Click it and Unblock the Notifications
Just In
Don't Miss
-
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം -
പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള് -
'ഇനിയൊരു വിവാഹം കഴിക്കാൻ താൽപര്യമുണ്ട്, മകനുള്ളതുകൊണ്ട് മടിച്ച് നിൽക്കുന്നു, 50 വയസായിട്ട് ഇനി ചിന്തിക്കാം' -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കാബൂളില്‍ കൊല്ലപ്പെട്ടത് രണ്ട് മലയാളികള്‍
കാബൂള്‍: കാബൂളില്‍ കഴിഞ്ഞ ദിവസം നടന്ന ഭീകരാക്രമണത്തില്‍ കൊല്ലപ്പെട്ട ഇന്ത്യക്കാരില്‍ രണ്ട് പേര്‍ മലയാളികളാണെന്ന് സ്ഥിരീകരിച്ചു. കൊച്ചി സ്വദേശി മാത്യു ജോര്‍ജ്ജ്, കൊല്ലം സ്വദേശിയും ദില്ലി മലയാളിയുമായ ഡോ മാര്‍ത്ത ഫാരെല്‍ എന്നിവരാണ് അവര്‍.
ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തു. നാല് ഇന്ത്യക്കാരുള്‍പ്പെടെ 14 പേരാണ് പാര്‍ക്ക് പാലസ് ഗസ്റ്റ് ഹൊസില്‍ നടന്ന ഭീകരാക്രമണത്തില്‍ കൊല്ലപ്പെട്ടത്. ഒരു അമേരിക്കന്‍ പൗരനും ഇതില്‍ ഉള്‍പ്പെടുന്നു.
കാബൂളിലെ ഇന്ത്യന്‍ അംബാസഡര്‍ അമന്‍ സിന്‍ഹയെ ലക്ഷ്യമിട്ടായിരുന്നു താലിബാന്‍ ആക്രണം എന്നാണ് റിപ്പോര്‍ട്ട്. ചാര്‍ട്ടേഡ് അക്കൗണ്ടന്റ് ആയ മാത്യു ജോര്‍ജ്ജ് ഇന്ത്യന്‍ എംബസിലിയെ ഓഡിറ്റിംഗുമായി ബന്ധപ്പെട്ടാണ് കാബൂളില്‍ എത്തിയത്. ആക്രമണം നടക്കുന്ന വിവരം ഇദ്ദേഹം ഫോണിലൂടെ മകനെ അറിയിച്ചിരുന്നു. നാല് വര്‍ഷമായി മാത്യു ജോര്‍ജ്ജ് കാബൂളിലുണ്ട്.
കൊല്ലം സ്വദേശിയായ ഡോ മാര്‍ത്ത ഫാരെല്‍ ഏറെ കാലമായി ദില്ലിയിലാണ് താമസം. പാര്‍ട്ടിസിപ്പേറ്ററി റിസര്‍ച്ച് ഇന്‍ ഏഷ്യ എന്ന സന്നദ്ധ സംഘടനയുടെ ഡയറക്ടറായ മാര്‍ത്ത സംഘടനയുടെ റിസോഴ്‌സ് ട്രെയിനറായിട്ടാണ് കാബൂളില്‍ എത്തുന്നത്. അടുത്ത ദിവസം ഇന്ത്യയിലേക്ക് മടങ്ങാനിരിക്കെയാണ് അവര്‍ ആക്രമണത്തില്‍ കൊല്ലപ്പെട്ടത്.
