കൊച്ചിയില് ഇടതിന് അടിപതറാന് സാധ്യത
കൊച്ചി: പലപ്പോഴും ഇടതിനേയും വലതിനേയും മാറിമാറി പരീക്ഷിച്ച ചരിത്രമാണ് എറണാകുളം മണ്ഡലത്തിനുള്ളത്. ഇടതുമുന്നണിക്ക് വേണ്ടി 2004 ല് സെബാസ്റ്റ്യന് പോള് പിടിച്ചെടുത്ത മണ്ഡലം പക്ഷേ 2009 ല് പ്രൊഫ കെവി തോമസ് തിരിച്ചുപിടിക്കുകയായിരുന്നു.
2009 ല് പക്ഷേ എറണാകുളത്ത് കോണ്ഗ്രസിന്റെ വിജയം അത്ര എളുപ്പമായിരുന്നില്ല. സിന്ധു ജോയ് എന്ന എസ്എഫ്ഐ നേതാവിനെ രംഗത്തിറക്കി പരീക്ഷിച്ച സിപിഎം നല്ല മത്സരമാണ് കാഴ്ചവച്ചത്. കേരളം മൊത്തം ഇടതുവിരുദ്ധ തരംഗം ആഞ്ഞടിച്ചപ്പോഴും കെവി തോമസിന് പുതുമുഖമായ സിന്ധു ജോയിക്കെതിരെ നേടാനായത് വെറും 11,790 വോട്ടിന്റെ ഭൂരിപക്ഷം മാത്രം. മണ്ഡലത്തില് അന്ന് സിപിഎമ്മിനോട് അത്രക്ക് വിമുഖതയുണ്ടായിരുന്നില്ലെന്ന് സാരം.
എന്നാല് 2011ലെ നിയമസഭാ തിരഞ്ഞെടുപ്പില് കാര്യങ്ങള് വീണ്ടും മാറി. സിപിഎമ്മിന്റെ ശക്തി കേന്ദ്രങ്ങള് പോലും യുഡിഎഫിനൊപ്പം നിന്നു. ലോക്സഭ മണ്ഡലത്തിലെ ഏഴ് നിയമസഭ മണ്ഡലങ്ങളില് ആറിലും യുഡിഎഫ് വിജയക്കൊടി പാറിച്ചു. വൈപ്പിന് മണ്ഡലത്തില് എസ് ശര്മ നേടിയ വിജയം മാത്രമായിരുന്നു സിപിഎമ്മിന് ആശ്വാസം.
കഴിഞ്ഞ ലോക്സഭ തിരഞ്ഞെടുപ്പില് കെവി തോമസിനേക്കാള് സിപിഎം വോട്ട് പിടിച്ച മണ്ഡലങ്ങളായിരുന്നു തൃപ്പൂണിത്തുറയും, തൃക്കാക്കരയും പറവൂരും. ഈ മൂന്ന് മണ്ഡലങ്ങളിലും സിപിഎം സ്ഥാനാര്ത്ഥികള് തോറ്റമ്പുന്ന കാഴ്ചയാണ് നിയമസഭാ തിരഞ്ഞെടുപ്പില് കണ്ടത്. തൃപ്പൂണിത്തുറയിലും തൃക്കാക്കരയിലും യുഡിഎഫ് സ്ഥാനാര്ത്ഥികള് നേടിയ ഭൂരിപക്ഷം ലോക്സഭ തിരഞ്ഞെടുപ്പില് കെവി തോമസ് നേടിയതിനേക്കാള് അധികമായിരുന്നു. പറവൂരില് ഏതാണ്ട് തുല്യവും.
സിപിഎമ്മിന് ആകെ നേടാനായ വൈപ്പിന് മണ്ഡലത്തില് കാര്യമായ ഭൂരിപക്ഷവും സ്വന്തമാക്കാന് കഴിഞ്ഞില്ല. കഴിഞ്ഞ തവണ ആറ് മണ്ഡലങ്ങളില് യുഡിഎഫ് നേടിയ ലീഡ് 1,06,262 വോട്ടുകളാണ്.
കേന്ദ്രമന്ത്രിയായി നടത്തിയ പ്രകടനവും കൊച്ചി മെട്രോയും ഭക്ഷ്യസുരക്ഷാ ബില്ലും ഒക്കെ മുന് നിര്ത്തിയാണ് ഇത്തവണ കെവി തോമസിന്റെ പ്രചാരണം. എന്നാല് മണ്ഡലത്തെ സംബന്ധിച്ച് തീര്ത്തും അപരിചിതനായ ക്രിസ്റ്റി ഫെര്ണാണ്ടസിനെ രംഗത്തിറക്കിയാണ് സിപിഎം പരീക്ഷണം നടത്തുന്നത്.
ക്രിസ്ത്യന് വോട്ടുകള്ക്ക് നിര്ണായക സ്വാധീനമുള്ള മണ്ഡലമാണ് എറണാകുളം. സിപിഎം പാര്ട്ടി ചിഹ്നത്തില് ആളെ നിര്ത്തിയാല് ക്രിസ്റ്റ്യന് വോട്ടുകള് ലഭിക്കില്ലെന്ന ഭയമാണ് പലപ്പോഴും എറണാകുളത്ത് ഇടത് സ്വതന്ത്രരെ പരീക്ഷിക്കുന്നതിനുള്ള കാരണം. ഇത്തവണത്തെ സ്ഥാനാര്ത്ഥി ക്രിസ്റ്റി ഫെര്ണാണ്ടസിന് സിപിഎം ലേബല് ഇല്ല എന്നതാണ് പാര്ട്ടി ഗുണകരമായി കാണുന്നത്. സഭയുടെ പിന്തുണ നേടിയെടുക്കാനായാല് ക്രിസ്റ്റി അത്ഭുതങ്ങള് സൃഷ്ടിക്കുമെന്നും സിപിഎം പ്രതീക്ഷിക്കുന്നു.
എന്നാല് സഭയോടും സഭാനേതൃത്വത്തോടും എപ്പോഴും നല്ല അടുപ്പം സൂക്ഷിക്കുന്ന കെവി തോമസിന് ക്രിസ്റ്റി ഫെര്ണാണ്ടസ് വെല്ലുവിളി സൃഷ്ടിക്കില്ലെന്നാണ് കരുതുന്നത്. തോമസിന് വോട്ട് ചെയ്യേണ്ടെന്ന് സഭ തീരുമാനിക്കാനുള്ള രാഷ്ട്രീയ സാഹചര്യവും നിലവിലില്ല.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google