾ തേലക്കാട്ടും ഇന്ന് രംഗത്ത് എത്തി. ജിഹാദിന്റെ രണ്ട് മുഖങ്ങൾചരിത്രം ആണോ അദ്ദേഹത്തിന്റെ സങ്കല്പം ആണോ എന്ന് ഉറപ്പില്ലെന്ന് ഫാദർ പോൾ തേലക്കാട്ടിൽ പറഞ്ഞു. ചരിത്രം ആണെങ്കിൽ അധികാരികളെ കൊണ്ട് നടപടിയെടുപ്പിക്കാൻ കഴിവില്ലാത്ത നിസ്സാരനല്ല ബിഷപ്പെന്നും പോൾ തേലക്കാട്ടിൽ അഭിപ്രായപ്പെട്ടു.
അതിനിടെ കോൺഗ്രസിൽ നിന്നുള്ള കൊഴിഞ്ഞ് പോക്ക് സംബന്ധിച്ചും മുഖ്യമന്ത്രി പ്രതികരിച്ചു. കോൺഗ്രസ് തകര്ന്ന് കൊണ്ടിരിക്കുന്നന്ന കൂടാരമാണെന്ന് മുഖ്യമന്ത്രി പറഞ്ഞു. പരസ്യമായി ബിജെപിയിലേക്ക് പോവും എന്ന് പറഞ്ഞ പല നേതാക്കളും ഉണ്ട്. ബിജെപി നമ്മുടെ രാജ്യത്ത് സ്വീകരിക്കുന്ന നയം അത് രാജ്യത്തിന്റെ തകര്ച്ചക്ക് വഴി വെക്കുന്നതാണ്. ഇത് എല്ലാ മൂല്യങ്ങള്ക്കും എതിരായുള്ള നിപാടുകളാണ്. ഇത്തരത്തില് രാജ്യത്തെ തകര്ച്ചയിലേക്ക് നയിക്കുന്ന ബിജെപിയെ ആ രീതിയില് കണ്ട് കൊണ്ട് നേരിടാനല്ല കോണ്ഗ്രസ് തയ്യാറാവുന്നത് .. ഇത് കോണ്ഗ്രസിന് അകത്തുള്ളവര്ക്കും അറിയാം. ഇത്തരം കാര്യങ്ങളില് വിട്ടുവീഴ്ചയില്ലാത്ത നിലപാടുകള് സ്വീകരിക്കുന്നത് ഇടതു പക്ഷമാണ്. ഇത്തരത്തില് ഒരു നല്ല മാറ്റം ഇപ്പോള് പ്രകടമായിട്ടുണ്ട്. ഇന്നലത്തോടു കൂടി പ്രധാനികള് തീര്ന്നു എന്നാണ്. എന്നാല് ഇന്ന് മറ്റൊരു പ്രധാനി വന്നു, നാളെ എന്താണ് എന്ന് നാളെയെ മനസ്സിലാക്കേന് പറ്റൂവെന്നും മുഖ്യമന്ത്രി പറഞ്ഞു.
Click it and Unblock the Notifications
Sign in with Google