കണ്ണൂര് ഇനി ശാന്തമാകും; സര്വ്വകക്ഷി യോഗത്തില് ധാരണ, അക്രമങ്ങള് നടത്തുവരെ പാര്ട്ടി തള്ളിപ്പറയും
സംസ്ഥാനത്തിന്റെ പ്രധാനപ്പെട്ട കേന്ദ്രങ്ങളില് സിസിടിവി ക്യാമറകള് സ്ഥാപിക്കാനുളള നിര്ദേശവും സര്ക്കാര് നല്കിയിട്ടുണ്ട്.
കണ്ണൂര്: കണ്ണൂരിലെ രാഷ്ട്രീയ അക്രമങ്ങള്ക്ക് ഇനി മോചനമുണ്ടാകും. കണ്ണൂരിലെ അക്രമം അവസാനിപ്പിക്കാന് സര്വ്വകക്ഷി യോഗത്തില് തീരുമാനവമായി. കണ്ണൂരിലെ സംഘര്ഷങ്ങളുമായി ബന്ധപ്പെട്ട് അക്രമികള്ക്കെതിരെ മുഖം നോക്കാതെ നടപടി എടുക്കുമെന്ന് മുഖ്യമന്ത്രി പിണറായി വിജയന്. സര്വകക്ഷി യോഗത്തിനുശേഷം തീരുമാനങ്ങള് മാധ്യമങ്ങളോട് വ്യക്തമാക്കുകയായിരുന്നു അദ്ദേഹം. ആരാധനാലയങ്ങള് ചില പ്രത്യേക രാഷ്ട്രീയ കക്ഷികള് കൈവശം വെക്കുന്നതും അവരുടെ പ്രവര്ത്തനങ്ങള്ക്കായി ഉപയോഗിക്കുന്നതും അവസാനിപ്പിക്കണമെന്നും നിര്ദേശിച്ചിട്ടുണ്ട്.
സംസ്ഥാനത്തിന്റെ പ്രധാനപ്പെട്ട കേന്ദ്രങ്ങളില് സിസിടിവി ക്യാമറകള് സ്ഥാപിക്കാനുളള നിര്ദേശവും സര്ക്കാര് നല്കിയിട്ടുണ്ട്. പ്രാദേശികമായി ബന്ധപ്പെട്ടുണ്ടാകുന്ന രാഷ്ട്രീയ തര്ക്കങ്ങള് പരിഹരിക്കാന് ബന്ധപ്പെട്ടിടങ്ങളില് ചര്ച്ചയ്ക്കുളള വേദിയൊരുക്കും. നേതൃത്വങ്ങള് പരസ്പരം ബന്ധപ്പെട്ട് ഉഭയകക്ഷി ചര്ച്ചയ്ക്കുളള അവസരങ്ങളും ഉണ്ടാക്കും. സര്വകക്ഷി യോഗത്തിന്റെ ഭാഗമായി കൈക്കൊണ്ട തീരുമാനങ്ങളില് നിന്നും വിരുദ്ധമായി ഏതെങ്കിലും കൂട്ടര് അക്രമം നടത്തിയാല് അവരെ ബന്ധപ്പെട്ട പാര്ട്ടി തള്ളിപ്പറയുമെന്നാണ് യോഗത്തിലെ ധാരണയെന്നും മുഖ്യമന്ത്രി വിശദമാക്കി.
ആള്ബലം
പോലീസ് സ്റ്റേഷനുകളില് കയറിച്ചെന്ന് അറസ്റ്റ് ചെയ്തവരെ മോചിപ്പിക്കുന്നവര്ക്കെതിരെ നിയമനടപടികള് സ്വീകരിക്കും. ആള്ബലത്തിന്റെ ഭാഗമായി പോലീസ് സ്റ്റേഷനുകളില് സമ്മര്ദ്ദം ചെലുത്തി ആളുകളെ മോചിപ്പിക്കുന്നത് ശരിയല്ലെന്നും യോഗത്തില് വ്യക്തമാക്കിയിട്ടുണ്ട്.
കര്ശന നടപടി
കണ്ണൂരില് പൊലീസ് നിരന്തരമായി ഇടപെട്ടതിന്റെ ഭാഗമായി ധാരാളം ബോംബുകള് കണ്ടെടുത്തിരുന്നു. ബോംബ് നിര്മ്മാണവും ആയുധ നിര്മ്മാണവും നടക്കുന്നത് കണ്ടെത്താനുളള തീവ്രമായ നടപടികള് പൊലീസ് സ്വീകരിക്കും.
പാര്ട്ടി ഓഫീസുകളും
വീടുകള് തകര്ത്ത് നിരപരാധികളെ ആക്രമിക്കുന്നു. വീടുകളും പാര്ട്ടി ഓഫിസുകളും ആക്രമിക്കപ്പെടില്ലെന്ന് ഉറപ്പ് വരുത്താനും യോഗത്തില് തീരുമാനിച്ചിട്ടുണ്ട്.
ചര്ച്ചയ്ക്ക്
പ്രാദേശികമായി ബന്ധപ്പെട്ടുണ്ടാകുന്ന രാഷ്ട്രീയ തര്ക്കങ്ങള് പരിഹരിക്കാന് ബന്ധപ്പെട്ടിടങ്ങളില് ചര്ച്ചയ്ക്കുളള വേദിയൊരുക്കും.
Click it and Unblock the Notifications
Sign in with Google