കോവിഡ് കേസുകള് താഴേക്ക് തന്നെ: കഴിഞ്ഞ 24 മണിക്കൂറില് 22,270 രോഗികള് മാത്രം
ദില്ലി: കഴിഞ്ഞ 24 മണിക്കൂറിനുള്ളില് ഇന്ത്യയില് പുതുതായി കോവിഡ് ബാധ സ്ഥിരീകരിച്ചത് 22,270 പേര്ക്ക്. നിലവില് ആകെ 2,53,739 പേരാണ് ചികിത്സയിലുള്ളത്. രാജ്യത്തെ ആകെ രോഗബാധിതരുടെ 0.59ശതമാനം മാത്രമാണ് ഇപ്പോള് ചികിത്സയിലുള്ളത്. കഴിഞ്ഞ 24 മണിക്കൂറിനുള്ളില് 60,298 പേര് സുഖം പ്രാപിച്ചതോടെ രാജ്യത്താകെ ഇതുവരെ കോവിഡ് മുക്തരായവരുടെ എണ്ണം 4,20,37,536ആയി. 98.21% ആണ് ദേശീയ രോഗമുക്തി നിരക്ക്.
രാജ്യത്തെ പരിശോധനാശേഷി തുടര്ച്ചയായി വര്ധിപ്പിക്കുകയാണ്. കഴിഞ്ഞ 24 മണിക്കൂറിനുള്ളില് 12,35,471 പരിശോധനകള് നടത്തി. ആകെ 75.81 കോടിയിലേറെ (75,81,27,480) പരിശോധനകളാണ് ഇന്ത്യ ഇതുവരെ നടത്തിയത്. രാജ്യത്തുടനീളം പരിശോധനാശേഷി വര്ദ്ധിപ്പിച്ചപ്പോഴും പ്രതിവാര രോഗസ്ഥിരീകരണ നിരക്ക് 2.50 ശതമാനമാണ്. പ്രതിദിന രോഗസ്ഥിരീകരണ നിരക്ക് 1.80 ശതമാനമാണ്.
കഴിഞ്ഞ 24 മണിക്കൂറിനിടെ നല്കിയ 36.28 ലക്ഷത്തിലധികം (36,28,578) ഡോസുള്പ്പെടെ, ഇന്നു രാവിലെ 7 വരെയുള്ള കണക്കനുസരിച്ച് ഇന്ത്യയിലെ കോവിഡ്-19 പ്രതിരോധ കുത്തിവയ്പുകളുടെ എണ്ണം 175.03 കോടി (1,75,03,86,834) പിന്നിട്ടു. 1,98,09,200 സെഷനുകളിലൂടെയാണ് ഈ നേട്ടം കൈവരിച്ചത്.
മഞ്ജു വാര്യറുടെ പ്രിയദർശിനിയായി നയന്താര: വൈറലായി ഗോഡ്ഫാദറിലെ ഫസ്റ്റ് ലുക്ക്
അതേസമയം, ഡെൽറ്റ, ഒമൈക്രോൺ സ്ട്രെയിനുകൾ കണ്ടെത്തിയ "മിക്സഡ് ഇൻഫെക്ഷനുകളുടെ" ചില കേസുകൾ ഇന്ത്യയില് കണ്ടെത്തിയിട്ടുണ്ടെന്ന റിപ്പോർട്ടുകളും പുറത്ത് വരുന്നുണ്ട്. സോഴ്സുകളെ ഉദ്ധരിച്ച് എക്കണോമിക് ടൈംസ് ആണ് ഇത്തരമൊരു റിപ്പോർട്ട് പുറത്ത് വിട്ടത്. ഇന്ത്യയിൽ ജീനോം സീക്വൻസിങ്ങിനായി ചുമതലപ്പെടുത്തിയ കൺസോർഷ്യമായ ഇൻസാകോഗ് സ്ഥിതിഗതികൾ അവലോകനം ചെയ്യാൻ വെള്ളിയാഴ്ച യോഗം ചേരുകയും ചെയ്തിരുന്നു.
ചില രാജ്യങ്ങളിൽ കണ്ടുവരുന്ന പുതിയ ഡെൽറ്റാക്രോൺ വേരിയന്റ് ഇന്ത്യയിൽ ഇതുവരെ കണ്ടെത്തിയിട്ടില്ല. എന്നിരുന്നാലും, ഡെൽറ്റ, ഒമൈക്രോൺ വേരിയന്റുകൾ കാരണം ചില മിശ്രിത അണുബാധകൾ ഉണ്ടായിട്ടുണ്ടെന്നാണ് ഇൻസാകോഗ് അംഗം പറയുന്നത്. ഇന്ത്യൻ പശ്ചാത്തലത്തിൽ ഡെൽറ്റാക്രോണിന്റെ സംഭവവികാസത്തെക്കുറിച്ച് ഇൻസാകോഗ് വളരെ സൂക്ഷ്മമായി നിരീക്ഷിച്ച് വരികയാണെന്നും അദ്ദേഹം വ്യക്തമാക്കി. "സ്ട്രെയിൻ വ്യക്തമല്ലാത്ത ചില കേസുകളുണ്ട്, ആഴത്തിലുള്ള വിശകലനത്തിൽ ഒമിക്റോണിന്റെയും ഡെൽറ്റ വൈറസിന്റെയും കോ-ഇൻഫെക്ഷൻ കണ്ടു," അംഗം പറഞ്ഞു.
ഇൻസാകോഗ് അതിന്റെ ജാഗ്രത ശക്തമാക്കാനും ഓരോ ആഴ്ചയും കുറഞ്ഞത് 10,000 കേസുകളുടെ ജീനോം സീക്വൻസിങ് നടത്താനും തീരുമാനിച്ചു. "രാജ്യത്ത് കോവിഡ് -19 എങ്ങനെ പെരുമാറുന്നുവെന്നും പാറ്റേണും മനസിലാക്കാൻ, ജീനോം സീക്വൻസിങ് മെച്ചപ്പെടുത്തിയിട്ടുണ്ട്," അദ്ദേഹം കൂട്ടിച്ചേർത്തു. ഒരു വ്യക്തിക്ക് SARS-CoV-2 ന്റെ വിവിധ വകഭേദങ്ങൾ ബാധിക്കാൻ സാധ്യതയുണ്ടെന്ന് ലോകാരോഗ്യ സംഘടന നേരത്തെ തന്നെ വ്യക്തമാക്കിയിരുന്നു.
Click it and Unblock the Notifications
Sign in with Google