ഐഎസ്ആര്ഒ ഗൂഢാലോചന കേസ്; സിബി മാത്യൂസിന്റെ മുന്കൂര് ജാമ്യം നീട്ടി
ഐഎസ്ആര്ഒ ഗൂഢാലോചന കേസ്; സിബി മാത്യൂസിന്റെ മുന്കൂര് ജാമ്യം നീട്ടി
കൊച്ചി: ഐ എസ് ആർ ഒ ചാരക്കേസ് ഗൂഡാലോചനയിൽ മുന്കൂര് ജാമ്യത്തിന് സമയപരിധി നിശ്ചയിച്ച കീഴ്ക്കോടതി നടപടി ഹൈക്കോടതി റദ്ദാക്കി. കേസിൽ 60 ദിവസത്തെ മുന്കൂര് ജാമ്യമായിരുന്നു സി ബി ഐ കോടതി അനുവദിച്ചിരുന്നത്. ഈ ഉത്തരവ് ചോദ്യം ചെയ്തുള്ള സിബി മാത്യൂസിന്റെ ഹര്ജി ഹൈക്കോടതി അംഗീകരിക്കുകയായിരുന്നു.
ഹർജിയിൽ ഹൈക്കോടതി സിബിഐയുടെ വിശദീകരണം തേടിയിരുന്നു. തിരുവനന്തപുരം സെഷൻസ് കോടതിയാണ് 60 ദിവസത്തേക്ക് സിബി മാത്യൂസിന് മുൻകൂർ ജാമ്യം അനുവദിച്ചത്.
ചാരക്കേസ് കെട്ടിച്ചമയ്ക്കാന് ഗൂഡാലോചന നടത്തിയെന്ന സിബിഐ കേസിലെ നാലാം പ്രതിയാണ് മുന് ഡിജിപി കൂടിയായ സിബി മാത്യൂസ്. ഐ എസ് ആര് ഒ ചാരക്കേസ് അന്വേഷിക്കുന്ന സമയത്ത് പ്രത്യേക അന്വേഷണ സംഘത്തില് അംഗമായിരുന്നു സിബി മാത്യൂസ്. എന്നാൽ, തനിക്കെതിരായ പകയാണ് കേസിന് പിന്നിലെന്നും സിബി മാത്യൂസ് ആരോപിച്ചിരുന്നു.
ചാരക്കേസിൽ പ്രതിയായ നമ്പിനാരായണനെ ഇൻറലിൻസ് ബ്യൂറോയുടെ നിർദ്ദേശ പ്രകാരമാണ് അറസ്റ്റ് ചെയ്തതെന്നും, ചാരക്കേസ് ആദ്യം അന്വേഷിച്ച സിബിഐ സംഘമാണ് കേസ് അട്ടിമറി നടത്തിയതെന്നും ആയിരുന്നു സി ബി മാത്യൂസിന്റെ വാദം.
ചില ശാസ്ത്രജ്ഞന്മാര്, പൊലീസിലെ വിരമിച്ച ഉദ്യോഗസ്ഥര് എന്നിവര് ഈ അട്ടിമറിയ്ക്ക് പിന്നിലുണ്ട്, ഉദ്യോഗസ്ഥര്ക്കെതിരായ നീക്കത്തില് സര്ക്കാരുകള് കൈയ്യും കെട്ടി നില്ക്കുന്നത് ശരിയല്ലെന്നുമായിരുന്നു സിബി മാത്യൂസ് പറഞ്ഞത്. അതേസമയം, മുന്കൂര് ജാമ്യത്തിന് സമയപരിധി നിശ്ചയിച്ചതിനെതിരെ സിബിഐയുടെ വിശദീകരണം നേരത്തെ ഹൈക്കോടതി തേടിയിരുന്നു.
എന്നാൽ നമ്പിനാരായണനെ കസ്റ്റഡിൽ മർദ്ദിച്ചുവെന്നും സിബിമാത്യൂസിന്റെ അറസ്റ്റ് ഒഴിവാക്കുമെന്ന് ഉറപ്പു പറയാനാകില്ലെന്നും ജാമ്യാപേക്ഷയെ എതിർത്ത് സിബിഐയും വാദിച്ചു. സി ബി മാത്യൂസിൻറെ ജാമ്യ ഹർജിയെ എതിർത്ത് നമ്പിനാരായണനും ചാരക്കേസിൽ പ്രതിചേർക്കപ്പെട്ട മാലി വനിതകളും കക്ഷി ചേർന്നിരുന്നു.
അതേസമയം, ബഹിരാകാശ ശാസ്ത്രജ്ഞൻ നമ്പി നാരായണനെതിരായ ഐ എസ് ആർ ഒ ചാരക്കേസ് ഗൂഢാലോചനയിൽ പ്രതികളായ പോലീസുദ്യോഗസ്ഥരായ എസ്. വിജയൻ തമ്പി, എസ്. ദുർഗാഗത്ത്, ജയപ്രകാശ് ആർ.ബി. ശ്രീകുമാർ എന്നിവർക്ക് ഹൈക്കോടതി മുൻകൂർ ജാമ്യം നൽകിയിരുന്നു. കഴിഞ്ഞ ആഗസ്റ്റ് മാസത്തിലാണ് ജാമ്യം . നാലുപേരും അന്വേഷണവുമായി സഹകരിക്കണമെന്ന് കോടതി ഉത്തരവിൽ വ്യക്തമാക്കി. അന്വേഷണത്തിന്റെ ഭാഗമായി അറസ്റ്റ് രേഖപ്പെടുത്തിയാലും അന്നുതന്നെ വിട്ടയയ്ക്കണമെന്നും കോടതി നിർദ്ദേശിച്ചിരുന്നു.
Click it and Unblock the Notifications
Sign in with Google