നിക്ഷേപവും കുറിപ്പിരിവും നടത്തിയ ചിട്ടി സ്ഥാപന ഉടമകൾ ഒടുവിൽ ചെയ്തത്!!ഞെട്ടൽ മാറാതെ നിക്ഷേപകർ!!
ചിട്ടി നൽകിയിരുന്നവരും നിക്ഷേപം നടത്തിയിരുന്നവരുമായ നിരവധി പേരാണ് പോലീസിൽ പരാതി നൽകിയിരിക്കുന്നത്.
കൊടുങ്ങല്ലൂർ: നിരവധി പേരിൽ നിന്ന് നിക്ഷേപവും കുറിപ്പിരിവും നടത്തിയ ചിട്ടി സ്ഥാപന ഉടമകൾ ഒടുവിൽ കോടികളുമായി മുങ്ങി. എറണാകുളം, തൃശൂർ, കൊല്ലം ജില്ലകളിലെ തീരദേശം കേന്ദ്രീകരിച്ച് പ്രവർത്തിച്ചു വരികയായിരുന്ന ചിട്ടി സ്ഥാപനമായ തത്വമസിയുടെ പതിനാറോളം ബ്രാഞ്ചുകളാണ് തിങ്കളാഴ്ച മുതൽ അടഞ്ഞു കിടക്കുന്നത്. മാതൃഭൂമിയാണ് വാർത്ത റിപ്പോർട്ട് ചെയ്തിരിക്കുന്നത്.
നിരവധി പേർ പരാതിയുമായി എത്തിയതിനെ തുടർന്ന് സ്ഥാപനത്തിന്റെ ചില ഓഫീസുകൾ പോലീസ് അടച്ചു പൂട്ടിയിരുന്നു. ചെറായി സ്വദേശി കിഷോർ എന്നയാളുടെ ഉടമസ്ഥതയിലുള്ളതാണ് സ്ഥാപനം. കുറി വട്ടമെത്തിയവർക്കും നിക്ഷേപ കാലാവധി അവസാനിച്ചവർക്കും തിങ്കളാഴ്ച പണം നൽകാമെന്നായിരുന്നു ഉടമ പറഞ്ഞിരുന്നത്.

പരാതിയുമായി നിരവധി പേർ
ചിട്ടി നൽകിയിരുന്നവരും നിക്ഷേപം നടത്തിയിരുന്നവരുമായ നിരവധി പേരാണ് പോലീസിൽ പരാതി നൽകിയിരിക്കുന്നത്. 200 ഓളം പേരാണ് മതിലകത്ത് പരാതി നൽകിയിരിക്കുന്നത്. നാട്ടികയിലും നിരവധി പേർ പരാതി നൽകിയിട്ടുണ്ട്.

കോടികളുടെ തട്ടിപ്പ്
നിക്ഷേപവും കുറിയുമായി നൂറുകോടിയിലധികം രൂപ തട്ടിയെടുത്തതായാണ് പരാതി. പതിനായിരം മുതൽ മൂന്നുലക്ഷം വരെ കുറി വച്ചവരും ഒന്നു മുതൽ എട്ട് ലക്ഷം വരെ ഉയർന്ന പലിശയ്ക്ക് സ്ഥിര നിക്ഷേപം നടത്തിയവരുമാണ് പരാതിയുമായി എത്തിയിരിക്കുന്നത്.

വിവരം ഇല്ല
ഉടമയുടെ ചെറായിയിലെ വീട്ടിൽ അന്വേഷിച്ചെങ്കിലും വിവരങ്ങളൊന്നും ലഭിച്ചില്ല. ഇയാളുടെ ഫോൺ സ്വിച്ച് ഓഫ് ആണ്.

കുടുങ്ങിയത് ജീവനക്കാർ
അതേസമയം ഇവിടത്തെ ജീവനക്കാരാണ് ഇപ്പോൾ കുടുങ്ങിയിരിക്കുന്നത്. ഓരോ ശാഖയും കേന്ദ്രീകരിച്ച് പണം പിരിക്കുന്നതിനായി വനിതകളെ ആകര്ഷകമായ ശമ്പളം നൽകിയാണ് നിയോഗിച്ചിരിക്കുന്നത്. ഇവരിൽ പലരും സ്വന്തക്കാരെയും സുഹൃത്തുക്കളെയും കുറി ചേർക്കുകയും നിക്ഷേപതരാക്കുകയും ചെയ്തിരുന്നു.

പരാതികൾ പരിശോധിച്ചു വരുന്നു
സംഭവവുമായി ബന്ധപ്പെട്ട പരാതികൾ പരിശോധിച്ച് വരികയാണെന്നാണ് പോലീസ് പറയുന്നത്. വിശദമായ പരിശോധനകൾക്ക് ശേഷം കേസെടുത്ത് അന്വേഷണം ആരംഭിക്കുമെന്നും പോലീസ് പറയുന്നു.

സ്ഥാപനങ്ങൾ അടച്ചു പൂട്ടി
അതേസമയം പരാതി ഉയർന്നതിനെ തുടർന്ന് മേത്തല അഞ്ചപ്പാലത്തെ ഓഫീസ് പോലീസ് അടച്ചു പൂട്ടി. ഓഫീസ് പോലീസ് സീൽ ചെയ്തിട്ടുണ്ട്. മതിലകം പുതിയ കാവിലെ ഓഫീസിലും പൂട്ടി.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ












Click it and Unblock the Notifications