സിനിമ മേഖലയിൽ മാത്രമല്ല പ്രതിസന്ധി; ടിപിആർ കുറഞ്ഞ ശേഷം ചിത്രീകരണം സംബന്ധിച്ച് തീരുമാനമെന്ന് സജി ചെറിയാൻ
സിനിമ മേഖലയിൽ മാത്രമല്ല പ്രതിസന്ധി; ടിപിആർ കുറഞ്ഞ ശേഷം ചിത്രീകരണം സംബന്ധിച്ച് തീരുമാനമെന്ന് സജി ചെറിയാൻ
കൊച്ചി: കോവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് ഏർപ്പെടുത്തിയിരിക്കുന്ന നിയന്ത്രണങ്ങൾ മൂലം സിനിമ ചിത്രീകരണം ഉൾപ്പടെ മുടങ്ങിയിരിക്കുകയാണ്. ഈ സാഹചര്യത്തിലാണ് കേരളത്തിൽ നിന്നും ഷൂട്ടിങ് അയൽസംസ്ഥാനങ്ങളിലേക്ക് മാറ്റാൻ അണിയറ പ്രവർത്തകർ തീരുമാനിച്ചത്. എന്നാൽ ടിപിആർ കുറയാതെ തത്ക്കാലം ചിത്രീകരണം അനുവദിക്കാൻ സാധിക്കില്ലെന്ന നിലപാടിൽ തന്നെയാണ് സർക്കാർ.
അതിസുന്ദരിയായി ആൻ അഗസ്റ്റിൻ; വൈറലായി ചിത്രങ്ങൾ
സിനിമ മേഖലയിൽ മാത്രമല്ല എല്ലാ മേഖലകളിലും പ്രതിസന്ധിയുണ്ടെന്ന് സിനിമ, സാംസ്കാരിക മന്ത്രി സജി ചെറിയാൻ പറഞ്ഞു. അതേസമയം സിനിമാ ചിത്രീകരണം ഉൾപ്പെടെ എല്ലാ കാര്യങ്ങളിലും ചലച്ചിത്ര സംഘടനകളുമായി ചർച്ച നടത്താൻ തയ്യാറാണെന്നും, ഇക്കാര്യത്തിൽ ടിപിആർ കുറഞ്ഞ ശേഷം ആലോചിച്ച് തീരുമാനമെടുക്കാമെന്നും മന്ത്രി വ്യക്തമാക്കി. ഇളവുകൾ തനിക്ക് അനുവദിക്കാൻ സാധിക്കുന്നതല്ലെന്നും തീരുമാനമെടുക്കേണ്ടത് സർക്കാരണെന്നും അദ്ദേഹം കൂട്ടിച്ചേർത്തു.
Recommended Video
ആളുകളുടെ ജീവൻ രക്ഷിക്കലാണ് സർക്കാരിന്റെ ലക്ഷ്യം. തെലങ്കാന നല്ല സ്ഥലമാണെങ്കിൽ അവിടെ ചിത്രീകരണം നടത്തട്ടെയെന്ന് പറഞ്ഞ അദ്ദേഹം വ്യാപാരികളോടും സിനിമക്കാരോടും സർക്കാരിനോട് വിരോധമില്ലെന്നും വ്യക്തമാക്കി. ഷൂട്ടിംഗിന് അനുമതി നൽകണമെന്ന ആവശ്യവും ചിത്രീകരണം മറ്റ് സംസ്ഥാനങ്ങളിലേക്ക് മാറ്റുന്ന വിഷയവും സർക്കാർ ഇന്ന് മന്ത്രിസഭാ യോഗത്തിൽ ചർച്ച ചെയ്യുന്നുണ്ട്.
സിനിമാ ചിത്രീകരണം ഉടൻ പുനരാരംഭിക്കാൻ അനുമതി നൽകണമെന്നാവശ്യപ്പെട്ട് മലയാള സിനിമയിലെ സാങ്കേതിക പ്രവർത്തകരുടെ സംഘടനയായ ഫെഫ്ക മുഖ്യമന്ത്രിക്ക് കത്തയച്ചിരുന്നു.പൃഥ്വിരാജ് സംവിധാനം ചെയ്യുന്ന, മോഹൻലാൽ നായകനാവുന്നതുൾപ്പെടെയുള്ള ഏഴോളം സിനിമകളാണ് തെലുങ്കാനയിലേക്കും തമിഴ്നാട്ടിലേക്കും ചിത്രീകരണത്തിനായി പോകുന്നത്. കേരളത്തിലെ തൊഴിലാളികൾക്ക് തൊഴിൽ നഷ്ടമാകുന്ന സാഹചര്യമാണുള്ളതെന്നും കത്തിൽ പറയുന്നു.