പരാതിക്കാരിയുമായി ഒത്തുതീര്പ്പിലെത്തി; ശ്രീനാഥ് ഭാസിക്കെതിരായ കേസ് ഹൈക്കോടതി റദ്ദാക്കി
കൊച്ചി: അഭിമുഖത്തിനിടെ അവതാരകയോട് പെരുമാറി എന്ന് കാണിച്ച് നടന് ശ്രീനാഥ് ഭാസിക്ക് എതിരെ രജിസ്റ്റര് ചെയ്ത കേസ് ഹൈക്കോടതി റദ്ദാക്കി. പരാതിക്കാരിയുമായി ഒത്തുതീര്പ്പിലെത്തി എന്നത് പരിഗണിച്ചാണ് കേസ് ഹൈക്കോടതി റദ്ദാക്കിയത്. ശ്രീനാഥ് ഭാസി നല്കിയ ഹര്ജിയിലാണ് കോടതി നടപടി
കേസ് റദ്ദാക്കണം എന്ന് ആവശ്യപ്പെട്ട് ശ്രീനാഥ് ഭാസി ഹൈക്കോടതിയില് അപേക്ഷ നല്കിയിരുന്നു. നടന് ക്ഷമാപണം നടത്തിയ സാഹചര്യത്തില് ശ്രീനാഥ് ഭാസിക്കെതിരായ പരാതി പിന്വലിക്കുകയാണ് എന്ന് പരാതിക്കാരിയുടെ അഭിഭാഷകന് നേരത്തെ അറിയിച്ചിരുന്നു.
ഇതിന് പിന്നാലെയാണ് തനിക്ക് എതിരെ രജിസ്റ്റര് ചെയ്ത എഫ് ഐ ആര് റദ്ദാക്കണം എന്ന് ആവശ്യപ്പെട്ട് ശ്രീനാഥ് ഭാസി ഹൈക്കോടതിയെ സമീപിച്ചത്. നേരത്തെ ഹര്ജി പരിഗണിച്ച കോടതി കേസ് സ്റ്റേ ചെയ്തിരുന്നു. കേസ് പിന്വലിക്കുകയാണ് എന്ന് അവതാരകയും ഹൈക്കോടതിയെ അറിയിച്ചിരുന്നു. ഈ സാഹചര്യത്തിലാണ് കേസ് റദ്ദാക്കിയത്.
ഉണ്ടായ സംഭവത്തില് ശ്രീനാഥ് ഭാസി മാപ്പ് പറഞ്ഞിട്ടുണ്ട് എന്നും തനിക്ക് ആരെയും ഉപദ്രവിക്കാന് താത്പര്യമില്ല എന്നുമാണ് അവതാരക ഹൈക്കോടതിയെ അറിയിച്ചത്. ഇതോടെ ശ്രീനാഥ് ഭാസിയുടെ ഹര്ജിയും അവതാരകയുടെ കേസ് പിന്വലിക്കാനുള്ള അപേക്ഷയും ഹൈക്കോടതി മുഖവിലക്കെടുത്തു. ജാമ്യമില്ലാ വകുപ്പുകള് പ്രകാരമായിരുന്നു ശ്രീനാഥ് ഭാസിക്കെതിരെ മരട് പൊലീസ് കേസ് രജിസ്റ്റര് ചെയ്തത്.
സ്ത്രീത്വത്തെ അപമാനിക്കല് ഉള്പ്പെടെയുള്ള വകുപ്പുകള് ചുമത്തിയിരുന്നു. ഇതിന് പിന്നാലെ നിര്മാതാക്കളുടെ സംഘടനയിലും അവതാരക പരാതി നല്കിയിരുന്നു. ഇതോടെ പുതിയ സിനിമകളില് നിന്ന് ശ്രീനാഥ് ഭാസിയെ നിര്മാതാക്കളുടെ സംഘടന വിലക്കിയിരുന്നു. ഇതിനിടെയാണ് ശ്രീനാഥ് ഭാസി, അവതാരകയുമായി ഒത്തുതീര്പ്പിലെത്തിയത്.
പരാതിക്കാരിയുമായി ഒത്തുതീര്പ്പിലെത്തിയെന്നും പ്രോസിക്യൂഷന് നടപടിയുമായി മുന്നോട്ട് പോകാന് താല്പ്പര്യമില്ല എന്ന് അവതാരക അറിയിച്ചതായും ശ്രീനാഥ് ഭാസി ആവശ്യപ്പെട്ടു. തനിക്ക് പരാതിയില്ല എന്നും കേസുമായി മുന്നോട്ട് പോകാന് താല്പ്പര്യമില്ല എന്നും പരാതിക്കാരിയും ഹൈക്കോടതിയില് സത്യവാങ്മൂലം നല്കുകയായിരുന്നു.
നിര്മാതാക്കളുടെ സംഘടനയേയും അവതാരക തനിക്ക് പരാതി ഇല്ല എന്ന് അറിയിച്ചു. അതേസമയം ശ്രീനാഥ് ഭാസിക്ക് ഏര്പ്പെടുത്തിയ വിലക്ക് നിര്മാതാക്കളുടെ സംഘടന പിന്വലിച്ചിട്ടില്ല. ശ്രീനാഥ് ഭാസിക്ക് എതിരെ മറ്റ് ചിലരും പരാതി നല്കിയിരുന്നു എന്നും അതിനാല് വിലക്ക് അച്ചടക്ക നടപടിയാണ് എന്നുമാണ് നിര്മാതാക്കളുടെ സംഘടന അവകാശപ്പെടുന്നത്
-
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു -
കേരളം കിട്ടിയില്ലെങ്കിൽ എന്താ, തമിഴ്നാട് ബിജെപിയുടെ കൈകളിലേക്ക്?.ഡിഎംകെയ വീഴ്ത്തുമെന്ന് സർവ്വെ -
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
'12ാം വയസില് കുഞ്ഞാലിക്കുട്ടിയെ കാണാന് തുടങ്ങിയതാ'; സബാഹ് രണ്ടുംകല്പ്പിച്ച്, കണക്കുകള് അനുകൂലം -
കൊയിലാണ്ടി, ബാലുശ്ശേരി നിലനിർത്തുക സിപിഎമ്മിന് വെല്ലുവിളി; തിരുവമ്പാടിയിലും കനത്ത പോരാട്ടം ഉറപ്പ് -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു
Click it and Unblock the Notifications
Sign in with Google