'കരുണയിൽ കരണത്തടി' കിട്ടിയെങ്കിലും മുന്നോട്ട് പോകുമെന്ന് സർക്കാർ! പ്രതീക്ഷയില്ലെന്ന് വിദ്യാർത്ഥികൾ
നിയമസഭ പാസാക്കിയ ബില്ലിൽ ഭരണഘടനാ വിരുദ്ധമായി ഒന്നുമില്ലെന്ന് സ്പീക്കർ പി ശ്രീരാമകൃഷ്ണൻ പറഞ്ഞു.
തിരുവനന്തപുരം: ഓർഡിനൻസ് സുപ്രീംകോടതി റദ്ദാക്കിയെങ്കിലും മെഡിക്കൽ പ്രവേശനം ക്രമപ്പെടുത്തിയ ബില്ലുമായി മുന്നോട്ട് പോകാൻ സർക്കാർ തീരുമാനം. കഴിഞ്ഞദിവസം നിയമസഭയിൽ പാസാക്കിയ ബിൽ നിയമവകുപ്പിന് കൈമാറിയ ശേഷം ഗവർണർക്ക് അയച്ചു. വിദ്യാർത്ഥികളുടെ ഭാവി സംരക്ഷിക്കാൻ ബില്ലുമായി മുന്നോട്ടുപോകുമെന്നാണ് ആരോഗ്യമന്ത്രിയും പ്രതികരിച്ചത്.
അതേസമയം, നിയമസഭ പാസാക്കിയ ബില്ലിൽ ഭരണഘടനാ വിരുദ്ധമായി ഒന്നുമില്ലെന്ന് സ്പീക്കർ പി ശ്രീരാമകൃഷ്ണൻ പറഞ്ഞു. മുൻ മുഖ്യമന്ത്രി ഉമ്മൻചാണ്ടി അടക്കമുള്ള കോൺഗ്രസ് നേതാക്കളും സർക്കാർ നടപടിയെ പിന്തുണച്ച് രംഗത്തെത്തി. എന്നാൽ ബില്ലിനെ പിന്തുണച്ച പ്രതിപക്ഷ നടപടിയിൽ കോൺഗ്രസിനുള്ളിൽ ഭിന്നത രൂപപ്പെട്ടിട്ടുണ്ട്. മുൻ എംഎൽഎയും കോൺഗ്രസ് നേതാവുമായ ബെന്നി ബെഹന്നാൻ പ്രതിപക്ഷം ബില്ലിനെ പിന്തുണച്ചതിനെതിരെ പരസ്യമായി രംഗത്തെത്തി. മുൻ കെപിസിസി പ്രസിഡന്റ് വിഎം സുധീരനും പ്രതിപക്ഷത്തെ കുറ്റപ്പെടുത്തിയിരുന്നു.
സ്വാശ്രയ മാനേജ്മെന്റുകളെ സംരക്ഷിക്കുന്ന ബില്ലിനെതിരെ എഐവൈഎഫും രംഗത്തെത്തി, ഇടതുപക്ഷ സർക്കാരാണെന്ന കാര്യം മറക്കരുതെന്ന് ഓർമ്മിപ്പിച്ച് എഐവൈഎഫ് സംസ്ഥാന സെക്രട്ടറി മഹേഷ് കക്കത്താണ് സർക്കാരിനെതിരെ രൂക്ഷവിമർശനമുന്നയിച്ചത്. അതേസമയം, പ്രവേശനം ക്രമപ്പെടുത്തിയ ഓർഡിനൻസ് സുപ്രീംകോടതി റദ്ദാക്കിയതോടെ തങ്ങളുടെ പ്രതീക്ഷ നഷ്ടപ്പെട്ടതായി മെഡിക്കൽ വിദ്യാർത്ഥികൾ പറഞ്ഞു.
സർക്കാരിന്റെയും കോളേജ് മാനേജ്മെന്റിൻറെയും പിടിപ്പുകേടാണ് തങ്ങളുടെ ഭാവി ഇല്ലാതാക്കിയതെന്നും കണ്ണൂർ, കരുണ മെഡിക്കൽ കോളേജുകളിലെ വിദ്യാർത്ഥികൾ പ്രതികരിച്ചു. അഞ്ചരക്കണ്ടിയിലെ കണ്ണൂർ, പാലക്കാട് കരുണ മെഡിക്കൽ കോളേജുകളിലെ 180 വിദ്യാർത്ഥികളുടെ പ്രവേശനം ക്രമപ്പെടുത്തിയുള്ള സർക്കാർ ഓർഡിനൻസാണ് സുപ്രീംകോടതി വ്യാഴാഴ്ച റദ്ദ് ചെയ്തത്. പ്രവേശനം സാധുവാക്കാൻ നിയമസഭയിൽ ബിൽ പാസാക്കിയതിന് പിന്നാലെയായിരുന്നു സർക്കാരിനെ രൂക്ഷമായി വിമർശിച്ച് സുപ്രീംകോടതി ഓർഡിനൻസ് റദ്ദ് ചെയ്തത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google