Click it and Unblock the Notifications
Just In
Don't Miss
-
അരമണിക്കൂറോളം അവള് വെള്ളത്തില് മുങ്ങി പോയി, റെസ്മിന് ജീവിതത്തിലേക്ക് തിരികെ വന്നതാണെന്ന് ഉമ്മ -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ആത്മഹത്യാ നിരക്ക് കൂടുതലുള്ള നഗരം കൊല്ലം; കുടുംബ കലഹം, ഞെട്ടിപ്പിക്കുന്ന റിപ്പോര്‍ട്ട്
ന്യൂഡല്‍ഹി: ആത്മഹത്യയുമായി ബന്ധപ്പെട്ട് ദേശീയ ക്രൈം റെക്കോര്‍ഡ് ബ്യൂറോ (എന്‍സിആര്‍ബി) പുറത്തുവിട്ട കണക്കുകള്‍ ഏവരെയും ഇരുത്തി ചിന്തിപ്പിക്കുന്നത്. രാജ്യത്ത് ഏറ്റവും കൂടുതല്‍ ആത്മഹത്യാ നിരക്കുള്ള നഗരം കേരളത്തിലെ കൊല്ലമാണ്. പിന്നെ പശ്ചിമ ബംഗാളിലെ അസന്‍സോള്‍. ഒരു ലക്ഷം പേരില്‍ 43.9 ശതമാനമാണ് കൊല്ലത്തെ ആത്മഹത്യാ നിരക്ക് എന്ന് റിപ്പോര്‍ട്ടില്‍ പറയുന്നു. അസന്‍സോളില്‍ 38.5 ശതമാനവും.
കേരളത്തില്‍ കുടുംബ പ്രശ്‌നങ്ങളെ തുടര്‍ന്നുള്ള ആത്മഹത്യകളില്‍ വന്‍ വര്‍ധനവുള്ളതായി എന്ന് റിപ്പോര്‍ട്ടില്‍ വിശദമാക്കുന്നു. 2020ല്‍ 3,575 പേരാണ് ഈ കാരണങ്ങളാല്‍ കേരളത്തില്‍ ജീവനൊടുക്കിയതെങ്കില്‍ കഴിഞ്ഞവര്‍ഷം ഇത് 4,552 ആയി വര്‍ധിച്ചു. 2020ല്‍ കേരളത്തില്‍ 8,500 പേരാണ് ആത്മഹത്യ ചെയ്തത്. ആകെ ആത്മഹത്യകളുടെ 42.1 ശതമാനവും കുടുംബപ്രശ്‌നങ്ങള്‍ മൂലമായിരുന്നു. 2021ല്‍ 9549 പേരും ആത്മഹത്യചെയ്തു. ഇതില്‍ 47.7 ശതമാനത്തിന് കാരണവും കുടുംബപ്രശ്‌നങ്ങള്‍ ആയിരുന്നു.
2020ല്‍ വിവിധ അസുഖങ്ങള്‍ മൂലം 1,933 പേര്‍ ജീവനൊടുക്കിയെങ്കില്‍ 2021ല്‍ ഇത് 2006 ആയി ഉയര്‍ന്നു. രാജ്യത്ത് ആത്മഹത്യകള്‍ക്കു പ്രധാന കാരണം കുടുംബപ്രശ്‌നമാണ്. ആകെ ആത്മഹത്യകളില്‍ 33.2 ശതമാനവും ഇക്കാരണത്താലാണ്. മാറാരോഗം, ലഹരി, പ്രണയ നൈരാശ്യം, സാമ്പത്തിക ബാധ്യത, തൊഴിലില്ലായ്മ, ദാരിദ്ര്യം എന്നിവയും ആത്മഹത്യയുടെ കാരണങ്ങളാണ്.
വന്‍ നഗരങ്ങളിലും ആത്മഹത്യ വര്‍ധിച്ചുവരികയാണ്. 53 വന്‍ നഗരങ്ങളിലെ കണക്കുകള്‍ പരിശോധിച്ചാല്‍ 35 ശതമാനം ആത്മഹത്യകള്‍ ഡല്‍ഹി, ചെന്നൈ, ബെംഗളൂരു, മുംബൈ എന്നീ നാല് മെട്രോ പൊളിറ്റന്‍ സിറ്റികളിലാണ്. മഹാരാഷ്ട്ര, തമിഴ്നാട്, മധ്യപ്രദേശ്, പശ്ചിമ ബംഗാള്‍, കര്‍ണാടക എന്നീ സംസ്ഥാനങ്ങളിലാണ് രാജ്യത്തെ പകുതി ആത്മഹത്യകള്‍ എന്നും എന്‍സിആര്‍ബി പുറത്തുവിട്ട പുതിയ റിപ്പോര്‍ട്ടില്‍ പറയുന്നു.
