കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സ്ഥാന ബജറ്റ് 2021: ബജറ്റ് അവതരണത്തിൽ ഉമ്മൻചാണ്ടിയുടെ റെക്കോർഡ് മറികടന്ന് തോമസ് ഐസക്

സംസ്ഥാന ബജറ്റ് 2021: ഉന്നത വിദ്യാഭ്യാസത്തിന് ബൃഹത് പദ്ധതികൾ, 20000 കുട്ടികൾക്ക് അധിക പഠന സൌകര്യം, സർവ്വകലാശാലക

Google Oneindia Malayalam News

Newest First Oldest First
12:33 PM, 15 Jan

ഇടുക്കി കണ്ണംപടി ഡിടിഎച്ച് സ്കൂളിലെ കെപി അമലിന്റെ കവിത ചൊല്ലിക്കൊണ്ടാണ് ധനമന്ത്രി ബജറ്റ് പ്രസംഗം അവസാനിപ്പിച്ചത്.
12:30 PM, 15 Jan

രാവിലെ ഒമ്പത് മണിക്ക് ആരംഭിച്ച ബജറ്റ് അവതരണം ഉച്ചയ്ക്ക് 12.18 ഓടെയാണ് അവസാനിച്ചത്.
12:26 PM, 15 Jan

ബജറ്റ് അവതരണത്തിൽ റെക്കോർഡിട്ട് ധനമന്ത്രി തോമസ് ഐസക്. മൂന്ന് മണിക്കൂർ 18 മിനിറ്റ് സമയമെടുത്താണ് ധനമന്ത്രി ബജറ്റ് അവതരണം പൂർത്തിയാക്കിയത്.
12:17 PM, 15 Jan

സർക്കാർ ഉദ്യോഗസ്ഥരുടെ ശമ്പള പരിഷ്കരണം ഏപ്രിൽ മാസം മുതൽ നടപ്പിലാക്കും. ശമ്പള കുടിശ്ശിക ഗഡുക്കളായി വിതരണം ചെയ്യും.
12:16 PM, 15 Jan

ഇതോടെ ആഗസ്റ്റ് ഒന്ന് മുതൽ സെസ് ഉണ്ടാവില്ല. ഇതിന് പുറമേ കേരള സംസ്ഥാന ഭാഗ്യക്കുറിയെ സംരക്ഷിക്കുമെന്നും അന്യസംസ്ഥാന ലോട്ടറികളെ വിപണി പിടിക്കാൻ അനുവദിക്കില്ലെന്നും ധനകാര്യമന്ത്രി വ്യക്തമാക്കി. ലോട്ടറി സമ്മാനത്തുകയും വർധിപ്പിക്കും. എൽഎൻജി, സിഎൻജി വാറ്റ് അഞ്ച് ശതമാനമാക്കി കുറക്കുകയും ചെയ്യും.
12:14 PM, 15 Jan

പ്രളയ സെസ് ജൂലൈ വരെ മാത്രമെന്ന് ബജറ്റിൽ പ്രഖ്യാപനം.
12:13 PM, 15 Jan

ബജറ്റ് പ്രസംഗത്തില്‍ മുൻ മുഖ്യമന്ത്രി ഉമ്മൻ ചാണ്ടിയുടെ റെക്കോർഡ് മറികടന്ന് തോമസ് ഐസക്ക്. ഉമ്മന്‍ചാണ്ടിയുടെ 2 മണിക്കൂര്‍ 54 മിനിറ്റ് എന്ന റെക്കോർഡാണ് മറികടന്നിട്ടുള്ളത്. തോമസ് ഐസക് ഇതിനകം മൂന്ന് മണിക്കൂർ 18 മിനിറ്റ് സമയം പിന്നിട്ട് കഴിഞ്ഞു.
12:09 PM, 15 Jan

വയനാട്ടിൽ പഴശ്ശിരാജയുടെ പേരിൽ ട്രൈബൽ കോളേജ് ആരംഭിക്കും. കേരളം ആവശ്യം ഉന്നയിക്കുന്ന വയനാട്-ബന്ദിപ്പൂർ എലിവേറ്റഡ് ഹൈവേയ്ക്ക് അനുമതി ലഭിച്ചാൽ ചെലവിന്റെ ഒരു പങ്ക് കേരളം വഹിക്കും. വയനാട് തുരങ്ക പാതയുടെ പാരിസ്ഥിതിക പഠനം കഴിയുന്നതോടെയാണ് തുക അനുവദിക്കുക.
12:09 PM, 15 Jan

വയനാട് മെഡിക്ക കോളേജിന് 300 കോടി. 2021-22ൽ വയനാട് മെഡിക്കൽ കോളേജ് യാഥാർത്ഥ്യമാകും. ഇതിനായി 300കോടി രൂപ കിഫ്ബിയിൽ നിന്ന് അനുവദിക്കും. ഇതിനൊപ്പം തന്നെ ജനിതക രോഗങ്ങളായ സിക്കിൾ സെൽ അനീമിയ ചികിത്സയ്ക്കായി പ്രത്യേക കേന്ദ്രവും ഇതിനൊപ്പംവ ആരംഭിക്കും.
12:01 PM, 15 Jan

