എ എ റഹീം രാജ്യസഭയിലേക്ക്; സിപിഎം സ്ഥാനാര്ത്ഥിയാകും
തിരുവനന്തപുരം: കേരളത്തില് ഒഴിവ് വരുന്ന രാജ്യസഭാ സീറ്റില് സി പി ഐ എമ്മില് നിന്ന് എ എ റഹീം മത്സരിക്കും. സി പി ഐ എം സംസ്ഥാന കമ്മിറ്റിയുടേതാണ് തീരുമാനം. ഡി വൈ എഫ് ഐ അഖിലേന്ത്യാ പ്രസിഡന്റാണ് എ എ റഹീം. സംസ്ഥാന സെക്രട്ടറിയായിരുന്ന റഹീം പി എ മുഹമ്മദ് റിയാസ് മന്ത്രിയായതോടെയാണ് അഖിലേന്ത്യാ അധ്യക്ഷ സ്ഥാനം ഏറ്റെടുത്തത്. സി പി ഐ എം സംസ്ഥാന കമ്മിറ്റി അംഗമായ റഹീം നല്ല പ്രാസംഗികനും ചാനല് ചര്ച്ചകളിലെ സി പി ഐ എം മുഖവുമാണ്.
റഹീമിനെ കൂടാതെ എ വിജയരാഘവന്, വി പി സാനു, ചിന്ത ജെറോം എന്നിവരുടെ പേരുകളാണ് സി പി ഐ എമ്മിലുണ്ടായിരുന്നത്. ദല്ഹി കേന്ദ്രീകരിച്ച് പ്രവര്ത്തിക്കുന്ന റഹീമിന് നേരത്തെ തന്നെ സാധ്യത കല്പ്പിക്കപ്പെട്ടിരുന്നു. യുവാക്കളെ പരിഗണിക്കാനും തീരുമാനിച്ചതോടെ റഹീമിലേക്ക് സി പി ഐ എമ്മിന്റെ ഓപ്ഷന് എത്തുകയായിരുന്നു. കേരളത്തില് മൂന്ന് സീറ്റാണ് രാജ്യസഭയിലേക്ക് ഒഴിവ് വരുന്നത്. ഇതില് രണ്ട് സീറ്റില് എല് ഡി എഫും ഒരു സീറ്റില് യു ഡി എഫുമാണ് മത്സരിക്കുക.
എല് ഡി എഫില് ഒഴിവ് വരുന്ന സീറ്റുകള് സി പി ഐ എമ്മിനെ കൂടാതെ സി പി ഐ ആണ് മത്സരിക്കുന്നത്. കഴിഞ്ഞ ദിവസം ചേര്ന്ന എല് ഡി എഫ് യോഗത്തിലാണ് ഇത് സംബന്ധിച്ച ധാരണയായത്. യോഗത്തില് സീറ്റ് സി പി ഐക്ക് നല്കണമെന്ന നിലപാട് മുഖ്യമന്ത്രി പിണറായി വിജയനും സ്വീകരിച്ചിരുന്നു. കണ്ണൂര് ജില്ലാ സെക്രട്ടറി പി സന്തോഷ് കുമാറാണ് സി പി ഐയുടെ രാജ്യസഭ സ്ഥാനാര്ത്ഥിയാകുന്നത്.
നേരത്തെ എല് ഡി എഫിലെ മറ്റ് കക്ഷികളും രാജ്യസഭ സീറ്റിനായി രംഗത്തുണ്ടായിരുന്നു. എല് ജെ ഡി, ജനതാദള് (എസ്), എന് സി പി എന്നിവരാണ് സീറ്റിനായി ഒരു സീറ്റില് അവകാശവാദം ഉന്നയിച്ച് രംഗത്തെത്തിയത്. എല് ജെ ഡി നേതാവ് വീരേന്ദ്രകുമാര് എല് ഡി എഫിലേക്ക് വന്നപ്പോള് നല്കിയ സീറ്റാണ് സി പി ഐയ്ക്ക് നല്കിയത്. വീരേന്ദ്ര കുമാര് അന്തരിച്ചപ്പോള് മകനായ ശ്രേയാംസ് കുമാറിന് സീറ്റ് കൈമാറുകയായിരുന്നു.
തെരഞ്ഞെടുപ്പ് തീരുമാനിച്ചതോടെ ഒരു എം എല് എ മാത്രമുള്ള എല് ജെ. ഡിക്ക് വീണ്ടും സീറ്റ് നല്കേണ്ടതില്ല എന്ന നിലപാടാണ് സി പി ഐ എം തീരുമാനിച്ചത്. എല് ഡി എഫ് യോഗം കഴിഞ്ഞതിന് പിന്നാലെ ചേര്ന്ന സി പി ഐ നിര്വ്വാഹക സമിതി യോഗത്തിലാണ് അഡ്വ. പി സന്തോഷ് കുമാറിന്റെ പേര് നിര്ദേശിച്ചത്. എ ഐ വൈ എഫ് ദേശീയ ജനറല് സെക്രട്ടറിയും പ്രസിഡന്റുമായിരുന്നു സന്തോഷ് കുമാര്. അതേസമയം കോണ്ഗ്രസ് തങ്ങളുടെ സ്ഥാനാര്ത്ഥി ആരെന്ന് ഇതുവരെ പ്രഖ്യാപിച്ചിട്ടില്ല.
എ കെ ആന്റണിയുടെ ഒഴിവ് വന്ന സീറ്റില് മുതിര്ന്ന നേതാക്കളെ മത്സരിപ്പിക്കണമെന്നാണ് ഒരു വിഭാഗം നേതാക്കളുടെ ആവശ്യം. നിലവില് മുന് എംപി കൂടിയായ കെ വി തോമസ് ഉള്പ്പെടെ സീറ്റിനായി ആവശ്യം ഉന്നയിച്ച് രംഗത്തെത്തിയിട്ടുണ്ട്.ന എം എം ഹസനെ രാജ്യസഭയിലേക്ക് അയച്ച് കെ സി ജോസഫിനെ യു ഡി എഫ് കണ്വീനറാക്കണമെന്ന നിര്ദ്ദേശങ്ങളും കോണ്ഗ്രസില് ശക്തമാണ്.
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
മുഖ്യമന്ത്രിയുടെ 'ചെറ്റത്തരം' പരാമർശം: മറുപടിയുമായി ജി. സുധാകരൻ; വിവാദം പുകയുന്നു -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..!
Click it and Unblock the Notifications
Sign in with Google