Click it and Unblock the Notifications
Just In
Don't Miss
-
ചരിത്രം കുറിച്ച് സ്മൃതി മന്ദാനയുടെ ടെസ്റ്റ് സെഞ്ചുരി; ഓഫ് സൈഡിന്റെ ദേവതയെന്ന് സോഷ്യല് മീഡിയ - ഇന്റർകൂളർ ഹോസിലെ തകരാർ, XUV300 എസ്യുവിയുടെ ഡീസൽ മോഡലുകളെ തിരികെവിളിച്ച് Mahindra
- ഞാൻ ഒരു പേളി ഫാനാണെന്ന് പൂർണ്ണിമ, അവളിൽ എനിക്കേറ്റവുമിഷ്ടം അക്കാര്യമാണ്, ശരിവെച്ച് ആരാധകരും
- പൊന്നിന് 'പൊള്ളുന്ന' വില; പവന് 280 രൂപ വര്ധിച്ചു, ഗ്രാമിന് 35 രൂപയും — അറിയാം നിരക്കുകള്
- വെറുമൊരു പാനീയം മാത്രമല്ല; കോഫി ഒരു വികാരം കൂടിയാണ്
- പുതിയ ഫോൺ വാങ്ങുന്നവർ കാത്തിരിക്കുക, ഈ സ്മാർട്ട്ഫോണുകൾ ഒക്ടോബറിൽ വിപണിയിലെത്തും
- ലോക വെജിറ്റേറിയന് ദിനം: സസ്യാഹാര രീതികള്ക്ക് പ്രസിദ്ധമായ ലോകനഗരങ്ങള്
വാക്സിനേഷനിൽ സുപ്രധാന നേട്ടം, ഒന്നും രണ്ടും ഡോസ് ഉള്പ്പെടെ 3 കോടി ഡോസ് വാക്സിൻ നൽകി കേരളം
തിരുവനന്തപുരം: കൊവിഡ് വാക്സിനേഷനിൽ സുപ്രധാന നാഴികക്കല്ല് പിന്നിട്ട് കേരളം. സംസ്ഥാനത്ത് ആകെ വാക്സിനേഷന് 3 കോടി ഡോസ് കടന്നു . ഒന്നും രണ്ടും ഡോസ് ഉള്പ്പെടെയാണ് വാക്സിനേഷന് ഡോസ് 3 കോടി കടന്നിരിക്കുന്നതെന്ന് മുഖ്യമന്ത്രി പിണറായി വിജയൻ അറിയിച്ചു. ഇന്ന് വൈകുന്നേരം വരെ ആകെ 3,01,00,716 ഡോസ് വാക്സിനാണ് നല്കിയത്. അതില് 2,18,54,153 പേര്ക്ക് ഒന്നാം ഡോസ് വാക്സിനും 82,46,563 പേര്ക്ക് രണ്ടാം ഡോസ് വാക്സിനുമാണ് നല്കിയത്. 18 വയസിന് മുകളിലുള്ള 76.15 ശതമാനം പേര്ക്ക് ആദ്യ ഡോസ് വാക്സിനും 28.73 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. ജനസംഖ്യാനുപാതികമായി ഇത് യഥാക്രമം 61.73 ശതമാനവും 23.30 ശതമാനവുമാണ്.
'ഈ വാർത്തയും ചർച്ചയും കാണുന്ന പരിപാടി മമ്മൂക്ക അവസാനിപ്പിക്ക്', അനുഭവം പങ്കുവെച്ച് ജോൺ ബ്രിട്ടാസ്
നമ്മുടെ വാക്സിനേഷന് ദേശീയ ശരാശരിയേക്കാളും വളരെ കൂടുതലാണെന്ന് മുഖ്യമന്ത്രി പറഞ്ഞു. ഇന്ത്യയിലെ വാക്സിനേഷന് ഒന്നാം ഡോസ് 41.45 ശതമാനവും (53,87,91,061) രണ്ടാം ഡോസ് 12.70 ശതമാനവുമാണ് (16,50,40,591). വാക്സിന് ക്ഷാമം കാരണം കഴിഞ്ഞ ദിവസങ്ങളില് വാക്സിനേഷനില് തടസം നേരിട്ടു. എന്നാല് ഇന്നലെ 10 ലക്ഷം ഡോസ് വാക്സിന് എത്തിയതോടെ ഇന്ന് മുതല് വാക്സിനേഷന് കാര്യമായി നടന്നു വരികയാണ്. കോവിഷീല്ഡ്/ കോവാക്സിന് എന്നിവയുടെ രണ്ടാമത്തെ ഡോസ് കാലതാമസം കൂടാതെ എല്ലാവരും എടുക്കേണ്ടതാണ്. രണ്ട് വാക്സിനുകളും മികച്ച ഫലം തരുന്നവയാണ്.
