ചില്ലുകള് തകര്ത്തു,എസ്ഐയുടെ മുഖത്തേക്ക് വെള്ളമൊഴിച്ചു!തിരൂരിലെത്തിയ വിദേശ യുവതി കാണിച്ചുകൂട്ടിയത്
തിരൂരിലെ ഒരു ഹോട്ടലില് മുറിയെടുത്ത ഓസ്ട്രിയ സ്വദേശിനിയായ മോണിക്കയാണ് പരാക്രമങ്ങള് കാണിച്ചുകൂട്ടിയത്.
തിരൂര്: തിരൂരിലെത്തിയ വിദേശ വനിതയുടെ മണിക്കൂറുകള് നീണ്ട പരാക്രമണങ്ങള് കാരണം പൊറുതിമുട്ടിയത് തിരൂര് സ്റ്റേഷനിലെ പോലീസുകാരാണ്. ബുധനാഴ്ച വൈകീട്ട് തിരൂരിലെ ഒരു ഹോട്ടലില് മുറിയെടുത്ത ഓസ്ട്രിയ സ്വദേശിനിയായ മോണിക്കയാണ് പരാക്രമങ്ങള് കാണിച്ചുകൂട്ടിയത്.
ഹോട്ടലില് മുറിയിലെ ഫര്ണ്ണീച്ചറുകളും ചില്ലുകളും അടിച്ചുതകര്ത്ത മോണിക്ക മുറിയിലെ കര്ട്ടണുകള് വലിച്ചുകീറുകയും ചെയ്തു. യുവതിയുടെ പരാക്രമണങ്ങള് കണ്ട് ഹോട്ടല് മാനേജര് പോലീസില് വിവരമറിയിച്ചതിനെ തുടര്ന്ന് പോലീസ് ഹോട്ടലിലെത്തി. എന്നാല് പോലീസിനെ കണ്ടയുടനെ യുവതി ഹോട്ടലില് നിന്ന് ഇറങ്ങിയോടുകയായിരുന്നു.
ഫര്ണ്ണീച്ചറുകളും ചില്ലുകളും അടിച്ചുതകര്ത്തു...
ഡിസംബര് 28 ബുധനാഴ്ച വൈകീട്ടാണ് യുവതി ഹോട്ടലില് മുറിയെടുത്തത്. അക്രമാസക്തയായ യുവതി മുറിയിലെ ഫര്ണ്ണീച്ചറുകളും ചില്ലുകളും അടിച്ചുതകര്ക്കുകയും കര്ട്ടണുകള് വലിച്ചുകീറുകയും ചെയ്തു. യുവതിയുടെ പരാക്രമം കണ്ട ഹോട്ടല് മാനേജറാണ് പോലീസില് വിവരമറിയിച്ചത്.
പോലീസിനെ കണ്ട യുവതി ഇറങ്ങിയോടി...
വിവരമറിഞ്ഞ് ഹോട്ടലിലെത്തിയ പോലീസിനെ കണ്ടയുടനെ യുവതി ഹോട്ടലില് നിന്നും ഇറങ്ങിയോടുകയായിരുന്നു. റോഡിലേക്ക് ഓടിയ യുവതിയെ പോലീസും പിന്തുടര്ന്നു.
എസ്ഐയ്ക്ക് നേരെയും ആക്രമണം
യുവതിയെ അനുനയിപ്പിക്കാന് ശ്രമിച്ച പോലീസുകാര്ക്ക് നേരെയും ആക്രമണമുണ്ടായി. എസ്ഐയ്ക്ക് നേരെ വെള്ളവും ബിസ്ക്കറ്റും എറിഞ്ഞ മോണിക്കയെ ഏറെ പാടുപെട്ടതിന് ശേഷമാണ് ശാന്തയാക്കാന് കഴിഞ്ഞത്.
നഷ്ടപരിഹാരം നല്കി...
താലൂക്ക് ആശുപത്രിയില് വൈദ്യപരിശോധന നടത്തിയ യുവതിക്ക് മാനസിക പ്രശ്നമുള്ളതായാണ് പോലീസിന്റെ നിഗമനം. ഹോട്ടലിലെ നാശനഷ്ടങ്ങള് പണം കൊടുത്ത് സെറ്റില് ചെയ്തതോടെ യുവതിക്കെതിരെ കേസെടുത്തിട്ടില്ല.