സംസ്ഥാനത്ത് ഇന്ന് 496 പേർക്ക് കൊവിഡ്..ഇനി ചികിത്സയിലുള്ളത് 4051 പേർ
തിരുവനന്തപുരം: കേരളത്തില് 500 ൽ താഴെ കൊവിഡ് രോഗികൾ. 496 പേര്ക്കാണ് പുതുതായു രോഗം സ്ഥിരീകരിച്ചത്. ഏറ്റവും കുറവ് രോഗികൾ എറണാകുളം ജില്ലയിലാണ്. ഇവിടെ 138 പേർക്കാണ് രോഗം സ്ഥിരീകരിച്ചത്. കുറവ് കാസർഗോഡ് ജില്ലയിലും. ഇവിടെ പുതിയ രോഗികൾ 4 പേരാണ്. തിരുവനന്തപുരം 70, കോട്ടയം 56, കോഴിക്കോട് 43, പത്തനംതിട്ട 40, കൊല്ലം 29, തൃശൂര് 29, ആലപ്പുഴ 22, കണ്ണൂര് 19, ഇടുക്കി 15, മലപ്പുറം 11, പാലക്കാട് 10, വയനാട് 10, എന്നിങ്ങനേയാണ് മറ്റ് ജില്ലകളില് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 16,883 സാമ്പിളുകളാണ് പരിശോധിച്ചത്.
സംസ്ഥാനത്തെ വിവിധ ജില്ലകളിലായി 14,838 പേരാണ് ഇപ്പോള് നിരീക്ഷണത്തിലുള്ളത്. ഇവരില് 14,412 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 426 പേര് ആശുപത്രികളിലും നിരീക്ഷണത്തിലാണ്. 71 പേരെയാണ് പുതുതായി ആശുപത്രിയില് പ്രവേശിപ്പിച്ചത്.
നിലവില് 4051 കോവിഡ് കേസുകളില്, 12 ശതമാനം വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളില് പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ 24 മണിക്കൂറിനിടെ മരണങ്ങളൊന്നും കോവിഡ്-19 മൂലമാണെന്ന് സ്ഥിരീകരിച്ചിട്ടില്ല. ഇതുകൂടാതെ മുന് ദിവസങ്ങളില് മരണപ്പെടുകയും എന്നാല് രേഖകള് വൈകി ലഭിച്ചത് കൊണ്ടുള്ള 3 മരണങ്ങളും സുപ്രീം കോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 138 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്ത് കൊവിഡ് ബാധിച്ച് ജീവഹാനി സംഭവിക്കുന്നവരുടെ ആകെ എണ്ണം 67,772 ആയി.
ഇന്ന് രോഗം സ്ഥിരീകരിച്ചവരില് 3 പേര് സംസ്ഥാനത്തിന് പുറത്ത് നിന്നും വന്നവരാണ്. 462 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 26 പേരുടെ സമ്പര്ക്ക ഉറവിടം വ്യക്തമല്ല. 5 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 693 പേര് രോഗമുക്തി നേടി. തിരുവനന്തപുരം 113, കൊല്ലം 27, പത്തനംതിട്ട 50, ആലപ്പുഴ 5, കോട്ടയം 61, ഇടുക്കി 62, എറണാകുളം 172, തൃശൂര് 61, പാലക്കാട് 8, മലപ്പുറം 19, കോഴിക്കോട് 58, വയനാട് 34, കണ്ണൂര് 21, കാസര്ഗോഡ് 2 എന്നിങ്ങനേയാണ് രോഗമുക്തിയായത്. ഇതോടെ 4051 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 64,57,993 പേര് ഇതുവരെ കോവിഡില് നിന്നും മുക്തി നേടി.
കോവിഡ് 19 വിശകലന റിപ്പോര്ട്ട്
· വാക്സിനേഷന് എടുക്കേണ്ട ജനസംഖ്യയുടെ 100 ശതമാനം പേര്ക്ക് ഒരു ഡോസ് വാക്സിൻ (2,69,32,822) സ്വീകരിച്ചതായി സർക്കാർ അറിയിച്ചു. 87 ശതമാനം പേര്ക്ക് രണ്ട് ഡോസ് വാക്സിനും (2,33,15,736) നല്കിയതായും സർക്കാർ വ്യക്തമാക്കി.
· 15 മുതല് 17 വയസുവരെയുള്ള 79 ശതമാനം (12,08,162) കുട്ടികള്ക്ക് ആദ്യ ഡോസ് വാക്സിനും 47 ശതമാനം (7,14,612) പേര്ക്ക് രണ്ട് ഡോസ് വാക്സിനും നല്കി.
· ഇന്ത്യയില് ഏറ്റവും കൂടുതല് വാക്സിനേഷന്/ ദശലക്ഷം ഉള്ള സംസ്ഥാനം കേരളമാണ് (14,93,591)
Recommended Video
· മാര്ച്ച് 19 മുതല് 25 വരെയുള്ള കാലയളവില്, ശരാശരി 5486 കേസുകള് ചികിത്സയിലുണ്ടായിരുന്നതില് 2.5 ശതമാനം പേര്ക്ക് മാത്രമാണ് ഓക്സിജന് കിടക്കകളും 2 ശതമാനം പേര്ക്ക് മാത്രമാണ് ഐ സി യു വും ആവശ്യമായി വന്നതെന്നും സർക്കാർ പത്ര കുറിപ്പിൽ അറിയിച്ചു.
Click it and Unblock the Notifications
Sign in with Google