Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കാലിക്കറ്റ് വൈസ് ചാന്‍സലര്‍ രാജിക്ക്
തിരുവനന്തപുരം: കാലിക്കറ്റ് സര്‍വ്വകലാശാല വൈസ് ചാന്‍സലര്‍ എം അബ്ദുള്‍ സലാം രാജി സന്നദ്ധത അറിയിച്ചതായി റിപ്പോര്‍ട്ട്. നല്ല രീതിയില്‍ പ്രവര്‍ത്തിക്കാന്‍ അനുവദിച്ചില്ലെങ്കില്‍ പുറത്തുപോകാമെന്നാണ് വൈസ് ചാന്‍സലര്‍ വ്യക്തമാക്കുന്നത്.
സര്‍വ്വകലാശാല സ്തംഭനത്തിന് കാരണക്കാരന്‍ താനാണെങ്കില്‍ മാറി നില്‍ക്കാന്‍ തയ്യാറാണെന്നാണ് അബ്ദുള്‍ സലാം മുഖ്യമന്ത്രിയെ അറിയിച്ചത്. അല്ലാത്ത പക്ഷം തനിക്ക് പ്രവര്‍ത്തന സ്വാതന്ത്ര്യം നല്‍കണം എന്ന് വൈസ് ചാന്‍സലര്‍ മുഖ്യമന്ത്രിയോട് ആവശ്യപ്പെട്ടു. വിഷയം വിദ്യാഭ്യാസമന്ത്രിയുമായി സംസാരിച്ച് പരിഹരിക്കാമെന്ന് മുഖ്യമന്ത്രി ഉറപ്പ് നല്‍കിയതായും റിപ്പോര്‍ട്ടുകളുണ്ട്.
കക്ഷി രാഷ്ട്രീയത്തിനതീതമായി കാലിക്കറ്റ് സര്‍വ്വകലാശാല സിന്‍ഡിക്കേറ്റ് വൈസ് ചാന്‍സലര്‍ക്കെതിരെയാണ് ഇപ്പോള്‍. മുസ്ലീം ലീഗിന്റെ നോമിനിയായാണ് അബ്ദുള്‍സലാം കാലിക്കറ്റ് സര്‍വ്വകലാശാല വൈസ് ചാന്‍സലറായി സ്ഥാനമേറ്റത്.
കഴിഞ്ഞ കുറേ നാളുകളായി കാലിക്കറ്റ് സര്‍വ്വകലാശാലയില്‍ സമരങ്ങളുടെ തുടര്‍ക്കഥയാണ്. എസ്എഫ്ഐ, എംഎസ്എഫ്, കെഎസ് യു തുടങ്ങിയ എല്ലാ സംഘടനകളും വ്യത്യസ്ത സമരങ്ങളുമായി രംഗത്ത് വന്നിരുന്നു. എസ്എഫ്‌ഐയുടെ സമരം ഇപ്പോഴും തുടരുകയാണ്.
വൈസ് ചാന്‍സലറുടെ നിയമനം മുതലേ കാലിക്കറ്റ് സര്‍വ്വകലാശാല വിവാദത്തിലാണ്. വിസിയുടെ യോഗ്യത സംബന്ധിച്ചും, ചട്ടവിരുദ്ധമായി പ്രതിഫലം പറ്റുന്നതും ഏറെ വിവാദങ്ങള്‍ക്ക് വഴിവച്ചു. വിസി ഏകാധിപത്യ ഭരണമാണ് നടത്തുന്നത് എന്നും ആക്ഷേപം ഉയര്‍ന്നു. ജനാധിപത്യ വിരുദ്ധമായി ഭരണപരിഷ്കാരങ്ങള്‍ ഏര്‍പ്പെടുത്തിയെന്നും ആക്ഷേപം ഉയര്‍ന്നു.
സമരം ചെയ്യുന്ന വിദ്യാര്‍ത്ഥികളുമായി ചര്‍ച്ച ചെയ്യാന്‍ പോലും വൈസ് ചാന്‍സലര്‍ തയ്യാറാകുന്നില്ലെന്നാണ് സിന്‍ഡിക്കേറ്റ് അംഗങ്ങള്‍ പോലും ആരോപിക്കുന്നത്. എന്നാല്‍ വിദ്യാര്‍ത്ഥി സമരങ്ങള്‍ സിന്‍ഡിക്കേറ്റ് സ്‌പോണ്‍സര്‍ ചെയ്യുന്നതാണെന്നാണ് വിസി ആരോപിക്കുന്നത്.
