Click it and Unblock the Notifications
Just In
Don't Miss
-
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
ഫിമെയിൽ ഫ്രണ്ട്സിനോട് ചെയ്യുന്നതേ ജാസ്മിനോടും ചെയ്തിട്ടുള്ളൂ! കല്യാണം കഴിക്കില്ല- ഗബ്രിയ്ക്കെതിരെ പ്രേക്ഷകർ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മകളും ഭര്‍ത്താവും ഐസിസില്‍? സത്യമറിയണം.... കോടതിയില്‍ അമ്മയുടെ ഹര്‍ജി
മകളും കുടുംബവും അഫ്ഗാനിലുണ്ടാവാമെന്ന് അമ്മ ഹര്‍ജിയില്‍ പറയുന്നു
കൊച്ചി: മകളും ഭര്‍ത്താവും തീവ്രവാദി സംഘടനയായ ഐസിസില്‍ ചേര്‍ന്നതായി സംശയിക്കുന്നതായും ഇവരെ നാട്ടിലേക്ക് തിരികെ കൊണ്ടുവരണമെന്നും ആവശ്യപ്പെട്ട് അമ്മയുടെ ഹര്‍ജി. തിരുവനന്തപുരം മണക്കാട് സ്വദേശിനിയായ ബിന്ദു സമ്പത്താണ് ഹൈക്കോടതിയില്‍ ഹര്‍ജി നല്‍കിയിരിക്കുന്നത്.
ഐസിസില്‍ ?
തിരുവനന്തപുരത്തു വച്ചാണ് ബിഡിഎസ് പഠിക്കുകയായിരുന്ന മകളെയും ഭര്‍ത്താവിനെയും കാണാതായത്. ഇവര്‍ ഐസിസില്‍ ചേര്‍ന്നിട്ടുണ്ടാവാമെന്ന് താന്‍ ഇപ്പോള്‍ സംശയിക്കുന്നതായി ഹര്‍ജിയില്‍ ബിന്ദു പറഞ്ഞു.
അഫ്ഗാനിസ്താനില്‍
അഫ്ഗാനിസ്താനില്‍ മകളും ഭര്‍ത്താവും ഉണ്ടെന്നാണ് സൂചന. അമേരിക്ക തുടര്‍ച്ചയായി ആക്രമണങ്ങള്‍ നടത്തുന്ന അവിടെ ഇരുവരുടെയും ജീവന്‍ സുരക്ഷിതമല്ലെന്നും ഹര്‍ജിയില്‍ ബിന്ദു ചൂണ്ടിക്കാട്ടി.
കുഞ്ഞും ഒപ്പം
മകളും ഭര്‍ത്താവും മാത്രമല്ല അവരുടെ കുഞ്ഞും ഒപ്പമുണ്ട്. മൂന്നു പേരെയും എത്രയും വേഗം നാട്ടിലെത്തിക്കാനുള്ള ശ്രമങ്ങള്‍ നടത്തണം. ഇവിടെയെത്തിയാല്‍ അവരുടെ ഇഷ്ടപ്രകാരം ജീവിക്കാനുള്ള അനുവാദം നല്‍കുമെന്നും ബിന്ദു ഹര്‍ജിയില്‍ അറിയിച്ചു.
എന്‍ഐഎ വിശദീകരണം
എന്‍ഐഎയാണ് ഇപ്പോള്‍ ഈ കേസ് അന്വേഷിക്കുന്നത്. അതുകൊണ്ടു തന്നെ അവരോട് വിശദീകരണം നല്‍കാന്‍ ഹൈക്കോടതി ആവശ്യപ്പെട്ടു. എന്‍ഐഎയുടെ പരിധിയില്‍ അല്ലാത്ത ഒരു വിദേശ രാജ്യത്തു കഴിയുന്ന ഇവരെ നാട്ടിലെത്തിക്കാന്‍ പ്രയാസമാണെന്നാണ് എന്‍ഐഎ അഭിഭാഷകന്‍ കോടതിയില്‍ പറഞ്ഞത്.
ഉടന്‍ റിപ്പോര്‍ട്ട് നല്‍കണം
എന്‍ഐഎയുടെ വാദം കേട്ട ശേഷമാണ് എത്രയും വേഗം ഇതേക്കുറിച്ചുള്ള മറുപടി സമര്‍പ്പിക്കാന്‍ ഹൈക്കോടതി ജസ്റ്റിസ് വിനോദ് ചന്ദ്രന്‍ ആവശ്യപ്പെട്ടത്.
കാണാതായത്
മണക്കാട് സ്വദേശിനിയായ ഫാത്തിമ നിമിഷയെയും ഭര്‍ത്താവിനെയും 2015ലാണ് കാണാതായത്. പൊയിനാച്ചി സെഞ്ച്വറി ഡെന്റല്‍ കോളേജിലെ അവസാന വര്‍ഷ വിദ്യാര്‍ഥിനിയായിരുന്ന ഫാത്തിമ നിമിഷ നാലു ദിവസം മുമ്പ് പരിചയപ്പെട്ട ബെക്‌സണ്‍ വിന്‍സെന്റിനൊപ്പമാണ് നാട്ടു വിട്ടതെന്നാണ് ബിന്ദു പറയുന്നത്. ക്രിസ്ത്യന്‍ മതവിശ്വാസിയായിരുന്ന ബെക്‌സണ്‍ പിന്നീട് ഇസ്ലാം മതം സ്വീകരിച്ചിരുന്നു. ഈസയെന്നാണ് ഇയാളുടെ പുതിയ പേര്.
അവസാനമായി ബന്ധപ്പെട്ടത്
2016ലാണ് ഫാത്തിമ നിമിഷ അവസാനമായി ബിന്ദുവുമായി ഫോണില്‍ ബന്ധപ്പെട്ടത്. പിന്നീട് ഒരു വിവരവും ഉണ്ടായിട്ടില്ലെന്ന് ബിന്ദു പറയുന്നു. അവസാനമായി സംസാരിച്ചപ്പോള്‍ താന്‍ ശ്രീലങ്കയിലേക്ക് പോവുകയാണെന്നാണ് മകള്‍ മറുപടി നല്‍കിയതെന്നും ഇവര്‍ കൂട്ടിച്ചേര്‍ത്തു.