കെഎസ്എഫ്ഇ ചിട്ടികള്‍ക്ക് ഇന്‍ഷുറന്‍സ് പരിരക്ഷ
വന സംരക്ഷണത്തിനും പുനരുജ്ജീവനത്തിനുമായി 200 കോടി വകയിരുത്തി
12:01 PM, 15 Jan

വനങ്ങളെ സംരക്ഷിക്കാനും ആവശ്യമുള്ള ഇടങ്ങളില്‍ പുനരുജ്ജീവിപ്പിക്കുന്നതിനും 200 കോടി വകയിരുത്തി
12:00 PM, 15 Jan

ഇലക്ട്രിക് വാഹന ഉപയോഗത്തെ പ്രോത്സാഹിപ്പിക്കാന്‍ ഹൈബ്രിഡ് ബാറ്ററി ഇലക്ട്രിക് വാഹനങ്ങള്‍, ഫ്യുവല്‍ സെല്‍ ഇലക്ട്രിക് വാഹനങ്ങള്‍ എന്നിവയ്ക്ക് ആദ്യത്തെ അഞ്ച് വര്‍ഷം 50 ശതമാനം മോട്ടോര്‍ വാഹന നികുതിയില്‍ ഇളവ് നല്‍കും
11:54 AM, 15 Jan

കെഎസ്ആര്‍ടിസി പുനസംഘടിപ്പിക്കും. 3000 സിഎന്‍ജി ബസുകള്‍ക്ക് 50 കോടി അനുവദിച്ചിട്ടുണ്ട്. വികാസ് ഭവനില്‍ കെഎസ്ആര്‍ടിസി സമുച്ചയം ആരംഭിക്കും.
11:53 AM, 15 Jan

മീഡിയ അക്കാദമിയുടെ ആഭിമുഖ്യത്തില്‍ വനിതാ പത്രപ്രവര്‍ത്തകര്‍ക്ക് തലസ്ഥാന നഗരിയില്‍ താമസ സൗകര്യത്തോടെയുള്ള പ്രസ് ക്ലബ് സ്ഥാപിക്കും
11:51 AM, 15 Jan

മീഡിയ അക്കാദമിക്ക് 5 കോടിയും കേരള മ്യൂസിയത്തിന് 1 കോടിയും വകയിരുത്തി
11:50 AM, 15 Jan

ആയൂര്‍വേദ മേഖലയ്ക്ക് 78 കോടി രൂപ അനുവദിച്ചിട്ടുണ്ട്. ഇതില്‍ 30 കോടി ആശുപത്രികളുടെ നവീകരണത്തിനായി നീക്കിവെക്കും.
11:49 AM, 15 Jan

ശബരിമല വിമാനത്താവളം, ഇടുക്കി- വയനാട്, എയർസ്ട്രിപ്പുകൾ നിർമിക്കുന്നതിനായി ഒമ്പത് കോടി വകയിരുത്തിയിട്ടുണ്ട്. ശബരിപാത നിർമാണച്ചെലവിന്റെ പകുതി കിഫ്ബിയിൽ നിന്നാണ് നൽകുന്നത്.
11:48 AM, 15 Jan

തൃപ്പൂണിത്തുറ ലൈൻ 2021-22ൽ പൂർത്തിയാവും. 1957 കോടി രൂപ ചെലവഴിച്ച് കലൂർ സ്റ്റേഡിയം മുതൽ കാക്കനാട് ഐടി സിറ്റി വരെയുള്ള ഭാഗത്തേക്ക് മെട്രോ നീട്ടും.
11:41 AM, 15 Jan

കൊച്ചി വാട്ടർ മെട്രോയുടെ ആദ്യഘട്ടം ഉദ്ഘാടനം ഈ മാസം. കൊച്ചി വാട്ടർ മെട്രോയുടെ 19 വാട്ടർ ജെട്ടികളാണ് ഈ മാസം ഉദ്ഘാടനത്തിനൊരുങ്ങിയിട്ടുള്ളത് . രണ്ടാംഘട്ടത്തിൽ അടുത്ത വർഷം 19 വാട്ടർ ജെട്ടികളും തുറന്നുനൽകും.
11:32 AM, 15 Jan

എംപി വീരേന്ദ്ര കുമാറിന് കോഴിക്കോട് സ്മാരകം നിർമ്മിക്കും
11:30 AM, 15 Jan

റീജിയണല്‍ കാന്‍സര്‍ സെന്ററിന് 71 കോടി, മലബാര്‍ കാന്‍സര്‍ സെന്ററിന് 25 കോടി. കൊച്ചി കാന്‍സര്‍ സെന്റര്‍ ഈ വര്‍ഷം പൂര്‍ത്തിയാക്കും.
11:29 AM, 15 Jan

പത്രപ്രവർത്തക പെൻഷൻ ആയിരം രൂപ കൂട്ടി
11:28 AM, 15 Jan

റോഡ് അപകടങ്ങളില്‍ പരിക്കേറ്റവര്‍ക്ക് ആദ്യ 48 മണിക്കൂര്‍ സൗജന്യ ചികിത്സ ഉറപ്പാക്കും.
11:27 AM, 15 Jan

