Click it and Unblock the Notifications
Just In
Don't Miss
-
15x15x15 - കോടിപതിയാകാൻ ഒരു സൂത്രവാക്യം -
ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം -
മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അഞ്ചും പിടിക്കാന്‍ സിപിഎം; കളത്തിലിറക്കിയത് പുതുമുഖങ്ങളെ, സ്ഥാനാര്‍ഥികളെ പ്രഖ്യാപിച്ചു
തിരുവനന്തപുരം: ഉപതിരഞ്ഞെടുപ്പ് നടക്കുന്ന അഞ്ച് നിയമസഭാ മണ്ഡലങ്ങളിലേക്കുള്ള സിപിഎം സ്ഥാനാര്‍ഥികളെ പ്രഖ്യാപിച്ചു. സംസ്ഥാന സെക്രട്ടറി കോടിയേരി ബാലകൃഷ്ണനാണ് സ്ഥാനാര്‍ഥികളെ പ്രഖ്യാപിച്ചത്. വട്ടിയൂര്‍ക്കാവില്‍ വികെ പ്രശാന്ത് മല്‍സരിക്കും. അരൂരില്‍ മനു സി പുളിക്കലാണ് സിപിഎം സ്ഥാനാര്‍ഥി. മഞ്ചേശ്വരത്ത് സിഎച്ച് കുഞ്ഞമ്പുവല്ല, പകരം ശങ്കര്‍ റേ സ്ഥാനാര്‍ഥിയാകും. കോന്നിയില്‍ കെയു ജനീഷ്‌കുമാര്‍ മല്‍സരിക്കും. എറണാകുളത്ത് സിപിഎം സ്വതന്ത്രനായി അഡ്വ. മനു റോയ് ആണ് മല്‍സരിക്കുന്നത്.
അഞ്ചുപേരും മല്‍സരിക്കുന്നത് ആദ്യമായിട്ടാണ്. സാമുദായിക സമവാക്യങ്ങള്‍ സിപിഎം പരിഗണിക്കാറില്ലെന്ന് കോടിയേരി ബാലകൃഷ്ണന്‍ സ്ഥാനാര്‍ഥികളെ പ്രഖ്യാപിച്ച് വിശദീകരിച്ചു. എറണാകുളത്തെ സ്ഥാനാര്‍ഥിയെ പരിശോധിച്ചാല്‍ ഇക്കാര്യം വ്യക്തമാകുമെന്നും സമുദായം നോക്കിയല്ല, യോഗ്യത പരിശോധിച്ചാണ് അവിടെ സ്ഥാനാര്‍ഥിയെ നിര്‍ത്തിയതെന്നും കോടിയേരി പറഞ്ഞു.
തിരുവനന്തപുരം മേയറാണ് വികെ പ്രശാന്ത്. ഡിവൈഎഫ്‌ഐ സംസ്ഥാന വൈസ് പ്രസിഡന്റുമാരാണ് മനു സി പുളിക്കലും കെയു ജനീഷ് കുമാറും. മുതിര്‍ന്ന പത്രപ്രവര്‍ത്തകന്‍ കെഎം റോയിയുടെ മകനാണ് എറണാകുളത്തെ സ്ഥാനാര്‍ഥി മനു റോയ്. സിപിഎം കാസര്‍ഗോഡ് ജില്ലാ കമ്മിറ്റി അംഗമാണ് ശങ്കര്‍ റേ. മുന്‍ എംഎല്‍എയും സിപിഎം സംസ്ഥാന കമ്മിറ്റി അംഗവുമായ സിഎച്ച് കുഞ്ഞമ്പുവിനെ മഞ്ചേശ്വരത്ത് പരിഗണിച്ചിരുന്നെങ്കിലും അവസാന നിമിഷം ശങ്കര്‍ റേയിലേക്ക് എത്തുകയായിരുന്നു.
ലോക്‌സഭാ തിരഞ്ഞെടുപ്പ് സമയത്തുണ്ടായിരുന്ന സാഹചര്യം മാറിയെന്ന് കോടിയേരി ബാലകൃഷ്ണന്‍ പറഞ്ഞു. ശബരിമല ഇപ്പോള്‍ തിരഞ്ഞെടുപ്പ് വിഷയമല്ല. സംസ്ഥാന സര്‍ക്കാരിന്റെ വിലയിരുത്തല്‍ തിരഞ്ഞെടുപ്പ് അല്ല ഇതെന്നും കോടിയേരി പറഞ്ഞു. യുഡിഎഫില്‍ മഞ്ചേശ്വരത്ത് മുസ്ലിം ലീഗ് മാത്രമാണ് സ്ഥാനാര്‍ഥിയെ പ്രഖ്യാപിച്ചത്. ബാക്കി നാല് മണ്ഡലത്തിലും അനിശ്ചിതത്വം നിലനില്‍ക്കുകയാണ്. ഇന്ന് പ്രഖ്യാപനമുണ്ടായേക്കും. ബിജെപിയിലും അനിശ്ചിതത്വം നിലനില്‍ക്കുകയാണ്.
