Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പിണറായിയെ തള്ളി ഗൗരിയമ്മ; ഇടനിലക്കാരന്‍ ഐസക്ക്
ആലപ്പുഴ: ഗൗരിയമ്മയെ മുഖ്യമന്ത്രി സ്ഥാനാര്‍ത്ഥിയായി സിപിഎമ്മിലേക്ക് ക്ഷണിച്ചിട്ടില്ലെന്ന പിണറായി വിജയന്റെ പ്രതികരണത്തിന് ഗൗരിയമ്മയുടെ മറുപടി. ചര്‍ച്ചകള്‍ നടന്നിട്ടുണ്ടെന്നും പിണറായി വിജയന്റെ വലിയ സെക്രട്ടറിയായ പ്രകാശ് കാരാട്ട് തന്നെ ഇക്കാര്യം വ്യക്തമാക്കിയിട്ടുണ്ടെന്നും ഗൗരിയമ്മ ആലപ്പുഴയില്‍ പറഞ്ഞു.
സിപിഎം കേന്ദ്ര കമ്മിറ്റി അംഗവും എംഎല്‍എയുമായ ടിഎം തോമസ് ഐസക്ക് ആണ് മധ്യസ്ഥ ചര്‍ച്ചകള്‍ നടത്തിയതെന്നും ഗൗരിയമ്മ പറഞ്ഞു. എന്നാല്‍ തോമസ് ഐസക്ക് ഇക്കാര്യം നിഷേധിച്ചു.
പറഞ്ഞ കാര്യങ്ങള്‍ എല്ലാം സത്യമാണ്. പിണറായി വിജയന് ഓര്‍മക്കുറവായിരിക്കുമെന്നും ഗൗരിയമ്മ പറഞ്ഞു. മുഖ്യമന്ത്രി സ്ഥാനാര്‍ത്ഥിയായിത്തന്നെയാണ് തന്നെ ക്ഷണിച്ചത്. അല്ലാതെ സിപിഎമ്മിന്റെ കൂടെവെറുതെ നില്‍ക്കാന്‍ ഒരാളായിട്ടാണോ തന്നെ ക്ഷണിച്ചതെന്നും ഗൗരിയമ്മ ചോദിച്ചു.
ഗൗരിയമ്മ പറഞ്ഞത് വിസ്മയകരമായ കാര്യമാണെന്നാണ് തോമസ് ഐസക് പറഞ്ഞത്. ആലപ്പുഴയിലെ എംഎല്‍എ എന്ന നിലയില്‍ ഗൗരിയമ്മയേയും ജെഎസ്എസ് നേതാക്കളേയും പല തവണ കണ്ടിട്ടുണ്ടെങ്കിലും ഇങ്ങനെ ഒരു കാര്യം ചര്‍ച്ച ചെയ്തിട്ടില്ലെന്നും അദ്ദേഹം പറഞ്ഞു.
ഗൗരിയമ്മയെ സിപിഎം പറഞ്ഞുപറ്റിക്കുകയായിരുന്നുവെന്ന് മുന്‍ ജെഎസ്എസ് എംഎല്‍എ കെകെ ഷാജു പറഞ്ഞു. ജെഎസ്എസിനെ തകര്‍ക്കുകയാണ് സിപിഎമ്മിന്റെ ലക്ഷ്യമെന്നും ഷാജു ആരോപിച്ചു. ഗൗരിയമ്മയുടെ അവകാശവാദം സ്ഥിരബുദ്ധിയുള്ളവര്‍ വിശ്വസിക്കില്ലെന്നും ഷാജു പറഞ്ഞു.