ആശാ വർക്കർമാരുടെ അലവൻസ് വർധിപ്പിച്ചു. പ്രാഥമികാരോഗ്യ കേന്ദ്രങ്ങളിൽ ഉച്ചയ്ക്ക് ശേഷവും ഒപി, ലാബ്, ഫാർമസി എന്നിവ പ്രവർത്തിക്കുമെന്ന് പ്രഖ്യാപനം. സംസ്ഥാനത്തെ മെഡിക്കൽ കോളേജുകൾക്ക് 420 കോടി അനുവദിച്ചിട്ടുണ്ട്.
11:24 AM, 15 Jan

പൊതുവിഭ്യാഭാസ രംഗത്തിന് വിവിധ പദ്ധതികൾ. സർക്കാർ സ്കൂളുകളുടെ പശ്ചാത്തല സൌകര്യ വികസനത്തിന് 120 കോടി വകയിരുത്തി. ഉച്ചഭക്ഷണ പദ്ധതിയ്ക്ക് വേണ്ടി 526 കോടി. പാചക തൊഴിലാളികളുടെ അലവൻസിൽ 50 രൂപയുടെ വർധനവ്. സ്കൂളൂുകളിലെ സൈക്കോളജിസ്റ്റ് കൌൺസിലറുടെ വേതനം 24000 രൂപയാക്കി ഉയർത്തി. പ്രീ പ്രൈമറി ആയമാർക്ക് 10 വർഷം വരെ 500 രൂപയും 10 വർഷത്തിന് മുകളിലുള്ളവർക്ക് 1000 രൂപയും ലഭിക്കും.
11:20 AM, 15 Jan

സംസ്ഥാനത്തെ ആശുപത്രികൾ, സ്‌കൂളുകൾ എന്നിവടങ്ങളില്‍ സോഷ്യല്‍ ഓഡിറ്റിംഗ് നടത്തും. തൊഴിലുറപ്പ് പദ്ധതിയിലും സോഷ്യല്‍ ഓഡിറ്റിംഗ് നടത്തുമെന്നും ബജറ്റിൽ പ്രഖ്യാപനമുണ്ട്.
11:19 AM, 15 Jan

നാളികേര കൃഷി പ്രോത്സാഹിപ്പിക്കാന്‍ 75 കോടി
11:18 AM, 15 Jan

കാർഷിക മേഖലയിൽ നെഗറ്റീവ് വളർച്ച രേഖപ്പെടുത്തിയ സാഹചര്യത്തിൽ നെല്‍കൃഷി വികസനത്തിന് 116 കോടി വകയിരുത്തിയിട്ടുണ്ട്. പച്ചക്കറി-കിഴങ്ങ് വര്‍ഗ ഉത്പാദനം കൂട്ടാന്‍ 80 കോടിയും അനുവദിച്ചു. ജലസേചന പദ്ധതികൾക്ക് വേണ്ടി 40 കോടിയും വകയിരുത്തിയിട്ടുണ്ട്.
11:16 AM, 15 Jan

കിഫ്ബി പദ്ധതിയില്‍ വയനാട് കോഫി പാര്‍ക്ക് ആരംഭിക്കും. ബ്രാന്‍ഡഡ് കാപ്പിക്കുരുവിന് തറവില 90 രൂപ നൽകും. കോഫി വൈന്‍ഡിങ് മെഷിന്‍ സ്ഥാപിക്കാന്‍ കുടുംബശ്രീക്ക് 20 കോടി
11:11 AM, 15 Jan

സ്വകാര്യ പങ്കാളിത്തത്തില്‍ അറവ് മാലിന്യ സംസ്‌കരണ പദ്ധതി
READ MORE

തിരുവനന്തപുരം: പിണറായി വിജയന്‍ സര്‍ക്കാരിന്റെ ആറാമത്തെ ബജറ്റ് ഇന്ന് ധനമന്ത്രി തോമസ് ഐസക്ക് നിയമസഭയിൽ അവതരിപ്പിക്കും. നിയമസഭ തിരഞ്ഞെടുപ്പിന് മാസങ്ങള്‍ മാത്രം ശേഷിക്കെ അത് മുന്നില്‍ കണ്ടുള്ള ബജറ്റായിരിക്കും ധനമന്ത്രി അവതരിപ്പിക്കുക. സാമൂഹ്യ സുരക്ഷയ്ക്ക് പ്രധാന്യം നല്‍കുന്നതിനൊപ്പം ക്ഷേമ പദ്ധതികളുടെ പ്രഖ്യാപനങ്ങളുണ്ടാകാനും സാധ്യതയുണ്ട്. അതേസമയം, കൊവിഡിനെ തുടര്‍ന്നുള്ള സാമ്പത്തിക പ്രതിസന്ധി രൂക്ഷമായ സമയത്താണ് ബജറ്റ് എന്നത് വലിയ വെല്ലുവിളിയാണ്.

photo-2021-01-1
English summary
Kerala Budget 2021 LIVE Updates In Malayalam
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X