സ്ത്രീകളാണ് പുരുഷന്മാരെക്കാര് കൂടുതല് വാക്സിനെടുത്തത്. സ്ത്രീകളുടെ വാക്സിനേഷന് 1,57,00,557 ഡോസും പുരുഷന്മാരുടെ വാക്സിനേഷന് 1,46,15,262 ഡോസുമാണ്. ആരോഗ്യ പ്രവര്ത്തകര്ക്കും കോവിഡ് മുന്നണി പോരാളികള്ക്കും 100 ശതമാനം ആദ്യ ഡോസും 86 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. ഈ മാസത്തില് തന്നെ 18 വയസിന് മുകളിലുള്ള മുഴുവന് പേര്ക്കും ആദ്യ ഡോസ് വാക്സിന് നല്കാനാണ് സംസ്ഥാനം ലക്ഷ്യമിടുന്നത്. അതിനായി കൂടുതല് വാക്സിന് ലഭ്യമാകണം.
വാക്സിന് ക്ഷാമമാണ് കഴിഞ്ഞ ദിവസങ്ങളില് വാക്സിനേഷനില് തടസം ഉണ്ടാകാന് കാരണമെന്ന് ആരോഗ്യമന്ത്രി വീണാ ജോർജ് വ്യക്തമാക്കി. ലഭ്യമായ വാക്സിന് പരമാവധി പേര്ക്ക് എത്രയും വേഗം നല്കാനാണ് ശ്രമിക്കുന്നത്. കഴിഞ്ഞ ദിവസം 10 ലക്ഷം ഡോസ് വാക്സിന് വന്നതോടെ വാക്സിനേഷന് ശക്തിപ്പെടുത്തി. ഇന്ന് 31,060 ഡോസ് കോവാക്സിന് കൂടി തിരുവനന്തപുരത്ത് ലഭ്യമായി എന്നും വീണാ ജോർജ് അറിയിച്ചു.
ഇന്നലെവരെയുള്ള കണക്കനുസരിച്ച് 2,38,782 കോവിഡ് കേസുകളില്, 12.82% വ്യക്തികള് മാത്രമാണ് ആശുപത്രി/ഫീല്ഡ് ആശുപത്രികളിലോ പ്രവേശിപ്പിക്കപ്പെട്ടിട്ടുള്ളത്. ഈ ശതമാനം ഏറെക്കുറെ സ്ഥിരമായി തുടരുന്നുമുണ്ട്. ഇത് സൂചിപ്പിക്കുന്നത് രോഗബാധ ഉണ്ടാവുന്ന വ്യക്തികളില് ഉചിതമായ പരിചരണവും പിന്തുണയും നല്കുന്നത് കൊണ്ട് രോഗത്തിലേക്കുള്ള മാറ്റം ആശങ്കാജനകമായ അളവില് വര്ധിക്കുന്നില്ല എന്നാണ്. എന്നാല് രോഗാതുരത ഉണ്ടെങ്കിലും ആശുപത്രിയില് എത്തുന്ന ഭൂരിഭാഗം രോഗികളും, വൈകി എത്തുന്നവരായി ശ്രദ്ധയില് പെട്ടിട്ടുണ്ട്. കോവിഡ് അണുബാധ സ്ഥിരീകരിച്ച എല്ലാ ആളുകളെയും പ്രത്യേകിച്ച് അനുബന്ധ രോഗങ്ങള് ഉണ്ടെങ്കില് കൃത്യസമയത്ത് ആദ്യദിവസം തന്നെ ആശുപത്രിയില് പ്രവേശിപ്പിക്കേണ്ടതാണ്.
മൈക്രോ കണ്ടെയ്ൻമെന്റ് സോണുകളും കണ്ടെയ്ൻമെന്റ് സോണുകളും കോവിഡ് ജാഗ്രതാ പോര്ട്ടലിലും ജില്ലാ വെബ് സൈറ്റുകളിലും കൃത്യമായി പുതുക്കാതെ പോകുന്നത് ശ്രദ്ധയില് പെട്ടിട്ടുണ്ട്. കണ്ടെയ്ൻമെന്റ് സോണുകളുമായി ബന്ധപ്പെട്ട വിവരങ്ങള് എല്ലാ ബുധനാഴ്ചയും മൈക്രോ കണ്ടെയ്ൻമെന്റ് സോണുകളുമായി ബന്ധപ്പെട്ട വിവരങ്ങള് എല്ലാ ദിവസവും പുതുക്കണമെന്ന കര്ശന നിര്ദ്ദേശം ജില്ലാ അടിയന്തര കാര്യനിര്വഹണ കേന്ദ്രങ്ങള്ക്ക് നല്കും. ഇക്കാര്യം നിര്വഹിക്കുന്നതിനായി ഓരോ കേന്ദ്രത്തിനും ഐടി മിഷനില് നിന്നും ഐടി വിദഗ്ധനെ താല്ക്കാലികമായി നിയമിക്കുന്നതാണ്. കഴിഞ്ഞ 24 മണിക്കൂറിനുളളില് സംസ്ഥാനത്ത് മാസ്ക് ധരിക്കാത്ത 9654 പേര്ക്കെതിരെ കേസ് രജിസ്റ്റര് ചെയ്തു. സാമൂഹിക അകലം പാലിക്കാത്തതിന് 8852 പേര്ക്കെതിരെ നിയമനടപടി സ്വീകരിച്ചു. പിഴയായി 18,85,800 രൂപയാണ് ഇക്കഴിഞ്ഞ ദിവസം ഈടാക്കിയത്.