തോല്പ്പിയ്ക്കാന് ശ്രമിച്ച സ്ഥാനാര്ത്ഥി വിജയിച്ചപ്പോള് മുന്കൂര് ജാമ്യവുമായി കാന്തപുരം
പാലക്കാട്: താന് പരസ്യമായി എതിര്ത്ത എംഎല്എ വിജയിച്ചതോടെ മുന്കൂര് ജമ്യവുമായി എപി കാന്തപുരം. ഒരു സ്ഥാനാര്ത്ഥിയേയും പരാജയപ്പെടുത്തണമെന്ന് പറഞ്ഞിട്ടില്ലെന്ന് കാന്തപുരം പറയുന്നു. മണ്ണാര്ക്കാട് യുഡിഎഫ് സ്ഥാനാര്ത്ഥിയായിരുന്ന ഷംസുദ്ദീനെതിരെയാണ് കാന്തപുരം പരസ്യ പ്രസ്താവന നടത്തിയത്.
കാന്തപുരം പരസ്യമായി വിമര്ശിച്ച എന് ഷംസുദ്ദീന് വീണ്ടും എംഎല്എ പദവിയിലെത്തുന്നതോടെയാണ് കാന്തപുരം പുതിയ പ്രസ്താവനയുമായി രഗംത്തെത്തിയത്. മുസ്ലീം ലീഗ് സ്ഥാനാര്ത്ഥിയായ ഷംസുദ്ദീന് 12325 വോട്ടിന്റെ ഭൂരിപക്ഷത്തിനാണ് മണ്ഡലത്തില് വിജയിച്ചത്.
അട്ടപ്പാടി പീഡനക്കേസിലെ പ്രതിയെ രക്ഷപ്പെടുത്താന് എംഎല്എ കൂടിയായ താന് സഹായിച്ചില്ലെന്ന് പറഞ്ഞാണ് കാന്തപുരം തനിയ്ക്കെതിരെ വിവാദ പ്രസംഗങ്ങളും വിമര്ശനങ്ങളും നടത്തിയതെന്നായിരുന്നു ഷംസുദ്ദീന്റെ അവകാശവാദം. കാന്തപുരവും സംഘവും തന്നെ തോല്പ്പിയ്ക്കാന് ശ്രമിയ്ക്കുന്നതായും ഷംസുദ്ദീന് ആരോപിച്ചിരുന്നു. എന്നാല് മണ്ഡലത്തില് ഷംസുദ്ദീന് തന്നെ വിജയിക്കുകയായിരുന്നു.
Click it and Unblock the Notifications
Sign in with Google